logo

сиёсат

МУҲАББАТНОМА БА ПЕШВОИ МИЛЛАТ

Эмомалӣ Раҳмон қаҳрамон аст, қаҳрамоне, ки ният ва маромаш оромии ҳар хонадон ва мардуми Тоҷикистон мебошад. Нияту мароми Сарвари давлати мо, ки нек аст, ҳама кораш бобарор ва кишварамон дар равнақу ривоҷ мебошад. Эмомалӣ Раҳмон ба суханонаш содиқу ба ваъдааш устувор ва ба ватанаш муҳаббати беандоза дорад. Ӯ тавонист бузургтарин неъмат - умед ба зиндагии осоиштаро дар дили мардум ҳифз карда, халқро аз парокандагӣ, миллатро аз пастшавӣ ва давлатро аз завол наҷот диҳад.
Ин нуктаҳои муҳим, ки ба қалами Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров тааллуқ доранд, дар сарсухани китоби «Эмомалӣ Раҳмон - Пешвои миллат» дарҷ гардидаанд. Китоби мазкур, ки ба тозагӣ дар нашриёти «Маориф» бо ибтикори Ташкилоти ҷамъиятӣ - байналмилалии Фонди «Диалоги АвруОсиё» ба чоп расид, силсилаи мақолаҳои олимон, сиёсатмадорон ва адибони тоҷикро дар бораи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар бар мегирад.
Шукурҷон Зуҳуров, ҳамчунин аз нақши таърихии Сарвари муаззами кишвар дар бунёди давлати навини тоҷикон ёдовар шуда, навиштааст: «Мақоми Пешвои миллат, ки бо амри дили мардуми шарифи тоҷик ба Эмомалӣ Раҳмон дода шудааст, нишони эҳтироми хоса ба хидматҳои Сарвари давлат ҳамчун асосгузори сулҳу ваҳдати миллӣ, таҳиягари пояҳои ҳуқуқии миллат, эҳёкунандаи арзишҳои миллӣ, фарҳангӣ ва динӣ, зиндакунандаи номи қаҳрамонони таърихӣ, ҳомӣ ва муҳофизи манфиатҳои миллат мебошад».
Сироҷиддин Аслов, вазири корҳои хориҷӣ, дар матлаби худ - «Эмомалӣ Раҳмон - асосгузори мактаби нави сиёсати хориҷӣ» овардааст, ки Эмомалӣ Раҳмон тарроҳ ва поягузори мактаби нав дар сиёсати хориҷӣ ва равобити байналмилалист. Зеро замоне, ки ӯ масъулияти кишвари ҷангзада ва дар ҳоли фурӯпошӣ қарордоштаро ба зимма гирифт, ҳеҷ поя ва заминае барои пешбурди сиёсати хориҷӣ вуҷуд надошт. Сиёсати сулҳҷӯёнаи сарвари ҷавони давлати навтаъсис аз рӯзҳои аввали ба сари ҳокимият омаданаш мавриди дастгирии на танҳо мардуми шарифи Тоҷикистон, балки ҷомеаи ҷаҳонӣ низ қарор гирифт ва ин заминаи хубе шуд барои ба роҳ мондани сиёсати хориҷӣ ва ба ҷаҳониён муаррифӣ кардани давлати тоҷикон. Инак, аз баракати ин марди бузург миллатеро бо номи тоҷик ва кишвареро бо исми Тоҷикистон тамоми олам мешиносад.
Вазири корҳои хориҷии кишвар менависад: «Ба як нукта бояд таваҷҷуҳ дошт, ки кишварҳои олам ҳангоми тарҳрезии сиёсатҳои дарозмуддат ва интихоби мамлакате ҳамчун шарики стратегӣ, пеш аз ҳама, ба оромии кунунии он ва заминаҳои субот дар оянда менигаранд. Аз ин нуқтаи назар, Тоҷикистон бо баракати сиёсати сулҳҷӯёна ва ваҳдатовари Эмомалӣ Раҳмон аз тарафи шарикони хориҷии мо кишваре шинохта мешавад, ки ояндаи босубот ва сиёсати устувор дорад. Ин навъи нигариш, бешубҳа роҳро барои ҳамкориҳои оянда ва сармоягузориҳои дарозмуддат боз намуда, заминасози рушди иҷтимоию иқтисодӣ ва нақшофарии бештари Ҷумҳурии Тоҷикистон дар минтақа ва ҷаҳон хоҳад буд».
Дар мақолаи «Нигоҳе ба таҷрибаи давлатсозӣ ва фарҳангсолории Пешвои миллати тоҷик», ки Кароматулло Олимов, академик, ноиби Президенти Академияи илмҳои Ҷумҳурии Тоҷикистон, ба қалам додааст, аз ҷумла омадааст: «Сарвари давлат Эмомалӣ Раҳмон бо Истиқлолияти давлатии Тоҷикистон якҷо пеш рафт, барои таҳкими пояҳои он хастагинопазирона мубориза мебарад, барои вусъати ҳамкориҳо ва робитаҳои гуногунҷанба бо тоҷикони бурунмарзӣ тадбирҳо меандешад, бори бузурги амонати таъриху давлатро мекашад, то ки халқи соҳибдавлати тоҷик хушбахту сарбаланд бошад. Ин хислатҳои нек ва ин фазилатҳои бузургворонааш ӯро барҳақ ба пешвои умумимиллии тоҷикон табдил додаанд. Эмомалӣ Раҳмон бо ҳамин унвони ифтихорӣ, ки миллати тоҷик ба ӯ додааст, дар таърихи давлати соҳибистиқлоламон ҷовидона хоҳад монд».
Китоби «Эмомалӣ Раҳмон - Пешвои миллат» як навъ муҳаббатномаи олимону муҳаққиқон, сиёсатмадорон ва аҳли фарҳанг ба Сарвари муаззами кишвар муҳтарам Эмомалӣ Раҳмон мебошад. Муаллифони мақолаҳо Асосгузори сулҳу ваҳдати миллӣ - Пешвои миллат Эмомалӣ Раҳмонро чун сиёсатмадори ояндабину матинирода, принсипнок, ботаҳаммул ва ғамхори халқ муаррифӣ боз ҳам аз диди нав  кардаанд.

Додоҷон РӮЗИЕВ,
«Ҷумҳурият»


Баёни ақида (0)    Санаи нашр: 8.03.2016    №: 47    Мутолиа карданд: 554

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед