logo

сиёсат

АЗ МЕЪМОРИ СУЛҲ ТО ПЕШВОИ МИЛЛАТ

Нақши шахсият дар таърих ва саҳми мондагори як Пешвои миллӣ дар наҷоти давлату миллат яке аз мавзӯҳои муҳими илмҳои ҷамъиятӣ, хусусан, таърих ва сиёсатшиносӣ мебошад. Омӯзиши таърихи муосири Тоҷикистони соҳибистиқлол низ нишон медиҳад, ки як шахсияти соҳибирода, самимӣ ва мардумӣ метавонад дар баланд бардоштани тамаддуни моддӣ ва маънавии миллати худ нақши таърихӣ дошта бошад.
Ин масъалаи муҳим дар Конфронси илмии ҷумҳуриявии «Эмомалӣ Раҳмон - Пешвои миллат ва нақши таърихии ӯ дар баланд бардоштани тамаддуни моддӣ ва маънавии миллат», ки бо ибтикори Ташкилоти ҷамъиятии байналмилалии фонди «Диалоги Авруосиё» 27 феврал дар доираи чорабиниҳо ба муносибати қабул гардидани Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат» дар Китобхонаи миллӣ баргузор шуд, мавриди таҳлили ҳамаҷониба қарор гирифт. Муовини якуми вазири корҳои хориҷии Ҷумҳурии Тоҷикистон Низомиддин Зоҳидӣ қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ - Пешвои миллат»-ро моҳиятан маънои эътироф ва арҷгузорӣ ба хизматҳои таърихии фарзанди фарзонаи миллат Эмомалӣ Раҳмон дар баланд бардоштани тамаддуни моддӣ ва маънавии миллати тоҷик маънидод намуд.
Ба андешаи ӯ, як назари иҷмолӣ ба таърихи даврони истиқлолият кофист дарк кунем, ки анҷоми муваффақонаи раванди сулҳ ва ризоияти миллӣ дар Тоҷикистон, пуштибонӣ аз манфиатҳо ва арзишҳои миллӣ, дифоъ аз забон ва таърихи тоҷикон дар сатҳи сиёсати давлат, густариши раванди худогоҳию худшиносии таърихию миллӣ, истеҳкоми зербинои иқтисодиву иҷтимоии давлати дунявӣ ва ҳуқуқбунёди имрӯзаи мо ҳамагӣ натиҷаи сиёсати хирадмандона ва дурнигаронаи Сарвари муаззами Тоҷикистон Эмомалӣ Раҳмон мебошанд. Яке аз дастовардҳои афзалиятноки даврони истиқлолият тарҳ ва роҳандозии сиёсати хориҷии давлати соҳибистиқлол аст, ки ба шарофати он кишвари мо мақоми шоистаи худро дар ҷаҳон касб кард. Тарроҳ ва поягузори ин сиёсати хориҷӣ Пешвои миллат Эмомалӣ Раҳмон маҳсуб мешавад.
Низомиддин Зоҳидӣ аз ташаббусҳои сатҳи ҷаҳонӣ ё ба ибораи маъмул глобалии Президенти кишвар ёдовар шуда, тазаккур дод, ки имрӯзҳо дар сохторҳои гуногуни Созмони Милали Муттаҳид ташаббуси дигари Эмомалӣ Раҳмон - Даҳсолаи нави байналмилалии «Об барои рушди устувор» мавриди баррасӣ қарор ёфта, заминаҳои татбиқи ин ташаббус амалӣ шуда истодааст. Эълон гардид, ки бо ташаббуси Дабири кулли Созмони Милали Муттаҳид Пан Ги Мун ва бо дастгтрии ҷомеаи ҷаҳонӣ ахиран дар СММ Панели сатҳи баланд дар самти масъалаҳои об таъсис ёфт. Аз 197 кишвари узви СММ танҳо сарвари 15 давлате, ки дар баррасии масъалаҳои марбут ба об пешсафу ташаббускор ҳастанд, узви ин панел интихоб гаштанд. Президенти мамлакат Эмомалӣ Раҳмон ба узвияти ин Панели сатҳи баланд пазируфта шуд, ки боиси ифтихори шаҳрвандони Тоҷикистон аст.
Перомуни нақши таърихии Эмомалӣ Раҳмон дар баланд бардоштани тамаддуни моддӣ ва маънавии миллат Маҳкам Маҳмудзода, Раиси Суди конститутсионии Ҷумҳурии Тоҷикистон, зикр намуд, ки таҳти роҳбарии Сарвари давлат Тоҷикистони соҳибистиқлол роҳи рушди давлати муосири миллиро бо назардошти арзишҳои умумипазируфташудаи ҷомеаи башарӣ ва падидаҳои раванди ҷаҳонишавӣ пеш гирифта, барои пешрафти соҳаҳои гуногуни иқтисодиву иҷтимоӣ, равнақи худшиносии милливу маърифати ҳуқуқӣ қадамҳои устувор мегузорад. Асосгузори сулҳу ваҳдати миллӣ - Пешвои миллат эътироф гардидани Эмомалӣ Раҳмон натиҷаи қадрдонии талошу заҳматҳои пайгиронаи ӯ дар роҳи эъмори давлати миллии муосири тоҷикон, ки ҷавҳари аслии онро низоми демокративу ҳуқуқбунёд ташкил медиҳад, маҳсуб меёбад.
Зикр гашт, ки имрӯз мардуми Тоҷикистон ба Эмомалӣ Раҳмон на танҳо ҳамчун Сарвари давлат, балки ба як бунёдгузори давлати навин, наҷотбахши миллат, кафили сулҳи пойдор, эҳёгари фарҳангу арзишҳои миллӣ, эҳёгари мактаби давлатдории муосири тоҷикон ва дар маҷмӯъ, ҳамчун ба меъмори Сулҳ ва Пешвои миллат менигаранд. Ин аст, ки дар кишвар ҷонибдорӣ аз Эмомалӣ Раҳмон маънои васеъ ва фарогир дорад. Яъне, ҷонибдорӣ аз Эмомалӣ Раҳмон ба маънои ҷонибдорӣ аз ояндаи устувори давлатдории миллӣ, истиқлолияти сиёсӣ ва фикрии миллат, низоми давлатдорӣ, суботу амнияти ҷомеа ва ҷонибдорӣ аз ваҳдату сарҷамъии миллат мебошад. Зеро сиришти мардумӣ, иродаи қавӣ ва таҷрибаи бузурги Эмомалӣ Раҳмон қалби ҳар шаҳрвандро саршор аз ҳисси боварию эътимод ба фардо, ба ояндаи фарзандони худ ва ба дурнамои давлату миллат менамояд. Ин аст моҳияти Пешвои миллат будан, ин аст моҳияти ба таври воқеӣ Пешвои барҳақи миллат эътироф гардидан.
Дар ҷараёни конфронс ҳамчунин пешниҳод шуд, ки бо дастгирӣ ва мусоидати Созмони Милали Муттаҳид дар Тоҷикистон Пажӯҳишгоҳи Ваҳдати миллӣ ва фарҳанги сулҳи Пешвои миллат, ки бевосита дар даҳсолаи наздик барои амалӣ намудани манфиатҳои миллӣ, тарбияи насли наврас, бахусус ҷавонон дар рӯҳияи садоқат ба Ваҳдати миллӣ ва фаҳмишу дарку қадрдонии сулҳу субот дар Тоҷикистон зарур мебошад, таъсис дода шавад.
- Асл ва асоси пирӯзиҳои таърихии Эмомалӣ Раҳмон ҳадафҳои олии миллӣ ва барномарезиҳои дақиқу созандаи ӯст, ки бо неруи иродати бузурги ватанхоҳию ватандорӣ дар сатҳи сиёсати давлатӣ барои эҳёи иқтидори маънавии тоҷикон ҳама васила ва заминаҳоро муҳайё сохт. Ҳамин сиёсати қавианосир буд, ки ҷомеаро аз буҳрони амиқи сиёсӣ берун овард, бо татбиқи ислоҳоти конститутсинӣ ва поягузориву такмили ҳокимияти давлатӣ дар саросари кишвар низоми собит ва фазои мусоидро устувор намуд, ки он сарчашмаи ҳамаи бунёдкориҳо, тараққиёт ва сарсабзии кишвари мост, - гуфт Носирҷон Салимӣ, ректори Донишгоҳи давлатии омӯзгории Тоҷикистон ба номи Садриддин Айнӣ.
Бо таваҷҷуҳ ба ин нукта, иштирокдорони ҳамоиш ба ин назар буданд: Президенти мамлакат, воқеан шахсест, ки таҳти роҳбариаш назаран, илман ва амалан давлати демократӣ, ҳуқуқбунёд, дунявӣ ва ягонаи Тоҷикистон бунёд гардида, ба харитаи сиёсии ҷаҳон ворид шуд. Ба қадри ӯ расидан, номи ӯро гиромӣ доштан ва роҳи интихобкардаашро ҳифзу идома додан, эҳтиром аз роҳи таърихии муборизаи қаҳрамононаи халқи тоҷик барои истиқлолият ва озодӣ буда, қадршиносӣ аз давлати миллӣ, демократӣ, ҳуқуқбунёд ва дунявии Тоҷикистон аст.
Додоҷон РӮЗИЕВ,
 «Ҷумҳурият»


Баёни ақида (0)    Санаи нашр: 1.03.2016    №: 42    Мутолиа карданд: 722

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед