logo

иқтисод

НИГАРОНӢ. БОЗ ДАР БОРАИ ХИЗМАТРАСОНИИ НАҚЛИЁТИ МУСОФИРКАШ

Раёсати Хадамоти давлатии назорат ва танзим дар соҳаи нақлиёт дар шаҳри Душанбе мақолаи «Нигаронӣ. Боз дар бораи хизматрасонии нақлиёти мусофиркаш» - ро, ки рӯзномаи «Ҷумҳурият» (№ 22, 2 феврали соли 2016) нашр кардааст,  17 феврали  соли 2016 дар ҷаласаи васеи кормандони нақлиёти мусофирбари шаҳри Душанбе мавриди баррасӣ қарор дод.
Раёсат самимияти худро ба рӯзнома изҳор намуда, нашри чунин мақолаҳоро барои ошкор ва бартараф сохтани камбудиҳои ҷойдоштаи соҳаи нақлиёт ва рушди минбаъдаи он зарур медонад. Дар баробари ин, қайд кардан ҷоиз аст, ки раёсати хадамот ҳамарӯза барои пешрафти соҳаи нақлиёт корҳои зиёд анҷом дода истодааст ва набояд онҳо аз мадди назари воситаҳои ахбори омма ва ҷомеа дур монанд.
Ҷиҳати ба низом даровардани фаъолияти нақлиёти мусофирбари пойтахт, аз байн бурдани камбудию норасоиҳо, инчунин чораҷӯӣ намудан дар асоси арзу шикояти шаҳрвандон оид ба сифати хизматрасонии  нақлиёти мусофирбари шаҳр аз ҳисоби кормандони раёсати хадамот, нозирони шуъбаи БДА – и шаҳри  Душанбе,  кормандони «Душанбенақлиётхадамот-расон», кормандони масъули корхонаҳо ва ҷамъиятҳои нақлиётӣ гурӯҳҳои корӣ таъсис дода шудаанд. Онҳо нисбат ба фаъолияти ғайриқонунии воситаҳои нақлиёти рақамсафед ва таксиҳои 3 – сомона, риояи нақшаи ҳаракат дар хатсайрҳои муқарраргардида, аз меъёр зиёд гирифтани мусофирон, риояи қоидаҳои истгоҳ, барҳам додани тамбашавии воситаҳои нақлиёт, риоя накардани нархнома, одоби муоширату либоспӯшӣ ва дигар қоидавайронкуниҳо чораҳои зарурӣ андешида истодаанд. Дар соатҳои авҷи шиддати ҳаракати воситаҳои нақлиёт дар кӯчаҳои пойтахт, аз ҷумла дар назди марказҳои савдои «Садбарг», «Олами китоб», гардиши Қарияи Боло, маҳаллаи 46 – ум, бозорҳои «Саховат», «Султони Кабир», «Корвон» ва маҳаллаи Зарнисор аз ҷониби раёсати Бозрасии давлатии автомобилӣ корҳои нозиротӣ бурда мешаванд. Танҳо дар моҳи январи соли ҷорӣ 925 ҳолати ҳуқуқвайронкунии маъмурӣ ошкор шудааст.
Дар мақолаи зикргардида асосан қоидавайронкуниҳо оид ба беасос баланд бардоштани нархи роҳкиро, яъне аз мусофирон зиёд гирифтани ҳаққи роҳкиро дарҷ гардидааст, ки чораҷӯӣ намудан нисбат ба қоидавайронкунии зерин ваколати Хадамоти зиддиинҳисории назди Ҳукумати Ҷумҳурии Тоҷикистон мебошад. Новобаста аз ин, барои бартараф намудани камбудиҳои зикршуда аз тарафи кормандони раёсат дар ҷамъиятҳо ва корхонаҳои нақлиётӣ бо масъулин ва ронандаҳо вохӯриҳо гузаронда, оид ба иҷрои Қарори раиси шаҳри Душанбе таҳти рақами 260 аз 30. 05. 2011 «Дар бораи тарифҳои ҳамлу нақли мусофир дар шаҳри Душанбе» мунтазам корҳои фаҳмондадиҳӣ бурда мешаванд. Танзими фаъолияти нақлиёт ва риояи қонунгузорӣ дар навбати худ аз маданияти шаҳрвандӣ вобастагии калон дорад. Сокинону меҳмонони пойтахт бояд дар пайвастагӣ бо мақомоти назоратӣ дар ҳалли масъалаи мазкур саҳмгузор бошанд. Ҳолатҳое мушоҳида мешаванд, ки  баъзе мусофирон бақияи роҳкироро талаб  намекунанд, бар илова барои чораҷӯӣ нисбат ба ронандае, ки аз меъёр зиёд пул гирифтааст, бетарафӣ менамоянд.
Айни ҳол аз тарафи Вазорати нақлиёти Ҷумҳурии Тоҷикистон ва Хадамоти давлатии назорат ва танзим дар соҳаи нақлиёт комиссияи босалоҳият таъсис ёфтааст, ки мутобиқати базаҳои моддӣ - техникӣ ва маданияти хизматрасонӣ дар хатсайрҳо ба мусофиронро такроран месанҷад. Баъди ҷамъбасти санҷишҳо хулосаи комиссияи мазкур ба мақомоти иҷроияи ҳокимияти давлатии шаҳри Душанбе  пешниҳод карда мешавад.
Раёсат минбаъд низ омода аст, барои беҳбудӣ бахшидан ба фаъолияти нақлиёти мусофиркашонии пойтахт, баланд бардоштани маданияти хизматрасонӣ дар соҳа бо рӯзноманигорон ва сокинони пойтахт ҳамкории бевосита дошта бошад.
Ф. КАМОЛОВ, сардори раёсати
Хадамоти давлатии назорат ва танзим дар соҳаи нақлиёт дар шаҳри Душанбе


Баёни ақида (0)    Санаи нашр: 27.02.2016    №: 41    Мутолиа карданд: 535

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед