logo

фарҳанг

«ГУЛДУХТАРОНИ ТОҶИК»: НИГОҲИ ЗАН БА ЗЕБОӢ

Нигоҳи зан ба зиндагӣ ва зебоиҳои табиати Ватани маҳбуб ҳамеша хоса аст. Занон зиндагиро зеботар дарк намуда, шоиронатар тасвир менамоянд. Дар офаридаҳои онҳо ҳам гармии офтоб ҳис мешаваду ҳам бӯйи хуши гулу райҳон. Ин бовариро асарҳои ба намоиши «Гулдухтарони тоҷик» пешниҳодшуда бори дигар собит сохтанд.
Бори панҷум аст, ки дар арафаи Ҷашни байналмилалии Наврӯз бо ташаббуси рассомон – устодони Коллеҷи ҷумҳуриявии рассомии ба номи Мирзораҳмат Олимов намоиши мусаввараҳои занон ва духтарони ҷумҳурӣ таҳти унвони «Гулдухтарони тоҷик» баргузор мегардад. Дар ин намоиши камназири асарҳои санъати тасвирӣ ҳунари занони мусаввире, ки дар жанрҳои мухталиф эҷод менамоянд, гирд оварда шудаанд. Миёни онҳо  метавон мусаввараҳо, асарҳои графикӣ, кулолӣ, гобелен, батик ва аксҳои бадеиро пайдо намуд. 
Рассоми шинохтаи тоҷик Манзура Ӯлҷабоева дар тӯли панҷ сол ташаббускори асосии ин намоиш мебошад. Ӯ бо ифтихор иброз медорад, ки барои ташкили намоиш тамоми сол заҳмат мекашанд. «Логотипи он рамзи занони эҷодкор гардидааст. Дар он образи зане, ки рассом ва пайкарасози шаҳир Валимад Одинаев офаридааст, ҷой дода шудааст.
Аксари намоишҳои мо дар галереяи таъсисдодаи ӯ дар назди коллеҷи рассомӣ  гузаронда мешаванд.  Соли гузашта намоиш ба  70 – солагии Валимад Одинаев бахшида шуд. Ҳамсари В. Одинаев Любов Одинаева, ки наққоши чирадасте мебошад, дар амалӣ шудани ин нияти нек дастгиру мададгори ҳамешагии мо мебошад. Имсол намоиши асарҳои санъати рассомии «Гулдухтарони тоҷик» ба 80 – солагии Коллеҷи ҷумҳуриявии рассомӣ ва 25 – солагии Истиқлолияти давлатии Ҷумҳурии Тоҷикистон бахшида мешавад», - иброз медорад М. Ӯлҷабоева.
Корҳои дар намоиш ҷамъовардашуда аз рӯйи мавзӯъ ва мазмуну мундариҷа мухталиф мебошанд. Ягона ҷанбаи ба ҳам наздиксозандаи онҳо нигоҳи гарму диди нарми занон ба зиндагӣ мебошад. Дар он, ҳамчунин, мусаввирзанони синну сол ва миллату қавмиятҳои мухталиф, ки муқими Тоҷикистон мебошанд, ба ҳам омадаанд. Асарҳои Манзура Ӯлҷабоева (рассом), Бону Камолова (миниатюра), Нина Дорошева (кулолгарӣ), Светлана Ли ва Зинаида Ким (моделйер), Любов Одинаева (графика), Вера Карнаухова (гобелен), Инна Кладо  (дизайн), Татяна Черёмухина (санъати амалӣ),  Зинаида Турдиева (рассом – ороишгар), ки ҳамасола дар намоишгоҳ ҷойгоҳи асосиро ишғол намуда, диққати бештари мухлисони санъати тасвириро ба худ ҷалб менамоянд, ба ин гуфтаҳо мисол шуда метавонад. Солортарин ширкаткунандаи намоиш синнаш аз ҳаштод гузашта бошад, ҷавонтаринаш ҳоло нав ба 18 даромадааст.               
Намоиш дар тӯли фаъолияти хеш ба як навъ ҳисоботи рассомон дар назди мухлисонашон табдил ёфтааст.  Он паҳлуҳои ниҳонии ҳунари аксари иштирокдоронашро ошкор намуда, ба аҳли фарҳанг муаррифӣ намуд.
 Дар ин муддат ба ҷуз роҳбарияти коллеҷи рассомӣ ба фаъолияти намоиши «Гулдухтарони тоҷик» Иттифоқи рассомони Тоҷикистон ва Ҷамъияти дӯстӣ ва робита бо кишварҳои хориҷа низ таваҷҷуҳи хос зоҳир намуданд. Раиси ҷамъияти дӯстӣ Сайдулло Хайруллоев ва муовини ӯ Мушаррафа Шарифова, ректорони донишкадаи санъати тасвирӣ ва дизайн Ҷамшед Ғанизода ва донишкадаи санъат ва фарҳанги Тоҷикистон Диловар Латифов, муҳаққиқи шинохтаи соҳаи санъати тасвирӣ Лариса Додхудоева ва рассоми шинохта Сабзалӣ Шарифов на танҳо дастгиру мададгор, балки меҳмони доимии намоиш мебошанд. - Дар оғоз ба нақша гирифта шуд, ки дар намоиш танҳо асарҳои устодон ва шогирдони коллеҷи рассомӣ ба маъраз гузошта шавад, - гуфт дар суҳбат бо мо устоди коллеҷ Манзура Ӯлҷабоева.
М. ТАБАРӢ,
«Ҷумҳурият»


Баёни ақида (0)    Санаи нашр: 10.03.2016    №: 48    Мутолиа карданд: 540

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед