logo

фарҳанг

ВАҚТЕ ПАСИ САТРҲО ҒАРАЗРО МЕБИНАМ…

Айни замон дар ҷумҳурӣ миқдори зиёди рӯзнома, ҳафтанома, нашрияҳои шаҳрию  ноҳиявӣ, маҷалла, моҳнома, нашрияҳои соҳавӣ, оҷонсӣ ва  сомонаҳои иттилоотӣ фаъолият менамоянд.  Ин нишонаи фароҳам будани шароити мусоид барои фаъолияти озод дар фазои иттилоотӣ мебошад. Вале, суоли матраҳ ин аст, ки то кадом андоза матбуоти даврии кишвар талаботи маънавии ҷомеаро бароварда метавонад. Бо ин савол, хабарнигорони “Ҷумҳурият” бо шахсони касбу корашон гуногун суҳбати сарироҳӣ анҷом доданд.

Шамсиддин Орумбекзода,
вазири фарҳанги Ҷумҳурии Тоҷикистон:
- Қонеъ будани мардум аз фаъолияти матбуот ба дараҷаи касбияти журналист вобастагӣ дорад. Имрӯз нисбат ба солҳои пеш фазои иттилоотӣ холигӣ надорад, зеро даҳҳо нашрияҳои давлатӣ ва ҷамъиятиву хусусӣ фаъолият доранд, ки инъикоскунандаи ҳаёти сиёсиву иҷтимоӣ ва фарҳангии кишвар ҳастанд. Ҳузури расонаҳои электронӣ ҳам фазои матбуотиро пурратар карда истодааст. Мушкил ин аст, ки мо дар  сатҳи маҳал талаботи хонандагонро қонеъ гардонда натавониста истодаем. Онҳо ҳанӯз ҳам ба нашрияву расонаҳо дастрасии пурра надоранд. Ё, агар дошта бошанд ҳам, хеле дер нашрияҳо ба дасти хонандагон мерасанд, ки моҳияти сари вақт огоҳ шудан аз рӯйдод ё воқеиятро аз даст медиҳанд. Ҳамчунин дар бахши сифати нашр мушкилоти зиёд дорем. Бояд нашрия ё рӯзнома бо сифати хуб нашр гардад.

Сайфулло Саъдуллозода,
муовини аввали директори Маркази тадқиқоти стратегии
назди Президенти Ҷумҳурии Тоҷикистон:
- Ба назари ман имрӯз ҷомеа нисбат ба матбуот пешрав аст. Аз ин рӯ, матбуот талаботи имрӯзи хонандаро қонеъ гардонда наметавонад. Чунки дар фазои иттилооти мо ягона рӯзномаи «Ҷумҳурият» аст. Матбуоти мо бештар ҳангомасоз аст, вале ҷомеа бештар сари амнияту субот андеша мекунад ва ба ин равиш шакл мегирад. Матбуоти мо дар пешорӯйи чолишҳои амниятӣ, ки доғи рӯз аст, заиф боқӣ мемонад. Ба истиснои маводи Саймуъмин Ятимов, раиси КДАМ, ки оид ба ин мавзӯъ маводи ҷолиб таҳия ва нашр карда буд. Матбуоти мо, аксаран аз  ин ё он фард қаҳрамонтарошӣ мекунад, ба ҷойи он ки  ба мавзӯъҳои ҷанбаи миллӣ ва илмидошта рӯ биоранд. Масалан, мо олимҳое дорем, ки мавзӯъҳои муҳимро таҳқиқ кардаанд, аммо матбуот ва мардум хабар надоранд. Гӯиё, ки мо навоварии илмӣ надорем. Имрӯз шахсиятҳои шинохтаи кишвар дигар дар матбуот ҳузур надоранд. Дар ҳоле ки назари онҳо барои рушди ҷомеа муҳим аст. 

Меҳмоншо Шарифов, пажӯҳишгар:
- Имрӯз, мутаассифона, матбуот рисолати худ, яъне қонеъ гардондани талаботи маънавии мардумро иҷро карда натавониста истодааст. Мардум, ё хонанда мехоҳад, воқеияти рӯзро аз заррабини матбуот холисона хонад ва аз рӯйдодҳои олам огоҳ шавад. Матбуот бояд ҳаводиси рӯзро дуруст инъикос намояд.  Масалан, дар Британияи Кабир, ё кишварҳои дигар мардум аввали рӯз ё субҳ пеш аз наҳорӣ рӯзнома мехонанд. Зеро он ҷо матбуот тавонистааст, хабарсоз бошад, нархи рӯзномаҳо ҳам чандон гарон нест. Дар мо, аввал ин, ки миёни зиёиён низ чунин расм роиҷ нашудааст, дувум, хадамоти почтаи мо гумон намекунам, ки ҳар рӯз сари субҳ рӯзномаҳоро ба муштариён расонида тавонад. Воқеан, мо чанд рӯзнома дорем?

Валӣ САМАД, адабиётшинос:
- Банда қариб ҳамаи ҷаридаҳои давриро мутолиа менамоям ва аз ҳар яки онҳо ду ё се матлаби хонданбоб пайдо мекунам. Ҳафтаномаву рӯзномаҳои имрӯза вобаста ба вазъи ҷаҳони муосир матлабҳо омода мекунанд, ки, албатта, хонандаи худро меёбад. Бавижа, ҳаводиси имрӯзро бо воқеаҳои таърихӣ муқоиса намуда, маводҳои таҳлилӣ омода намудани баъзе аз ҳафтаномаҳо барои инҷониб писанд аст.
Як чизи муҳими дигар, дар рӯзномаҳои расмӣ вокуниши воқеии баъзе мансабдоронро камтар мебинам, ки ҷои ташвиш аст.

Малика Урфонова, рӯзноманигор:
- Ончи дар матбуоти мо ба ман нохушоянд мебошад, ин худро ба нашрияҳои расмӣ ва ғайрирасмӣ ҷудо намудани рӯзномаҳо аст, яъне ба давлатӣ ва хусусӣ. Чӣ, агар онҳо нашрияи ғайрирасмӣ, ё хусусӣ бошанд, ҳуқуқи маънавӣ доранд, ки ба мо иттилооти носаҳеҳро пешниҳод намоянд?  Ман журналистонро ба ҳирфавӣ ва ғайриҳирфавӣ ҷудо менамоям. Мақсад аз қалам ба даст гирифтан ҳақиқатро гуфтан аст, на чизи дигар. Як ба гузоришҳои матбуотии мо назар афканед. Дар кадом идорае журналистонро хуш қабул кунанд, дар бораи он сухани нек мегӯянд, дар куҷое сатҳи «пазироӣ» паст бошад, танқид мекунанд. Матбуоти мо то ҳоло таъмини шаффофияти фаъолияти мақомоти давлатӣ ва ғайридавлатиро таъмин карда натавониста истодааст, ки ҷойи таассуф мебошад. Вақте паси сатрҳои муаллиф ғаразро мебинӣ басе нафратовар аст!
 


Баёни ақида (0)    Санаи нашр: 11.03.2016    №: 49    Мутолиа карданд: 698

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед