logo

порлумон

ИТТИЛОИЯ

Дар ҷаласаи Маҷлиси намояндагони Маҷлиси Олӣ вобаста ба табодули ғайриқонунии асъори хориҷӣ лоиҳаи ворид намудани тағйиру иловаҳо ба Кодекси ҷиноятии Ҷумҳурии Тоҷикистон ва Кодекси ҳуқуқвайронкунии маъмурии Ҷумҳурии Тоҷикистон ба тасвиб расид.

Азизмуҳаммад Холмуҳаммадзода, раиси Комиссияи  Маҷлиси намояндагон оид ба назорати дастур ва ташкили кор, зимни тавзеҳи ворид намудани тағйиру иловаҳо ба Кодекси ҷиноятӣ гуфт, ки лоиҳа бо мақсади ба танзим даровардани тартиби истифодаи асъори хориҷӣ дар ҷумҳурӣ таҳия шудааст.
Мувофиқи тағйирот ба қисми якуми моддаи 286 - и Кодекси ҷиноятии Ҷумҳурии Тоҷикистон, нисбат ба шахсоне, ки баъди супурдани ҷаримаи маъмурӣ маротибаи дуюм даст ба мубодилаи ғайриқонунии асъори хориҷӣ мезананд, ҷарима ба андозаи аз 8000 то 14600 сомонӣ  ё маҳрум сохтан аз озодӣ ба муҳлати ду сол  муқаррар шудааст. Қаблан мувофиқи ин модда ҷарима ба андозаи аз 4000 то 7320 сомонӣ ё маҳрум сохтан аз озодӣ ба муҳлати ду сол буд. Тибқи қисми дуюми моддаи мазкур, барои мубодилаи ғайриқонунии асъори хориҷӣ ба маблағи беш аз 20 ҳазор сомонӣ  ҷарима ба андозаи аз 29200 то 43800 сомонӣ ё маҳрум сохтан аз озодӣ аз чор то шаш сол пешбинӣ гардидааст. Қаблан  ҷарима ба андозаи аз 21800  то 36480  сомонӣ ё  маҳрум сохтан аз озодӣ ба муҳлати аз се то панҷ сол буд.  Агар кирдори пешбиникардаи қисми дуюми модда такроран аз ҷониби гурӯҳи шахсон бо маслиҳати пешакӣ ба миқдори беш аз 80 ҳазор сомонӣ бошад, ҷарима ба андозаи аз 51080  то 65680 сомонӣ ё маҳрум сохтан аз озодӣ ба муҳлати аз 7 то 9 сол пешбинӣ шудааст. Бояд зикр кард, ки  андозаи ҷарима қаблан аз 36480 то 58400 сомонӣ ё маҳрум сохтан аз озодӣ ба муҳлати аз 5 то 8 сол буд.
 Ҷамолиддин Нуралиев, муовини аввали раиси Бонки миллӣ, доир ба ислоҳоти низоми Бонки миллии кишвар андешаҳояшро баён намуда,  иброз дошт, ки алҳол қурби нақдии бозор аз қурби расмии Бонки миллии Тоҷикистон тақрибан 1,5 дарсад паст аст. Дар зарфи даҳ моҳ Бонки миллӣ аз онҳое, ки ба қоидаи мубодилаи асъор дуруст муносибат накарданд, 1 миллиону 659 ҳазор сомонӣ ҷарима ситондааст. Назар ба гуфтаи ӯ, 1500 нуқтаи мубодилаи асъори кишвар ба ташкилоти қарзӣ муттаҳид гардонда шудаанд. Дар иртибот ба мубодилаи асъор,  дар Бонки миллии Тоҷикистон шуъбаи ҳимояи ҳуқуқи истеъмолкунандагон кушода шудааст.
 Насиба Содиқова, вакили Маҷлиси намояндагон, зимни  баррасии лоиҳаи Қонуни Ҷумҳурии Тоҷикистон «Оид ба ворид намудани тағйирот ба Кодекси ҳуқуқвайронкунии маъмурии Ҷумҳурии Тоҷикистон» гуфт, ки лоиҳаи қонуни мазкур бо мақсади пешгирии ҳуқуқвайронкуниҳо ҳангоми муомилот бо асъори хориҷӣ ва пурзӯр намудани ҷавобгарӣ барои муомилоти ғайриқонунӣ бо асъори хориҷӣ таҳия гардидааст. Мувофиқи  моддаи 541 - и Кодекси ҳуқуқвайронкунии маъмурии Ҷумҳурии Тоҷикистон дар таҳрири нав   ҷарима ба шахсони воқеӣ ба андозаи аз 2000 то 4000 сомонӣ, шахсони мансабдор аз 4000 то 8000 сомонӣ ва барои шахсони ҳуқуқӣ аз 12000  то 24000 сомонӣ бо мусодираи ашёи ҳуқуқвайрокунии маъмурӣ  таъйин мегардад.

Мунаввари САФАР,
«Ҷумҳурият»


Баёни ақида (0)    Санаи нашр: 12.03.2016    №: 50    Мутолиа карданд: 10334

19.11.2018


Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд


Дар сомонаҳои дигари Тоҷикистон хонед