logo

ҳуқуқ

БЕЭҲТИРОМӢ БА АСЪОРИ МИЛЛӢ БЕЭҲТИРОМӢ БА МИЛЛАТ АСТ

Аз ҳолати иҷрои қонунгузории ҷорӣ оид ба танзими асъор ва назорати он дар ҳудуди вилояти Суғд

Доштани асъори миллӣ ифтихори ҳар давлату миллат,  ифодакунандаи яке аз рамзҳои муҳими давлатдорӣ мебошад ва арҷгузорӣ ба асъори миллӣ эҳтиром ба давлату миллат арзёбӣ мешавад.  Мутаассифона, мушоҳидаҳо  бозгӯи онанд, ки теъдоди муайяни шаҳрвандони кишвар, аз ҷумла соҳибкорон, дар муомилот хилофи қонун асъори хориҷӣ, бавижа доллари Иёлоти Муттаҳидаи Амрикоро  истифода бурда, ба эътибори қурби асъори миллӣ  латма мезананд. Санҷиши раванди иҷрои қонунҳои Ҷумҳурии Тоҷикистон “Дар бораи фаъолияти бонкӣ” ва “ Дар бораи танзими асъор ва назорати асъор”, ки прокуратураи вилояти Суғд дар шаҳру навоҳии вилоят роҳандозӣ кард, далели возеҳи ин гуфтаҳост.

Санҷишҳои  прокурорӣ  нишон доданд, ки дар ҳудуди вилоят, бахусус дар  шаҳру ноҳияҳои  Хуҷанд, Истаравшан,  Бобоҷон Ғафуров, Исфара, Конибодом ва  Спитамен бозорҳои ғайрирасмии асъор то  ҳол фаъолият намуда, шахсони алоҳида бар хилофи талаботи қонун ва санадҳои меъёрии ҳуқуқӣ, ба хариду фурӯши асъори хориҷӣ машғуланд.
Ҳангоми санҷиш дар шаҳру ноҳияҳои вилоят дар маҷмӯъ 324 ҳолати ғайриқонунӣ  ба хариду фурӯши асъори хориҷӣ машғул будани шаҳрвандон ошкор карда, дар 252 ҳолат тибқи талаботи Кодекси ҳуқуқвайронкунии маъмурии Ҷумҳурии Тоҷикистон парвандаҳои ҳуқуқвайронкунии маъмурӣ ва дар 72 ҳолат бошад, парвандаҳои ҷиноятӣ бо моддаи 286 Кодекси ҷиноятии Ҷумҳурии Тоҷикистон боз гардида, гунаҳгорон бо ҳукми суд ҷазо гирифтанд.
Дар ду моҳи соли  2016 бошад, 100 қонуншиканӣ ошкор шуда, дар 72 ҳолат нисбати шаҳрвандон барои муомилоти ғайриқонунӣ бо асъори хориҷӣ бо моддаи 541 Кодекси ҳуқуқвайронкунии маъмурии Ҷумҳурии Тоҷикистон парвандаҳои ҳуқуқвайронкунии маъмурӣ ва дар 28 ҳолат бошад, парвандаҳои ҷиноятӣ  бо моддаи 286 КҶ Ҷумҳурии Тоҷикистон боз гардид.
Ҳангоми гузарондани санҷишҳои ногаҳонӣ дар ҳудуди шаҳру ноҳияҳои вилоят   зиёда аз 40 нафар шахсоне ба даст афтоданд,  ки дар бозору мағозаҳо молу маҳсулоти ниёзи мардумро бо рубли Россия ё доллари ИМА ба фурӯш бароварда буданд.
Боиси нигаронист, ки бархе аз шаҳрвандони мо  аз ҷиноятҳои қаблан содиркардаи худ хулосаи зурурӣ намебароранд. Зиёда аз ин, манфиати шахсии худро аз манфиати давлат, эҳсоси ватандориву арҷгузорӣ ба асъори миллӣ болотар медонанд. Шаҳрванд Абдуламит Ҷӯраев, сокини шаҳри Исфара, кӯчаи С. Насафӣ, хонаи № 60 “а”, қаблан  2 апрели соли 2015 дар асоси қарори суди шаҳри Исфара барои муомилоти ғайриқонунӣ бо асъори хориҷӣ бо моддаи 541 Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ кашида, ба андозаи 400 сомонӣ ҷарима супорида буд. Аммо ин ба ӯ на дарс шуду на ибрат, баръакс, баъди ҷазои маъмурӣ гирифтан боз  дар давоми сол ба муомилоти ғайриқонунӣ   бо асъори хориҷӣ даст зада,  3 июни соли 2015  ҳангоми харидани  2000 рубли Россия дар назди бозори марказии шаҳри Исфара дастгир  шуд. Нисбат ба фаъолияти ғайриқонунии Ҷӯраев аз ҷониби прокурори шаҳри Исфара  бо моддаи 286 қисми 1 КҶ Ҷумҳурии Тоҷикистон парвандаи ҷиноятӣ боз гардида,  номбурда бо ҳукми суд ҷазо гирифт.
Шаҳрвандон Муҳаммадҷон Бобокалонов,  сокини ноҳияи Бобоҷон Ғафуров  ва  Алибек Ахмедов, сокини ноҳияи Мастчоҳ, ки қаблан  дар давоми сол бо моддаи 541 Кодекси ҳуқуқвайронкунии маъмурӣ ба ҷавобгарӣ кашида шуда буданд, моҳи июни соли 2015  ҳангоми хариду фурӯш бо асъори хориҷӣ  боз аз нав дастгир ва бо ҳукмҳои судӣ маҳкум карда шуданд.
 Пӯшида нест, имрӯз низ ҳолатҳои зиёде ба чашм мерасанд, ки теъдоди муайяни ҳамдиёронамон дар хариду фурӯши манзил, мошини сабукрав,  маҳсулоти саноатӣ ва ашёи дигар кӯшиш мекунанд асосан аз доллари амрикоӣ истифода баранд. Санҷишҳои прокурорӣ чунин ҳолатҳоро низ ошкор карданд.
19 декабри соли 2015 фурӯшандаи мағозаи “Олами компютерҳо”- и  шаҳри Хуҷанд Ҷамшед Усмонов  ҳангоми ба фурӯш баровардани таҷҳизоти компютерӣ ба маблағи 3500 доллари ИМА дастгир гардид. Муҳандис - барномасози ҶДММ “Олами саёҳат” Ҷ. Шарофов дар шаҳри Хуҷанд 16 ноябри соли  2015  аз шаҳрвандон С. Фаттуллоев, М. Раҷабов ва  Г. Файзуллоева барои омода намудани ҳуҷҷатҳои сайёҳӣ ва фиристодани номбурдагон барои истироҳат ба шаҳри Дубайи АМА 4000 доллари ИМА гирифтааст.
Ин мисолҳо гувоҳи онанд, ки бархе аз шаҳрвандони касбу корашон гуногуни кишвар бо мақсади ҳарчи бештар ба даст овардани даромади муфт манфиати шахсиро аз эҳтироми қонун ва рукнҳои давлатдории миллӣ боло дониста, бо ин амалашон ба иқтисодиёти мамлакат зарари ҷиддӣ мерасонанд ва ба обрӯву нуфузи асъори миллӣ халал ворид месозанд.
Бояд донему огоҳ бошем, ки ҳама гуна амалу рафтор, кирдорҳои ношоиста, беэҳтиромӣ нисбат ба муқаддасоти давлат носипосӣ, беэҳтиромӣ ба давлату миллат буда, содиркунандагони онҳо мутобиқи  қонунҳои ҷории кишвар ҷазо хоҳанд гирифт.

Саидҷамол САИДЗОДА,
прокурори калони шуъбаи
назорати умумии прокуратураи
вилояти Суғд
мушовири адлияи дараҷаи 2,
Ҷовиди Аштӣ, “Ҷумҳурият”


Баёни ақида (0)    Санаи нашр: 10.03.2016    №: 48    Мутолиа карданд: 565

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед