logo

мулоқотҳо

Байни Тоҷикистону Чин боз шаш санад ба имзо расид

4 июн Президенти Ҷумҳурии Тоҷикистон Эмомалӣ Раҳмон ҳайати Кумитаи марка- зии Ҳизби коммунисти Ҷумҳурии Мардумии Чинро, ки бо сарварии узви бюрои сиёсии он Ван Летсюан ба Тоҷикистон ташриф овардааст, ба ҳузур пазируфт.
Дар мулоқот масоили ҳамкории гуногунҷанбаи Тоҷикистону Чин баррасӣ шуданд.

-Муносибатҳо бо Чин аз афзалиятҳои муҳими сиёсати хориҷии Тоҷикистон аст ва мо ба таҳкиму густариши минбаъдаи робитаҳо бо он манфиатдорем, - изҳор дошт зимни сӯҳбат Сардори давлат Эмомалӣ Раҳмон.
Аз сатҳи баланд ва пайвастагии робитаҳои сиёсӣ ва иқтисодию фарҳангии миёни ду кишвар изҳори қаноатмандӣ карда шуд, хусусан аз афзоиши босуръати ҳаҷми тиҷорати дуҷониба. Таъкид гардид, ки соли гузашта ҳаҷми мубодилаи молу маҳсулот миёни Тоҷикистону Чин ба 1 миллиарду 250 миллион доллари ИМА баробар шуд ва дар семоҳаи якуми соли равон, сарфи назар аз таъсири бӯҳрони ҷаҳонии молиявию иқтисодӣ, нисбат ба ҳамин давраи соли 2008  84% афзоиш ёфт.
Барои таъмини афзоиши бештари робитаҳои тиҷоратӣ сохтмони як минтақаи нақлиётию тиҷоратӣ дар ноҳияи Мурғоби Вилояти Мухтори Кӯҳистони Бадахшон ва таҷдиди роҳи мошингарди он то шаҳри Хоруғ зарур шумурда шуд.
Ван Летсюан изҳор дошт, ки роҳи мошингарди Қошғар-Кулма-Хоруғ-Кӯлоб-Душанбе барои Ҷумҳурии Мардумии Чин низ бисёр муҳим аст ва мо дар сохтмону азнавсозии он саҳми худро мегузорем.
Мубодилаи судманди афкор оид ба дурнамои сохтмони роҳҳои оҳану мошингарди мустақими миёни Тоҷикистону Қирғизистону Қазоқистон ва пайвастани онҳо ба шабакаҳои нақлиётии Чин аз як ҷониб ва бо Афғонистону Эрон аз сӯйи дигар сурат гирифт.
Аз омодагии ҷониби Чин ба оғози сохтмони як нерӯгоҳи барқи обӣ дар болои дарёи Хингоб ва маркази нави барқу гармидиҳӣ дар шаҳри Душанбе изҳори қаноатмандӣ  шуд.
Роҳҳои рушди ҳамкорӣ дар истихроҷ ва коркарди маъданҳои кӯҳӣ, аз ҷумла уран ва  бунёди корхонаҳои муштараки коркарди маҳсулоти кишоварзӣ дар Тоҷикистон аз мавзӯъҳои муҳими сӯҳбат буд.
Мусоҳибон ҳамчунин оид ба ҳамгироиҳои Тоҷикистону Чин  дар чаҳорчӯби Созмони ҳамкории Шанхай ва дигар ташкилотҳои байналмилалӣ гуфтугӯ намуданд.
Баъди анҷоми мулоқот дар ҳузури Президенти Ҷумҳурии Тоҷикистон Эмомалӣ Раҳмон миёни Тоҷикистону Чин 6 санади ҳамкорӣ ба имзо расид:
Созишнома миёни Вазорати энергетика ва саноати Ҷумҳурии Тоҷикистон ва Ҷамъияти саҳомии кушодаи «ТВЕА»-и Ҷумҳурии Мардумии Чин дар бораи сохтмони Нерӯгоҳи барқи обии «Нуробод – 1»  дар дарёи Хингоби Ҷумҳурии Тоҷикистон;
Созишнома миёни Вазорати энергетика ва саноати Ҷумҳурии Тоҷикистон ва Ҷамъияти саҳомии кушодаи «ТВЕА»-и Ҷумҳурии Мардумии Чин дар бораи сохтмони маркази барқу гармидиҳӣ дар шаҳри Душанбе;
Созишнома миёни Академияи илмҳои Ҷумҳурии Тоҷикистон ва Раёсати илм ва техникаи ноҳияи мухтори Синзян-Уйғури Ҷумҳурии Мардумии Чин;
Созишнома оид ба ҳамкорӣ миёни Вазорати энергетика ва саноати Ҷумҳурии Тоҷикистон ва ширкатҳои «Байналхалқии Тачин оид ба захираҳои моддии СУАР»  ва «Сан Бао»-и Ҷумҳурии Мардумии Чин оид ба сохтмони як корхонаи сементбарорӣ бо иқтидори солонаи 1 миллион тонна; Ёддошти тафоҳум дар бораи таъсиси зеркомиссия миёни Ҷумҳурии Тоҷикистон ва ноҳияи мухтори Синзян - Уйғури Ҷумҳурии Мардумии Чин дар назди комиссияи муштараки Ҷумҳурии Тоҷикистон ва Ҷумҳурии Мардумии Чин оид ба ҳамкориҳои тиҷоратию иқтисодӣ;
Қарордод миёни ШСХК «Барқи тоҷик» ва Ҷамъияти саҳомии кушодаи «ТВЕА»-и Ҷумҳурии Мардумии Чин дар бораи ҳаҷми иловагии корҳо доир ба сохтмони хатҳои барқии 220- киловолтаи Лолазор – Хатлон ва 500- киловолтаи Ҷануб – Шимол.
Ҳамчунин иттилоъ дода шуд, ки имрӯз аз ҷониби ин ҳайат ба Тоҷикистон ба маблағи 1 миллиону 580 ҳазор юани чинӣ таҷҳизоти барқии офтобӣ ва фурӯзонакҳои каммасрафи барқӣ тӯҳфа гардид.
Аҳамияти санадҳои баимзорасида ва дурнамои ҳамкориҳои Тоҷикистону Чин басо пурсамару умедбахш маънидод гардид.
Иттилоъ дода шуд, ки асоснокии техникию иқтисодии лоиҳаи Нерӯгоҳи барқи обии «Нуробод –1», ки иқтидори лоиҳавиаш 350 мегаватт  мебошад, омода аст ва сохтмонаш соли оянда бояд оғоз ёбад. Барои сохтмони он ҷудо гаштани 560 миллион доллар дар назар аст.
Сохтмони маркази барқу гармидиҳии ҳароратӣ дар шаҳри Душанбе, ки иқтидораш 200 мегаватт  хоҳад буд, бояд аз он ҳам пештар оғоз ёбад  ва маблағи сохтмони он 400 миллион долларро ташкил хоҳад дод.
Барои корҳои иловагии сохтмони хатҳои барқии 220- киловолтаи Лолазор - Хатлон ва 500- киловолтаи Ҷануб - Шимол боз 61 миллион доллар ҷудо мегардад.
51 миллион доллари дигар барои азнавсозии роҳи мошингарди Душанбе - Данғара ҷудо мешавад, ки он марҳилаи якуми сохтмон ва азнавсозии роҳи Душанбе-Данғара-Кӯлоб-Қалъаи Хумб-Хоруғ-Кулма-Қошғар мебошад.

Сешанбе, 9 июни  соли  2009. № 75 (21 582). Соли 85-уми нашр


Баёни ақида (0)    Санаи нашр:    №:    Мутолиа карданд: 625

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед