logo

иқтисод

«ТОҶИКТЕКСТИЛМАШ». НОМ ДИГАР ШУД, КОР ЧӢ?

Корхонаи «Тоҷиктекстилмаш» дар даврони шӯравӣ номдор ва  яке аз коргоҳҳои бузурги пойтахти кишвар буд. Бо 3,5 ҳазор  коргар дар се баст фаъолият мекард. Маҳсулоти ба талаботи давр ҷавобгӯяш – дастгоҳҳои бофандагӣ на танҳо дар  Иттиҳоди Шӯравӣ талабгори зиёд дошт, балки ба мамлакатҳои хориҷии дуру наздик ҳам содирот мегардид. Дуюним ҳазор дастгоҳ шабу рӯз маҳсулот тавлид мекарду коргарон дар шароити хуби корӣ заҳмат кашида, маоши хуб мегирифтанд.  Ҳар моҳ садҳо ҳазор рубл ба буҷети ҷумҳурӣ ворид мешуд.

Ҳоло чӣ? Айни замон аз 19,8 гектар масоҳати  корхона 11,2 гектараш боқӣ мондааст. – Корхонаи мо, ки пеш КВД «Тоҷиктекстилмаш» ном дошт, аз моҳи январи  соли 2015 бо номи Корхонаи воҳиди давлатии «Коргоҳи машинасозӣ» фаъолият намуда, барои соҳаи кишоварзии ҷумҳурӣ сихмола, сипор, картошкаканаку картошкашинонак, оҳани испор ва заминнармкунак истеҳсол мекунад. Ҳамчунин барои неругоҳҳои барқи обӣ  бештар аз 10 намуд қисмҳои эҳтиётӣ истеҳсол менамоем. Чунончи, барои  дарвозаҳои  обпартои НБО – и Норак қисмҳои эҳтиётӣ мебарорем. Соли 2015 барои кишоварзон ва неругоҳҳои барқи обӣ ба маблағи беш аз 5,5 миллион сомонӣ  қисмҳои эҳтиётӣ истеҳсол кардем. Барои маҳсулоти барқии корхонаро ба фурӯш баровардан бо ШСХК «Барқи тоҷик» ва неругоҳҳои Роғуну Норак шартномаҳои ҳамкорӣ бастаем. Бо ҶДММ «Ширкати кӯҳӣ - саноатии Тоҷикистону Хитой» низ ба маблағи бештар аз 3 миллион сомонӣ шартнома дорем. То имрӯз барои онҳо ба маблағи 450 ҳазор сомонӣ қисмҳои эҳтиётӣ истеҳсол кардаем, - мегӯяд Ҳусейн Мираков, сармуҳандиси корхона.
Мутаассифона, то имрӯз ба корхона ба ғайри як дастгоҳи оҳангудозӣ, ки соли 2010 аз Ҷумҳурии Мардумии Чин ворид карда шудааст, истеҳсолот бо дастгоҳҳои пешинаи даврони шӯравӣ ҷараён дорад. Дархостҳоро аз шахсони алоҳида, соҳибкорон ва муассисаҳо  қабул мекунанд. Баъзе аз хоҷагиҳо мехоҳанд бидуни  «Агролизинг» мошинолоти зарурии худро фармоиш диҳанд. Ҳоло дар корхона 465 коргар фаъолият дорад. Як сол аз ин пеш шумораи коргарон 527 нафар буд. Шумораи коргарон кам шуда бошад ҳам, кор нисбат ба солҳои 2013 – 2014 пешравтар аст. Аксари коргарон ихтисосмандони  даврони шӯравианд. 18 – 20 ҷавони донишҷӯ баъд аз дарс дар корхона кор меомӯзанд. Ҳар сол аз ҳисоби ин ҷавонҳо 3 – 4 нафар ба кор қабул карда мешавад.
Дар нақша аст, ки дар ояндаи наздик барои мушкили ниҳолпарваронро осон кардан як механизми  ниҳолшинонӣ истеҳсол созанд. Ба истеҳсоли он охири моҳи апрел шурӯъ менамоянд. Инчунин, тибқи нақша дар охири ҳамин моҳ як хати истеҳсоли саққоро ба кор дароварда, барои ҶДММ "Ширкати кӯҳӣ – саноатии Тоҷикистону Хитой» маҳсулот истеҳсол менамоянд, ки дар ҷумҳурӣ иқдоми нахустин маҳсуб меёбад.
Саволи матраҳ ин аст, ки роҳбарияти корхона метавонад шуҳрати пешини «Тоҷиктекстилмаш» - и номдорро барқарор кунад?

У. МУРОД, «Ҷумҳурият»


Баёни ақида (0)    Санаи нашр: 4.03.2016    №: 45    Мутолиа карданд: 556

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед