logo

ҳуқуқ

ВАЪДАХИЛОФӢ ДАР ВОРУХ

Ё ЧАРО МУРОҶИАТҲОИ ШАҲРВАНДОН БЕҶАВОБ МЕМОНАНД?

Дар шумораи № 188-уми рӯзномаи «Ҷумҳурият», аз 17 сентябри соли 2015, дар гӯшаи «Розу ниёз» мактуби шикоятӣ таҳти унвони «Мақомот: ваъда ҳаст, вафо не» ба чоп расида буд. Дар он 53 нафар сокини Ҷамоати деҳоти Ворухи ноҳияи Исфара аз он изҳори нигаронӣ доштанд, ки мақомоти маҳаллӣ (соли 2014) дар шахси собиқ раиси ҷамоат Лоиқ Маҳкамов ваъда дода буданд, ки баъди адои хизмат ҷавонон ҳатман соҳиби қитъаи замини наздиҳавлигӣ хоҳанд шуд. Ҳатто барои ин, аз 10 июни соли 2014, № 5 дар бораи ҷудо шудани қитъаи замин дар мавзеи Лочини Ҷамоати деҳоти Ворух қарор ба тасвиб расида, ҷиҳати дастрасии он аз ҳар як муроҷиаткунанда 180 сомонӣ ҷамъ карданд. Аммо бо гузашти якуним сол, на замин ҳасту на қарор.

Аз чопи матлаби мазкур шаш моҳ сипарӣ гашт ва шаҳрвандон бори дигар ба рӯзномаи «Ҷумҳурият» мактуб навиштанд: «Ба хулосае омадем, ки масъулин дар маҳал ё рӯзнома намехонанд ё ба мақолаҳои танқидӣ аҳамияти ҷиддӣ намедиҳанд». Барои омӯзиши ин масъала хабарнигорамон ба Ҷамоати деҳоти Ворухи ноҳияи Исфара сафари корӣ анҷом дод.
Ворух бузургтарин деҳаи ноҳияи Исфара буда, беш аз 32 ҳазор аҳолӣ дорад. Зичии аҳолӣ маҳз дар ҳамин ҷо бештар аст ва сокинони он асосан ба кишоварзӣ машғул мебошанд. Ин аст, ки масъалаи тақсими замин дар ҷамоат то имрӯз ҳалли пурраи худро намеёбад. Бино ба иттилои заминсози Ҷамоати деҳоти Ворух Зинур Ҷӯраев, ҳоло 1661 нафар сокини деҳа барои гирифтани қитъаи замин номнавис шудаанд. Муаммои дигар ин аст, ки аксари сокинон намехоҳанд аз мавзеи Маҳпарии ноҳия қитъаи замини наздиҳавлигӣ гиранд. Зеро ин мавзеъ аз Ҷамоати деҳоти Ворух 45-60 километр дур буда, мушкилоти обу барқ ва роҳ низ садди кӯч бастани аҳолӣ мешаванд.
Ба гуфтаи Зоиршоҳ Маҳкамов, раиси ҷамоати деҳоти Ворух, воқеан, раиси пешини ҷамоат Лоиқ Маҳкамов ҷиҳати ҷудо кардани қитъаи замин барои ҷавонони ба хизмати ҳарбӣ рафта, қарор ба имзо расонда буд. Вале, бо назардошти он ки мавзеъ дар селроҳа қарор дорад, иҷрои он тӯл кашида истодааст. То моҳи июни соли равон корҳои заминсозиву бехатарӣ гузаронда шуда, ба шахсони эҳтиёҷманд қитъаи замин ҷудо карда мешавад.
Бо мусоидати масъулони Ҷамоати деҳоти Ворух бо модарони сарбозони ба хизмати аскарӣ рафта - Ривоят Мирзобоева ва Саида Тешаева ҳамсуҳбат шудем. Онҳо аз он гила доранд, ки роҳбарон ваъдахилофӣ намуда, мардумро беҳуда сарсону саргардон мекунанд.
 - Дар шароити вазнини иҷтимоӣ қарор дорем. Ҳамсарам мубталои беморӣ асту таъмини оила ба зиммаи писарам Фарзон вогузор шуда буд. Баъди ба хизмати аскарӣ рафтани ӯ мушкили мо дучанд шуд, - изҳор дошт Ривоят Мирзобоева. Саида Тешаева бошад, гуфт, ки писарашро бепадар, бо азобу машаққати зиёд ба воя расондааст ва баъди адои хизмат ӯро оиладор ва барои фарзандони дигараш манзили зист бояд созад. Замин, ки доданӣ набуданд, чаро қарор бароварданду аз мардум пул гирифтанд?
 Аз ин чунин хулоса метавон кард, ки бемасъулиятии як нафар боис шудааст, то чандин оилаҳо ба мушкилот рӯ ба рӯ шаванд. То моҳи июн ҳам муҳлат чандон тӯлонӣ нест. "Ҷумҳурият" ҳатман мавзӯъро пайгирӣ хоҳад кард.
Содир Қосимӣ, муовини аввали раиси шаҳр, аз мақолаҳои танқидии дар матбуот чопшуда ҳатто огоҳӣ надорад. Инро аз вокуниш нишон надодан ба матолиби «Кашолкорӣ дар Маҳпарӣ», «Ҷумҳурият», аз 13 январи соли 2013, «Харобаҳои Шӯроб кай барқарор мешаванд?», «Ҷумҳурият», 17 ноябри соли 2015, метавон хулоса кард.
Ҷовиди АШТӢ, «Ҷумҳурият»


Баёни ақида (0)    Санаи нашр: 10.03.2016    №: 48    Мутолиа карданд: 534

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед