logo

иқтисод

АЗ ПОЙГОҲИ ФАРСУДА ТО НАЗОРАТИ СУСТИ СИФАТ

БОЗ ДАР БОРАИ СИФАТИ ТУХМӢ
- Фаровонии ҳосил аз навъи тухмӣ вобастагии калон дорад. Мутаассифона, мушкилиҳо дар ин самт, аз қабили норасоии навъҳои хушсифати зироатҳои кишоварзӣ (пахта, ғалладона, лӯбиёгӣ, картошка, сабзавот, хӯроки чорво), фарсуда гардидани пойгоҳи моддӣ - техникии хоҷагиҳои тухмипарварӣ, суст ба роҳ мондани назорати сифат ва сертификатсияи тухмӣ ва норасоии мутахассисони варзида ҳанӯз зиёд ба чашм мерасанд, - гуфт Улуғбек Ҳотамов, директори иҷроияи Ассотсиатсияи тухмипарварони Тоҷикистон.
Аз соли 2012 ассотсиатсия шарики барномаи GCP/TAJ/010/AUS «Беҳтар намудани дастрасии хоҷагиҳои хурди деҳқонӣ ба тухмии хушсифат дар Тоҷикистон» мебошад. Мақсади асосии барнома баланд бардоштани самаранокии иқтисодии хоҷагиҳои хурди деҳқонӣ дар Тоҷикистон бо роҳи дастрас намудани тухмии хушсифати навъҳои минтақабобгардида ва ояндадори гандум ва дигар зироатҳо аст.
Соли 2012  ассотсиатсия  55 хоҷагии хурди деҳқонии 3 шаҳру ноҳияи вилояти Хатлон - Кӯлоб, Муъминобод ва Шамсиддин Шоҳин (Шӯроободи собиқ) – ро барои ташкили қитъаҳои озмоишии навъҳои селексияи ватанӣ ва хориҷӣ, тақсимоти тухмии дорои сертификати гандуми навъҳои селексияи ватанӣ барои хоҷагиҳои хурди деҳқонӣ ва дар оянда такрористеҳсолкунии он дар доираи барнома ба миқдори 9,5 тонна навъҳои гандуми “Алекс”, “Садоқат”, “Сарвар” ва “Юсуфӣ” таъмин намуд.
Дар хоҷагии деҳқонии “Бобои Маҳмадӣ”- и ноҳияи Муъминобод ва “Шер Қурбон”- и ноҳияи Шамсиддин Шоҳин қитъаҳои озмоишии 8 навъи гандуми селексияи ватанӣ ташкил карда шуданд. Инчунин, дар зиёда аз 10 гектар қитъаҳои озмоишии хоҷагиҳои кооперативии ба номи Латиф Муродови шаҳри Ҳисор ва ба номи Мир Сайид Алии Ҳамадонии шаҳри Кӯлоб ҷиҳати тухмипарварии ибтидоӣ ва тухмиафзункунӣ навъҳои баландҳосили гандум коштанд.
Ҳоло 10 шаҳру  ноҳияи ҷумҳурӣ -  Ҳисор, Ваҳдат, Файзобод, Роғун, Нуробод, Рашт, Тоҷикобод, Кӯлоб, Муъминобод ва Шамсиддин Шоҳин ҳамчун ноҳияҳои пилотӣ қабул гардидаанд.
Ҳамзамон, барнома, талабот ва дархости хоҷагиҳои хурди деҳқониро ба тухмии зироатҳои лубиёгӣ, хӯроки чорво, хӯшадор, ғалладона, равғандиҳанда ва лундамева ба назар гирифта, 20 номгӯйи зироатҳои  зикргардидаро ба миқдори 4,3 тонна харидорӣ кард ва дар ноҳияҳои пилотӣ барои кишт дар қитъаҳои озмоишӣ ва тухмиафзункунӣ дастрас гардонд. Давоми солҳои 2012 - 2016 барои 1030 хоҷагии хурди деҳқонии 10 ноҳияи пилотӣ зиёда аз 217,4 тонна тухмии хушсифат гандум ва зироатҳои дигар дастрас ва барои кишт пешниҳод гардид.
Ассотсиатсия дар 14 қитъаи озмоишии навъҳои гандум ва 6 қитъаи озмоишии зироатҳои гуногун дар мавзӯъҳои “Истеҳсоли тухмии гандум”, “Муаррифии навъҳои гандум ва зироатҳои гуногун”, “Тарзи истифодабарии гербитсидҳо бар зидди алафҳои бегона дар киштзори ғалладона”, “Назорати сифат ва сертификатсияи тухмӣ” рӯзҳои саҳроӣ ва семинар - машваратҳо гузарондааст.
Дар чорабиниҳои мазкур зиёда аз 800 нафар деҳқон, мутахассис ва кормандоне, ки  дар соҳаи кишоварзӣ фаъолият менамоянд, донишу малакаи худро сайқал доданд. Тӯли 3 сол дар ноҳияҳои пилотӣ ҳосилнокии навъҳои пешниҳодгардида нисбат ба навъҳои маҳаллӣ вобаста ба навъҳо ба ҳисоби миёна дар ҳар гектар аз 10 то 15 сентнер баланд бардошта шуд.
- Ҳосили хубро танҳо аз тухмии баландсифат, он ҳам дар ҳоли риояи қоидаҳои агротехникии парвариш, интизор шудан имкон дорад, дар акси ҳол, аз тухмии пастсифат ҳосили хуб гирифта намешавад, - мегӯянд мутахассисони соҳа ва кишоварзони ботаҷриба.

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 17.03.2016    №: 53    Мутолиа карданд: 578

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед