logo

иқтисод

ОБРАСОНӢ. БАРОИ ҲАЛЛИ МУШКИЛИҲО ЧӢ БОЯД КАРД?

Талаботи аввалиндараҷаи инсон ба об, ғизо ва ҳаво ҳамеша бетағйир мемонад. Бо вуҷуди он ки дар самти бо оби нӯшиданӣ таъмин намудани аҳолӣ ташкилоту муассисаҳои салоҳиятдор фаъолият доранд, соҳаи  мазкур ба мушкилиҳо мувоҷеҳ аст. На ҳамаи аҳолии шаҳру ноҳияҳои кишвар бо оби тоза дастрасӣ доранд. Дар робита ба проблемаи норасоии оби тоза ва роҳҳои босамари ҳалли масъала Баҳодур Ҳабибов, раиси «Иттифоқи истеъмолкунандагони Тоҷикистон»,  ба хабарнигори рӯзнома чунин гуфт:
- Истифодаи оқилонаи оби нӯшиданӣ, обрасонии мунтазам, нигоҳдорӣ ва истифодабарии дурусти шабакаҳои обтаъминкунӣ вазифаи таъмингарону истеъмолкунандагон аст. Ҷустуҷӯи роҳҳои босамари таъмин намудани фаъолияти доимии шабакаҳои обтаъминкунӣ талаботи рӯзи соҳа мебошад. Сарчашмаи асосии молиявии соҳа маблағҳои шаҳрвандон -  истеъмолкунандагоне мебошад, ки аз шабакаи обтаъминкунӣ истифода мебаранд.  Аммо на ҳамаи истифодабарандагон ҳаққи  обрасониро сари вақт пардохт мекунанд. Ташкилотҳои обтаъминкунанда бошанд, ҳоло дар асоси принсипҳои бозоргонӣ кор карданро наомӯхтаанд.
Мушкилоти дигар фаъолияти ғайриқаноатбахши ташкилотҳои обтаъминкунанда ва ё набудани чунин ташкилотҳо мебошад. Аксари муассисаҳои масъули мавҷуда - корхонаҳои фаръии обу корези ҷумҳуриявӣ, шаҳру ноҳиявӣ ва муассисаҳои дигари давлатӣ  дар сатҳи ноҳия, вилоят ва баъзан дар ҷумҳурӣ мавқеи инҳисорӣ  доранд, ки ин ба соҳа таъсири манфӣ мерасонад. 
Яке аз шаклҳои босамари идоракунии шабакаҳои обтаъминкунӣ таъсиси ассотсиатсияҳои истифодабарандагони об аст. Чунин ташкилот  аъзоҳаққии истифодабарандагони хизматрасониро муайяну ҷамъоварӣ ва аз масъулон  хизматрасонии босифатро талаб менамояд.
Роҳи дигари беҳтар намудани вазъи соҳа  рушди ҳамкории шартномавӣ байни таъминкунандагон ва истеъмолкунандагони оби нӯшиданӣ мебошад.
Яъне, истеъмолкунанда бар ивази маблағи муайяни худ хизматрасонии муайянро талаб менамояд. Ҳуқуқ ва уҳдадориҳои истеъмолкунандагон ва таъмикунандагонро қонунгузорӣ ба танзим медарорад. Дар ин ҳол фаъол будани истеъмолкунандагон ва таъминкунандагон дар ҳимояи ҳуқуқу манфиатҳои хеш нақши аввалиндараҷа мебозад.
Новобаста аз шакл ва ҳуқуқи моликият, омили асосии беҳгардонии соҳаи обтаъминкунӣ, идоракунии матлуб, аз рӯи виҷдон кор кардан ва муносибат бо муштарӣ мебошад. Принсипҳои асосии идоракунии муносиб - ин шаффофият, ҳисоботдиҳӣ ва иштироки шаҳрвандон - истеъмолкунандагон дар ҷараёни идоракунӣ ва қабул намудани қарорҳои ташкилот мебошад.
Маҳз бо назардошти ин омилҳо Иттифоқи истеъмолкунандагони Тоҷикистон аз соли 2009 инҷониб гузарондани семинар – машваратҳоро ҷиҳати баланд бардоштани маърифати ҳуқуқии истеъмолгарон ва хидматгузорони бахши таъминот бо об  пеш гирифтааст.  Кор дар ин самт дар якчанд ноҳияи пилотии ҷумҳурӣ ҷараён дорад ва дар нақша аст, ки амали мазкур дар тамоми ҷумҳурӣ роҳандозӣ шавад.   

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 3.03.2016    №: 44    Мутолиа карданд: 448

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед