logo

номаҳо

ИН ҲАРГИЗ МАСЪАЛАИ ХУРД НЕСТ

Чанд сол боз бонги изтироб мезананд ва бо нигаронӣ изҳор медоранд, ки ҷаҳонишавӣ сабаби аз байн рафтани бисёр расму ойин ва анъанаву суннатҳои миллӣ гардида истодааст. Албатта, ин ҳақиқат дорад ва зарур аст, ки барои пойдории онҳо тадбирҳои заруриро андешид. Чаро? Чунки расму ойин ва анъанаву суннатҳои миллӣ як ҷузъи фарҳанги миллат маҳсуб меёбанд. Фарҳанги миллат, тавре Сарвари давлат Эмомалӣ Раҳмон фармудаанд, ҳастии миллат мебошад. Яъне ҳар нафар тоҷику тоҷикистонӣ барои пойдории миллат бояд саҳми худро бигирад.
Ба андешаи ин ҷониб мо пеш аз раванди ҷаҳонишавӣ ба тадриҷ бо таъсири фарҳанги Ғарб аз баҳри қисме аз расму ойин ва анъанаву суннатҳои миллат баромадем. Дуруст аст, ки нахуст фарҳанги дигар кишварҳоро мақсаднок таҳмил карданд ва амр намуданд, то аз онҳо дастгирӣ шавад. Пайравӣ дар ин ҳол нишони «пешрафт» ба шумор мерафт, ҳол он ки дар асл чунин набуд.
Дар озмунҳои ҳунарию фолклории кишварҳои Ғарб ба расму ойин ва анъанаву суннатҳои мо таваҷҷуҳи махсус зоҳир мекарданд. Ҳамин буд, ки гурӯҳҳои ҳунарии кишварамон дар ин озмунҳо ғолиб омаданд ва соҳиби мукофотҳои таъсисдода, аз ҷумла «Табарчаи тиллоӣ» гардиданд.
Мақсад аз ин навишта, махсусан эҳёи ҷашнҳои суннатӣ ва анъанавӣ мебошад. Чанд сол пештар дар шаҳри Кӯлобу ноҳияҳои атрофи он ҷашнҳои домодӣ ва арӯсӣ бо шукӯҳи хоса ва риояи расму ойинҳои миллӣ доир мегардид. Ба ин васила ҷонибҳо ба ин маъракаи муҳим ва хотирмон омодагии махсус мегирифтанд. Арӯс куртаи чакан ба бар мекард. Ҳалқаву гарданбанду дастпонаҳои қадима бар ҳусни ӯ ҳусн зам мекард. Шаҳро ҷомаву саллаи нақшин шукӯҳ мебахшид. Саъй ба харҷ медоданд, ки тахт зебову дилрабо бошад. Мепиндоштанд, ки агар шаҳу арӯс тахтро набинанд, хушбахт намегарданд.
Ҳолиё ин ҳама қариб аз байн рафтааст ва ҷашнҳои домодию арӯсӣ шаклу мазмуни ғарбиро касб карда истодаанд. Хавфи он вуҷуд дорад, ки агар ҳол чунин бошаду кор ба ин сурат идома биёбад, дар оянда дигар нишоне аз расму ойинҳои ин ҷашнҳои миллӣ намемонад.
Ҳарчанд ин масъала дар шароите, ки масъалаҳои мураккабу васеву ҳалталаб вуҷуд доранд, хурд намояд, аммо ба он ҳам диққати махсус бояд дода шавад. Агар дуруст бияндешему ба дидаи таҳқиқ бингарем, он ҳаргиз хурд нест. Чӣ бояд кард? Ба ин пурсиш масъулон посухи сазовор бояд биёбанд, албатта, бо эҳсоси масъулияти шаҳрвандӣ ва ифтихор аз ватандорӣ.
Темури ЛАТИФ, шаҳри Кӯлоб


Баёни ақида (0)    Санаи нашр: 1.03.2016    №: 42    Мутолиа карданд: 4104

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед