logo

иқтисод

ҶАВОНИИ НУРОБОДИ ҚАДИМ

Нуробод - як гӯшаи кишвари офтобию биҳиштосои Тоҷикистони азиз таърихи басо қадима дорад. Шаҳри бостонии Дарбанд, ки муаррихон  мавҷудияти онро беш аз 3000 сол медонанд, макони тиҷорату савдо, косибию ҳунармандӣ ва илму фарҳанг маҳсуб меёфт. Харобаҳои то имрӯз боқимондаи  шаҳр шоҳиди муборизаи қаҳрамононаи мардуми бумӣ бо ишғолгарони Искандару Чингиз мебошанд. "Дарбанд" маънои бандарро дошта,  шаҳр дарвозаи байни ду водӣ - Қаротегин ва Дарвоз будааст. Роҳи  ҷаҳонии абрешим аз ин шаҳр мегузашт ва бешак, сокинонаш бо дигар минтақаҳо равобити қавии тиҷоратию иқтисодӣ ва фарҳангӣ доштанд. Дар наздикии маркази ноҳия боқимондаҳои қалъаҳои Имлоку Ҷамҳур мавҷуданд.    
 
Дӯстзода Ҳасан Тағдир, раиси ноҳияи Нуробод, ҳангоми суҳбат бо хабарнигори “Ҷумҳурият” дар хусуси рафти корҳои ободонию созандагӣ ва рушди соҳаҳои иқтисодию иҷтимоии ноҳия чунин изҳори андеша намуд:
- Тайи солҳои охир дар бахши сохтмону ободонӣ, иқтисодиёту иҷтимоиёт ва фарҳангу маорифи ноҳия дигаргуниҳои куллию пешравиҳои назаррас ба чашм мерасанд, ки ин  ҳама бо шарофати Истиқлолияти давлатӣ, таҳкими сулҳу субот ва сиёсати созандаю бунёдкорони Пешвои миллат - муҳтарам Эмомалӣ Раҳмон ба даст омадаанд. Симои ноҳия, махсусан маркази он - шаҳраки навбунёди Дарбанд рӯз то рӯз зеботар мешавад. Бо вуҷуди буҳрони молиявӣ ва мушкилоти мавҷуда соҳаҳои иқтисодию иҷтимоӣ босуръат рушд ёфта, барои  мардуми меҳнатқарини ноҳия муҳити созгори созандагию бунёдкорӣ муҳайё гардидааст. Танҳо соли сипаришуда дар 25 иншоот корҳои бунёдкорию сохтмонӣ ҷараён гирифтанд. Инчунин 56 хонаи истиқоматӣ, 15  маркази савдо ва мағозаҳои хурд дар ҷамоатҳои шаҳраку деҳот ва иншооти гуногуни иҷтимоӣ сохта ба истифода дода шуданд.
Дар рушди иқтисоди ноҳия, новобаста аз баъзе маҳдудиятҳои шароити кӯҳистон, саҳми соҳибкорон ва бахши хусусӣ назаррас мебошад, ки ба таъмини аҳолии қобили меҳнат ба ҷойи кори доимию мавсимӣ ва паст кардани сатҳи камбизоатӣ мусоидат менамояд. Аз ин рӯ, мақомоти иҷроияи маҳаллии ҳокимияти давлатии ноҳия рушди ин соҳаро дар мадди аввал мегузорад. Ҳоло дар ноҳия 1138  соҳибкор фаъолият дорад. Бонкҳои амалкунанда ва марказҳои дастгирии ҷамоатҳои деҳот дар ҳаҷми 9528117 сомонӣ ба 973  ба соҳибкорон ва хоҷагиҳои деҳқонӣ қарзҳои миёнамуҳлати имтиёзнок додаанд.
Корхонаҳои истеҳсоли хишт дар деҳоти Сафедчашма, "Хишти Ёнур" дар деҳаи Лаби Ҷари деҳоти Хумдон, истеҳсоли  орд дар деҳаи Чорсада, асфалтбарорӣ  дар деҳаи Сари Пули деҳоти  Комсомолобод,  маҳсулоти пластикӣ ва ҳамчунин 4 коргоҳи истеҳсоли хишти сементӣ дар истеҳсоли маҳсулоти мавриди ниёзи мардум ва таъмини сокинон бо ҷойи кор саҳми назаррас доранд.
Бо ташаббуси соҳибкор Файзалӣ Фатҳуддин фермаи ширӣ аллакай ба фаъолият шурӯъ намуда, ба беморхонаи марказӣ ва мактаб - интернати ҷумҳуриявии кӯдакони ятим ҳар рӯз ройгон 20 - 30 литр шир кумак расонда мешавад.
Тибқи нақша дар ноҳия таъсиси як корхонаи қуму шағал ва як корхонаи моҳипарварӣ, инчунин гимназияи давлатӣ дар назди муассисаи таҳсилоти умумии № 14 пешбинӣ шудааст.
Мардуми шарифи Тоҷикистон ҷашнҳои бузурги Наврӯз, солгардҳои Ваҳдати миллӣ ва Истиқлолияти давлатии Тоҷикистонро бо созандагию бунёдкорӣ истиқбол менамоянд. Дар ин радиф сокинони шарафманди Нуробод имсол боз 80 – солагии ноҳияро ҷашн мегиранд. Талоши мо барои истиқболи сазовори ҷашнҳои дарпешистода ва муҳайё сохтани шароити созгор ҷиҳати зиндагии шоистаи мардум аст.

Худодод ЗАЙНИДДИН,
"Ҷумҳурият"


Баёни ақида (0)    Санаи нашр: 26.02.2016    №: 40    Мутолиа карданд: 481

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед