logo

фарҳанг

НАВОИ РӮДУ БОДҲО

Заррина дар оилаи Шоири халқии Тоҷикистон Мирсаид Миршакар таваллуд шуда, дар олами назми воло ва суруду мусиқии гиро ба воя расидааст.  Солҳои ҷавонии ӯ ба давраи рушди пуравҷи фарҳанги мусиқии ҷумҳурӣ рост омад. Дар мактаби мусиқӣ – аввал, дар синфи фортепиано, сипас дар синфи эҷодиёти бачагона таҳсил кард.
Он солҳо Омӯзишгоҳи мусиқии шаҳри Душанбе яке аз марказҳои мусиқии ҷумҳурӣ ба ҳисоб мерафт. Дар омӯзишгоҳ З. Миршакар дар синфи композитсияи Ю. Тер - Осипов таҳсил менамояд. Муаллими фанҳои назариявӣ ва фортепианоаш композитори машҳур М. Светаев буд. Баъдтар, дар Консерваторияи давлатии Москва дар синфи композитори варзида, профессор С. А. Баласанян, ки дар саргаҳи мусиқии муосири касбии тоҷик қарор дошт, таълим мегирад. Баъди хатми консерватория низ аз устодаш Э. А. Хагагортян машварат мегирад.
Тӯли солҳои таҳсил З. Миршакар дар мусиқӣ қотеона мавзӯи худро ҷустуҷӯ намуд. Ӯро манзараҳои нотакрори Помир ба ҳаяҷон меовард. Ҳар давраи таътилашро дар ин ҷо мегузаронд. Инҷо вай мекӯшид ҷавҳари сурудҳои мардумиро дарк намояд. Барои ин мусиқии фолклории зиёдеро сабт менамояд. Ниҳоят ҳамон лаҳзаи гуворо фаро мерасад ва дар толори Консерваторияи давлатии Москва яке аз оркестрҳои пойтахт нахустин асари калонҳаҷми ӯро иҷро менамояд. Ин асари силсилавӣ барои оркестри симфонӣ «Ду манзараи помирӣ» ном дошт, ки ҳамвора кори дипломии З. Миршакар ҳисобида мешавад. Ҳар ду қисми он бо хусусиятҳои миллӣ оро ёфта буданд. Асоси забони мавзуни асарро, ки дар он муаллиф аз истифодаи ошкорои фолклор сарфи назар намудааст, метроритмикаи халқӣ ташкил медиҳад. Асар дар мутобиқати том бо унвони худ тавассути образҳои барҷастаи мусиқӣ манзараҳои ҳаяҷонбахши ҳаёти кӯҳистонро тасвир намудааст. Эҳсоси самимӣ, ифодаи табиии мусиқӣ, забони асили оҳангҳои халқӣ, озод ва мавзун будани вусъати тобиши садоҳо, – чунин аст хусусияти хоси мусиқии композитор, ки дар «Ду манзараи помирӣ» хеле боварибахш бозгӯ шудааст.
Аз асарҳои аввалини З. Миршакар – прелюдияҳои фортепианиаш бармеояд, ки асоси эҷодиёти ӯро сабки лирикӣ ташкил намудааст. Асарҳояш гӯё саҳифаҳо аз рӯзномаи шахсии ӯ мебошанд, ки хеле мароқангезанд. Дар эҷодиёти ӯ сурудҳои мардумии помирӣ бо истеъдоди баланд такмил дода шудаанд.
Триои фортепианӣ (скрипка, виолончел, фортепиано) аввалин таҷрибаи ӯ дар мусиқии камеравӣ - созӣ гардид. Сипас дар жанри камеравӣ қувва озмуда, квартети созии чорқисма ва силсилаи пйесаҳо барои скрипка ва фортепианоро эҷод менамояд. Бо асари «Ду ҳаккокӣ» барои оркестри созӣ эҷодиёти симфонии ӯ оғоз меёбад, ки минбаъд дар симфониетта барои оркестри созӣ идома ёфтааст.
Заррина Миршакар дар жанри мусиқии хорӣ низ қувва озмудааст. Такмили сурудҳои помириаш барои хор - акапелла (a’capella) хеле ҷолиб мебошанд, аз ҷумла ду такмил барои хори занона «Парии хушнуд» ва «То кай?», кантата барои хори бачагона ва оркестри камеравӣ ба шеъри М. Миршакар иборат аз панҷ қисм: «Киштичаи ман», «Шукуфон бош, лола», «Оби болаззат», «Алла» ва дигарон бо воридшавии нозукона ба дунёи маънавии кӯдак фарқ мекунанд.
Аз «Се деворнигораи помирӣ» барои скрипка ва фортепиано насими фараҳафзои кишвари кӯҳсор мевазад. Дар ибтидои солҳои 90 – уми асри гузашта З. Миршакар консертинои «Respiro» - ро барои скрипка, литавраҳо ва оркестри торӣ менависад. Ин асарро композитор ба дӯсти деринаи худ - скрипканавоз Радана Вданешевич бахшидааст. Манзараҳои табиати зебои Помир дар достони симфонии «Рангҳои Помири офтобӣ», ки соли 1982 навишта шуда, бори нахуст дар Таллин иҷро шудааст, хеле хуб таҷассум ёфтааст. Силсилаи миниатюраҳои латифи фортепиании «24 байти мусиқӣ», бахшида ба ёдбуди Э. А. Хагагортян, ба таври устувор ба барномаи эҷодии пианинонавозон ва системаи таълимии мусиқӣ ворид гардид.
Заррина Миршакар композитори дорои истеъдоди барҷаста мебошад. Мусиқии ӯ миёни аҳли ҳунар маъруфияти арзандаро соҳиб гаштааст.
М. ТАБАРӢ, «Ҷумҳурият»


Баёни ақида (0)    Санаи нашр: 8.03.2016    №: 47    Мутолиа карданд: 657

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед