logo

иқтисод

ГУЗАРИШ БА МАРҲИЛАИ СИФАТАН НАВИ РУШД ЗАҲМАТИ БЕШТАР ВА ФАЪОЛИЯТИ ПУРСАМАРРО ТАҚОЗО МЕНАМОЯД

Дастуру ҳидоятҳои  дар Паёми Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олӣ  зикргардида барои ҳайати устодон ва донишҷӯёни Донишкадаи молия ва иқтисоди Тоҷикистон аҳамияти хос доранд. Бисёр нуктаҳои Паём ба тарҳҳои  нави инкишофи иқтисодию иҷтимоии Ҷумҳурии Тоҷикистон нигаронда шуда, аз мо таҳқиқу баррасии амиқро дар ин самт тақозо мекунанд.
Яке аз ҷанбаҳои аҳамиятнок дар Паёми имсола марҳилаи нави рушди иқтисодӣ буд. Марҳилаҳои пешини рушди иқтисодии ҷумҳурӣ барқарорсозии соҳаҳои иқтисодиву иҷтимоиро фаро мегирифт. Ҳоло бунёди инфрасохтори зарурӣ,  фароҳам намудани заминаи инкишофи соҳаҳои истеҳсолӣ ва таъмини шароит  барои  амалисозии  нақшаҳои бузург, ки мавқеи кишварро дар  бозорҳои содиротии ҷаҳон  мустаҳкам месозанд, роҳандозӣ мешавад.  Ин марҳилаи босифат  таҳияи нақшаҳои нав дар шакли Стратегияи миллии рушди Ҷумҳурии Тоҷикистон барои давраи то соли 2030 ва барномаҳои рушди гуногунмуҳлатро дар бар мегирад.  Таҷрибаи кишварҳои дунё нишон медиҳад, ки интихоби роҳу усулҳои ноил шудан  ба ҳадафҳои умумимиллӣ аз ин марҳила вобаста мебошад. “Дар давраҳои минбаъда ин ҳадафҳо сифати нав касб карда, асоси онҳоро гузаштан аз таъмини истиқлолияти энергетикӣ ба истифодаи самарабахши неруи барқ, аз бунбасти коммуникатсионӣ баромада, ба кишвари транзитӣ табдил ёфтан ва таъмин намудани амнияти озуқавориву дастрасии аҳолӣ ба ғизои хушсифат ташкил ҳоҳад дод”, - омадааст дар Паём.
Ҳоло дар натиҷаи татбиқи барномаҳои  сармоягузорӣ бо ҷалби сармояи хориҷиву ватанӣ барои  бунёди  инфрасохтори истеҳсолӣ  шароити мусоиди  рушди саноати кишвар фароҳам оварда шудааст. Аз   соли 2007 то имрӯз шумораи коргоҳҳои  нави саноатӣ   30 дарсад  афзудааст. Соли  гузашта назар ба соли 2014 ҳаҷми истеҳсоли маҳсулоти саноати истихроҷи маъдан 16,5 ва саноати коркард 10,2 дарсад бештар  гардид.
Дар марҳилаи нав рушди соҳаҳои иқтисодӣ бо тақвияти инфрасохтори соҳаи саноат ва истифодаи технологияҳои инноватсионӣ барои истеҳсоли навъҳои гуногуни молҳои содиротӣ  ва амалигардонии сиёсати истеҳсоли маҳсулоти ивазкунандаи воридоти онҳо нақши асосӣ доранд. Президенти ҷумҳурӣ  дастур доданд, ки “...бояд маҷмӯи чорабиниҳо доир ба фароҳамсозии шароити мусоид ҷиҳати васеъ ба роҳ мондани коркарду фурӯши маҳсулот, зиёд кардани номгӯйи молҳои содиротӣ, аз ҷумла ноил шудан ба истеҳсоли на кам аз 20 номгӯйи нави молҳои ивазкунандаи воридот бо арзиши баланди иловашуда ва иловатан ба роҳ мондани истеҳсоли 20 намуди чунин молҳои содиротӣ амалӣ карда шавад”.  Ин тадбирҳо дар асоси ҳамкории давлат ва бахши хусусӣ натиҷаи назаррас хоҳанд дод.
Ҳадафҳои пешбинишуда ҳамчунин аз интихоби тарҳҳои  рушди иқтисод дар асоси инкишофи соҳаҳои саноатию инноватсионӣ вобаста аст.
Барои гузариш ба марҳилаи сифатан нави рушд равнақи  бемайлони корхонаҳои агросаноатӣ пешбинӣ шудааст. Давоми ду соли охир  бахши аграрӣ ҳамчун ҷузъи комплекси агросаноатӣ қариб 25 дарсади  ММД - и кишварро дар бар гирифт.  Солҳои охир дар соҳа диверсификатсияи фаъолият бо ташкили кишти такрорӣ, рушди боғпарварӣ, коркарди маҳсулоти  рустанӣ ва чорво,  истеҳсоли маҳсулоти рақобатпазир ва сердаромади содиротӣ, тавсеаи майдони кишт ба роҳ монда шудааст, ки  барои рушди минбаъдаи соҳаи агросаноатӣ такони ҷиддӣ мебахшад.
Дар баробари ин, густариши ҳамкориҳои иқтисодӣ, алалхусус тиҷоратӣ аз бахши коммуникатсионӣ вобастагии калон дорад. Дар бахши мазкур  45 барномаи  сармоягузорӣ бо маблағи зиёда аз 12 миллиард сомонӣ татбиқ гардид ва беш аз 2000 километр роҳҳои мошингард бунёд ва таҷдид шуданд.  Дар 12 соли охир боркашонии автомобилии  соҳибкорони маҳаллӣ  ва хориҷӣ  дар қаламрави мамлакат  12 маротиба афзоиш ёфтааст. Бо сохтани роҳҳои оҳан на танҳо молҳои ватанӣ бо осонӣ  ва харҷи кам  содир  мешаванд, балки ширкатҳои нақлиётиву тиҷоратии байналмилалӣ қаламрави Тоҷикистонро  ҳамчун  як  ҷузъи “Шоҳроҳи Абрешим”  барои транзити мол  истифода мебаранд. Ба кишвари транзитӣ мубаддал гардидан як  роҳи таъмини рушди устувори  иқтисодии сифатан нав барои ҷумҳурӣ маҳсуб меёбад ва барои  инкишофи  соҳаҳои ба он алоқаманд, махсусан сайёҳӣ низ  шароити мусоид фароҳам меорад.
Расидан ба ин ҳадафҳои бузург аз ҷидду ҷаҳди мардуми меҳнатдӯсти кишвар  дар амалӣ намудани  барномаҳои рушд, талоши онҳо баҳри  ояндаи беҳтар  ва сатҳи шоистаи зиндагӣ вобастагӣ дорад.
СОЛЕҲЗОДА Ашӯрбой,
ректори Донишкадаи молия ва иқтисоди Тоҷикистон


Баёни ақида (0)    Санаи нашр: 27.02.2016    №: 41    Мутолиа карданд: 474

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед