logo

сиёсат

САДОҚАТ: АЗ ҚАРЗИ ФАРЗАНДӢ ТО РИСОЛАТИ ШАҲРВАНДӢ

Муҳимтарин нуктае, ки дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон зикр ёфт, тақвияти мубориза алайҳи равияҳои тундгаро, ноустувории молиявию иқтисодии ҷаҳон буда, вобаста ба он Сарвари давлат вазифаҳои навбатии аҳли ҷомеа, мақомоти давлатӣ ва ҳар як фарди кишварро муайян намуд: «Дар шароити ташаннуҷи авзои сиёсии ҷаҳон ва тағйиру таҳаввулоти босуръати он, торафт вусъат гирифтани низоъҳои байнидавлативу байнимазҳабӣ ва авҷи ҷиноятҳои муташаккили фаромарзӣ ҳимояи марзу буми кишвар ва ҳифзи давлату миллат барои мо масъалаи аввалиндараҷа ва ҳаётан муҳим ба шумор меравад».

Пас, вазифаи ҳар фарди солимфикр аз он иборат аст, ки дар шароити кунунӣ зарурати муқовимат ба хатарҳои умумибашарӣ, бахусус терроризм ва экстремизмро ба хубӣ эҳсос намояд. Зеро бадбахтиҳои инсон аз зуҳуроти нангин ва хатарзо сарчашма мегирад.
Дар Паём бо овардани мисоли ҳушдордиҳанда аз воқеаҳои нангини аввали моҳи сентябри соли 2015, ки бо маблағгузориву сарпарастии бевоситаи роҳбарияти собиқ Ҳизби назҳати исломи Тоҷикистон сурат гирифта буд, таъкид шуд, ки Тоҷикистон аз таъсири глобалии терроризм хотирҷамъ набуда, барои пешгирии чунин ҳодисаҳои нангин, роҳ надодан ба равияҳои террористӣ тадбирҳо меандешад: “Ҳодисаҳои зикршуда, равандҳои муосири сайёра ва вазъи минтақа ҳушдор медиҳанд, ки мо ҳаргиз зиракии сиёсиро аз даст надиҳем ва барои ҳимояи амният, ваҳдати миллӣ, сулҳу субот, волоияти қонун ва оромиву осудагии кишвари маҳбубамон ҳамеша омода бошем”.
Мо, мардуми шарифи Тоҷикистон дар пояи эътимоду боварӣ ба ғамхориҳои рӯзафзуни давлату Ҳукумати ҷумҳурӣ ҳамеша бар он бовар ҳастем, ки беҳдошти рӯзгори ҳар хонавода олитарин ҳадафи фаъолияти Президент ва Ҳукумати Ҷумҳурии Тоҷикистон маҳсуб ёфта, ба шарофати таҳкими сулҳу суботи кишвар ва зиндагии осоишта шароиту имкониятҳои иҷтимоии онҳо вобаста аз заминаҳои иқтисодии кишвар зина ба зина рӯ ба беҳбудӣ мениҳад. Вобаста ба ин Президенти кишвар ёдовар шуданд, ки “ҳарчанд қисми зиёди дастуру супоришҳо ва иқдомоти дар Паёми соли 2015 баёнгардида бо дарназардошти имконияту захираҳои мавҷуда иҷро шуд, вале бо сабаби коҳиш ёфтани содироту воридот ва иҷро нашудани баъзе нишондиҳандаҳои буҷети давлатӣ зиёд намудани музди меҳнат ва нафақаву стипендия амалӣ нагардид. Вале ин иқдом дар сархати тадбирҳои аввалиндараҷаи Ҳукумати мамлакат дар соли 2016 боқӣ мемонад”. Дар робита ба ин пешбинӣ гардидааст, ки “аз 1 - уми июли соли равон марҳилаи навбатии зиёдшавии музди меҳнат амалӣ мешавад. Аз ҷумла, музди меҳнати кормандони мақомоти маҳаллии иҷроияи ҳокимияти давлатӣ, кормандони мақомоти ҳифзи ҳуқуқ ва хизматчиёни ҳарбӣ 15 фоиз, кормандони муассисаҳои маориф, ба шумули муассисаҳои таҳсилоти томактабӣ, миёнаи умумӣ ва олӣ, дигар муассисаҳои маориф, илм, фарҳанг, варзиш ва тандурустӣ 20 фоиз, муассисаҳои соҳаи ҳифзи иҷтимоӣ, аз ҷумла хона - интернатҳо барои пиронсолону маъюбон, шуъбаҳои кумаки иҷтимоӣ дар хона ва истироҳатгоҳу осоишгоҳҳо барои собиқадорони ҷангу меҳнат ва шахсони ба онҳо баробаркардашуда 25 фоиз зиёд карда мешавад”.
Чунин ғамхориҳо, ниятҳои нек ва ҳадафҳои созандае, ки дар Паём оварда шудаанд, мо, мардуми ватандӯсти кишварро водор месозанд, ки ба дурнамои ояндаи кишвар бо дилпурӣ ва дурандешона назар афканем. Бо камоли муҳаббату садоқат ба рушди диёри маҳбуб саҳмгузор бошем. Ба қавли Пешвои миллат: «Ҳар яки мо вазифадорем, ки бо амалисозии иқдому ташаббусҳои неку созанда ба хотири боз ҳам таҳким бахшидани дастовардҳои истиқлолият, тақвияти иқтидори иқтисодии давлат, беҳтар гардондани сатҳу сифати зиндагии мардум ва ободии Ватани азизамон бо роҳи ҳарчи зудтар расидан ба ҳадафҳои стратегии миллиамон қарзи фарзандӣ ва рисолати шаҳрвандии худро дар назди халқ ва давлати Тоҷикистон содиқонаву софдилона иҷро намоем».
 
Зафар ШАРИФОВ,
Ҳариф НАЗИРОВ,
 омӯзгорони мактаби таҳсилоти умумии № 23- и деҳаи Шаватки Поёни ноҳияи Айнӣ


Баёни ақида (0)    Санаи нашр: 26.02.2016    №: 40    Мутолиа карданд: 469

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед