logo

фарҳанг

МИНБАРИ ОРМОНҲОИ МИЛЛӢ

Матбуот дар ҳама давру замон ба сифати миёнарави байни ҳукумат ва ҷомеа баромад доштааст. Ҳамин аст, ки мардум ҳамеша ба сухани матбуот эътимод доранд ва онро қабул мекунанд, дар фаъолияти худ аз он кор мегиранд.  Ва ин масъулияти аҳли матбуотро боло мебарад.
Тавре Асосгузори сулҳу ваҳдати миллӣ – Пешвои миллат, Президенти мамлакат, муҳтарам Эмомалӣ Раҳмон дар ҷаласаи тантанавӣ ба ифтихори 100-солагии матбуоти тоҷик таъкид доштанд: «Дар ҳақиқат, матбуот ва воситаҳои ахбори омма ба ташаккули афкори ҷомеа таъсири муқтадир ва муассир мерасонанд. Онҳо хусусан дар замони таҳаввулот ва тағйирёбии самтҳои рушди ҷомеа, бадалшавии идеологияҳо ва ташаккули диди нави иҷтимоӣ аҳамияти хоса пайдо мекунанд. Ҳама гуна ҷомеаи демократӣ, алалхусус ҷомеаи кишварҳое, ки нав ба ин ҷода қадам гузоштаанд, ба воситаҳои ахбори омма ва фаъолияти пурсамари онҳо ниёзманд мебошанд».
Аз ин хотир, ҳамеша талошҳо барои ташкил ва назорати он буданд ва хоҳанд монд. Дар шароити муосири муборизаи тамаддунҳо ва ҷаҳонишавӣ бештар маълум мегардад, ки воситаҳои ахбори омма дар ҳаёти ҷомеа чӣ гуна нақши бузург доранд. Инро метавон дар мисоли таърихи матбуоти тоҷик ва фаъолияти воситаҳои ахбори оммаи кишвар ба риштаи таҳлил кашид. Матбуоти тоҷик таърих ва собиқаи беш аз садсола дорад. Ва ин таърих аз се давра: то шӯравӣ, шӯравӣ ва истиқлол иборат аст.
Дар ҳама давраҳои фаъолияти хеш матбуоти тоҷик, аз «Бухорои шариф» то нашрияи навтарини мо – «Пайрав» чун минбари орзуву омол ва ормонҳои миллӣ баромад кардааст. Таърихи матбуоти мо саршори корнамоиҳост. Зеро матбуот ҳамеша талош доштааст, ки некро тарғиб кунаду бадро маҳкум.
Албатта, ду давраи аввал ҳамчун пайдоиш ва рушди матбуоти тоҷик ҳар кадоме ҷойгоҳи махсуси худро дар фазои иттилоърасонии кишвар доштанд.
Аммо бо вуҷуди нақши мондагори журналистикаи тоҷик дар ду давраи аввал, рушду фаъолияти созандаи журналистикаи тоҷик бо риояи меъёрҳои умумибашарии озодии баён, дастрасӣ ба иттилоот маҳз ба давраи истиқлол рост меояд. Ҳамин давра аст, ки заминаҳои ҳуқуқии фаъолияти расонаҳо фароҳам оварда шудаву пайваста такмил меёбанд, ҳамин давра аст, арзишҳои умумие мисли изҳори ақидаву гуногунақоидӣ ба журналистикаи тоҷик роҳ ёфтанд.
Бо ба даст омадани фазои сулҳу субот васоити ахбори омма ба дараҷаи сифатан нави фаъолият расиданд. Тавре Пешвои миллат таъкид доштаанд: «Дар замони соҳибистиқлолӣ дар мамлакати мо барои пешрафт ва фаъолияти озодонаи воситаҳои ахбори омма тамоми заминаҳои ҳуқуқӣ фароҳам оварда шудаанд ва пайваста такмил дода мешаванд».
Маҳз истиқлолият имкон дод, ки журналистикаи тоҷик ҳам аз нигоҳи сифат ва ҳам аз нигоҳи миқдор боло равад. Аз нигоҳи муҳтаво нашрияҳо ба сиёсӣ, иҷтимоӣ, иқтисодӣ, фарҳангӣ, адабӣ, маърифатӣ, экологӣ, ҳуқуқӣ, варзишӣ, ҳизбӣ, соҳавӣ, барои кӯдакону наврасон, ҷавонон, бонувон ва ғайра, аз нигоҳи фарогирии ҷуғрофӣ ба умумиҷумҳуриявӣ, вилоятӣ ва маҳаллӣ ҷудо мешаванд. Яъне тамоми қишрҳои ҷомеа ба матбуоти ба худашон нигаронидашуда дастрасӣ доранд.
Ҷолиб он аст, ки дар Тоҷикистони соҳибистиқлол миқдори нашрияҳои мустақил нисбат ба нашрияҳои расмӣ бамаротиб зиёд аст.  Ин шаҳодати он аст, ки Ҳукумати кишвар бо роҳбарии Асосгузори сулҳу ваҳдати миллӣ – Пешвои миллат, Президенти мамлакат, муҳтарам Эмомалӣ Раҳмон барои рушди ҳам матбуоти ҳукуматӣ ва ҳам мустақил шароити мусоидро фароҳам сохтааст. Ин суханони Сарварамон басо бамавриданд: «Ҳадафи асосии матбуоти ҳукуматӣ ва мустақил ҳамчун ду шохаи бо ҳам пайвастаи матбуоти Тоҷикистон иҷрои рисолати касбӣ, яъне хизмати содиқона ва софдилона ба манфиати халқу Ватан мебошад». Яъне ба рушди матбуоти ҳукуматӣ ва мустақил дар умум журналистикаи тоҷик бурд мекунад.
Таҷлили Рӯзи матбуоти тоҷик дар сатҳи хеле баланд бо як шаҳомат, чун ҷашни умумимиллӣ сурат мегирад. Ҷашни матбуот танҳо ҷашни рӯзноманигорон нест, балки ҳар касе ба миллат муҳаббат дорад, ҳақ дорад аз ин ҷашн истиқбол гирад. Зеро матбуот минбари розу ниёзи мардуми бунёдкори тоҷик буд ва мемонад. 

Сангини ГУЛЗОД,
мудири кафедраи журналистикаи
байналхалқии ДМТ, дотсент


Баёни ақида (0)    Санаи нашр: 11.03.2016    №: 49    Мутолиа карданд: 579

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед