logo

сиёсат

ТАҒЙИРУ ИЛОВАҲО АРЗИШҲОИ ОЛИИ КОНСТИТУТСИЯРО ТАҚВИЯТ МЕБАХШАНД

Дар мақомоти иҷроияи маҳаллии ҳокимияти давлатии шаҳри Турсунзода пешниҳоди аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон оид ба «Тағйиру иловаҳо ба Конститутсияи «Сарқонуни» Ҷумҳурии Тоҷикистон» мавриди баррасӣ қарор гирифт. Зикр гардид, ки Конститутсия ҳамчун ҳуҷҷати сиёсӣ ва санади дорои қувваи олии ҳуқуқӣ муҳимтарин арзишҳои бунёдии ҷомеаи башариро барои ҳифзи ҳуқуқу манфиатҳои инсон, ҷомеа ва давлат дар худ таҷассум намуда, хусусиятҳои Тоҷикистонро ба сифати мамлакати соҳибихтиёр, демократӣ, ҳуқуқбунёд, дунявӣ ва ягона арзёбӣ кардааст.

Тағйиру иловаҳои ба Конститутсия воридшаванда бо дарназардошти дигаргуниҳои ҳаёти ҷомеа, таъмини пешрафти минбаъдаи ҷумҳурӣ, мустаҳкам намудани асосҳои сохтори конститутсионӣ, таъмин ва кафолати ҳифзи ҳуқуқу озодиҳои шаҳрвандон, ҷалби бештари ҷавонон ба ҳаёти сиёсӣ ва идораи давлатӣ, тақозои меъёрҳои имлоӣ ва сохти истифодаи калимаву ибораҳо ва қоидаҳои нави имлои забони тоҷикӣ, ки дар мақоми забони давлатӣ қарор дорад, ба миён омадаанд. Ин тағйиру иловаҳо арзишҳои олии Конститутсияро тақвият бахшида, баҳри раванди демократисозии ҳаёти сиёсӣ ва иҷтимоии Ҷумҳурии Тоҷикистон ва идомаи ислоҳоти сиёсиву иҷтимоӣ ва ҳуқуқӣ мусоидат мекунанд.
Масалан, тағйирот дар қисми якуми моддаи 1, қисми чоруми моддаи 7, қисми сеюми моддаи 14, қисми дуюм ва сеюми моддаи 15, қисми дуюми моддаи 16, қисми якуми моддаи 18, қисми дуюми моддаи 20, қисми чоруми моддаи 27 ва амсоли инҳо бо дарназардошти меъёрҳои қоидаҳои забони тоҷикӣ, имло ва мавриди истифодаи калимаву ибораҳо пешбинӣ шудаанд.
Ворид намудани тағйиру иловаҳо ба қисми дуюми моддаи 1, қисми чоруми моддаи 8, қисми дуюми моддаи 14, қисми панҷуми моддаи 65, қисми панҷуми моддаи 71, қисми сеюми моддаи 73 бошанд, вобаста ба инкишоф ва тағйир ёфтани муносибатҳои нави ҷамъиятӣ, зарурати сохтори идоракунии давлатӣ, мақомоти маҳаллии ҳокимияти давлатӣ ба талаботҳои нави ҷамъиятӣ зарурат доранд. Ворид намудани қисме аз тағйиру иловаҳо ҷиҳати таъмини амнияти давлат ва зиндагии осоиштаи мардуми кишвар ба миён омадаанд. Чунончи, тағйиру иловаҳои қисми шашуми моддаи 8, қисми якум ва сеюми моддаи 15, қисми якуми моддаи 28, ҷумлаи сеюми қисми якум, қисми панҷум, қисми ҳафтуми моддаи 49, қисми дуюми моддаи 65 дар заминаи ин талабот тарҳрезӣ гардидаанд.
Чун давлати мо мустақил ва ҳуқуқбунёд аст, волоияти қонун дар кишвар омили асосии суботи сиёсиву иҷтимоӣ, ваҳдати миллӣ ва дар маҷмӯъ омили рушди босуръати ҷомеаи шаҳрвандӣ ба ҳисоб меравад. Имрӯз танҳо бо риояи қатъии меъёрҳои конститутсионӣ метавонем ба ҳадафҳои пешгирифтаи ҷомеа дар ҳамаи самтҳо ва баробар бо ин, дар ҳифзи Истиқлолияти давлатӣ, дастовардҳои он, ҳимояи амният ва манфиатҳои милливу давлатӣ, устувор гардондани ваҳдати миллӣ ва нигаҳдошти сулҳу субот ва оромии ҷомеа муваффақ шавем. Тағйироти дар қисми панҷуми моддаи 65 воридшаванда бори дигар собит месозад, ки Асосгузори сулҳу ваҳдати миллӣ - Пешвои миллат Эмомалӣ Раҳмон меъмори сулҳ ва ваҳдати миллӣ, хотимабахши ҷанги шаҳрвандӣ, эҳёкунандаи таъриху фарҳанги пурғановати миллати куҳанбунёд ва фарҳангдӯсти тоҷик, барқарорсозандаи давлати пойдору мустақили Тоҷикистон хизмати беназир ва таърихӣ кардааст. Чунин қадрдонӣ ба Асосгузори сулҳу ваҳдати миллӣ - Пешвои миллат ифодагари он аст, ки ин шахсияти беназир баҳри рушду нумӯи Тоҷикистон ва халқу миллати он ҳамеша содиқ мемонад.
  Тағйиру иловаҳои дар қисми ҳафтуми моддаи 49 воридгардида ифодагари он аст, ки узви Маҷлиси миллӣ ва вакили Маҷлиси намояндагон баъди интихоб ё таъйин шудан дар иҷлосияи Маҷлиси миллӣ ва Маҷлиси намояндагон ба халқи Тоҷикистон савганд ёд карда, собит месозанд, ки ҳамчун намояндаи халқ дар назди шаҳрвандони кишвар масъулияти азимеро бар дӯш доранд. Дар қисми сеюми моддаи 73 илова шудааст, ки аъзои Ҳукумат баъди аз ҷониби Президенти Ҷумҳурии Тоҷикистон таъйин шудан ва тасдиқ гардидани фармон дар ҷаласаи якҷояи Маҷлиси миллӣ ва Маҷлиси намояндагон ба Президенти Ҷумҳурии Тоҷикистон савганд ёд мекунанд. Бояд зикр сохт, ки меъёри пешниҳодшуда масъулияти аъзои Ҳукуматро баҳри рушди ҷомеа ва тақдири минбаъдаи шаҳрвандони ҷумҳурӣ боз ҳам баланд мебардорад.
Дар маҷмӯъ, ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон танҳо ба мукаммалтар гаштани он мусоидат намуда, кафолати устувории пояи давлатдориамон мегардад. Мақомоти иҷроияи маҳаллии ҳокимияти давлатии шаҳри Турсунзода ҷонибдории сокинони шаҳрро ҷиҳати ворид намудани тағйиру иловаҳо ба Конститутсияи Ҷумҳурии Тоҷикистон изҳор намуда, бо истифода аз тамоми имкониятҳо саъю талош меварзад, ки дар раъйпурсии умумихалқии 22 майи соли 2016 иштироки фаъолонаи шаҳрвандонро таъмин намояд.
Сиҷоуддин САЛОМЗОДА,
раиси шаҳри Турсунзода


Баёни ақида (0)    Санаи нашр: 4.03.2016    №: 45    Мутолиа карданд: 661

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед