logo

ҳуқуқ

Раҳмон Юсуф АҲМАДЗОД: «ГАРАВИДАН БА ҶАРАЁНҲОИ ИФРОТӢ НИШОНИ НОДОНИВУ ГУМРОҲИСТ»

Имрӯз терроризм ҳамчун вабои аср ба амнияти ҷаҳон ва ҳар як сокини сайёра таҳдид намуда, барои башарият хатари на камтар аз силоҳи ядроиро ба миён овардааст. Ин ҳолат аз мақомоти давлатӣ ва тамоми ҷомеаи кишвар андешидани тадбирҳои таъхирнопазирро баҳри пешгирии шомилшавии шаҳрвандони мо ба созмонҳои фаромиллии террористӣ тақозо менамояд. Аз ин рӯ, фаъолияти мақомоти ҳифзи ҳуқуқи кишвар, бахусус мақомоти прокуратура  ҷиҳати пешгирӣ, ошкор ва таҳқиқу тафтиши чунин ҳодисаҳо бояд беш аз пеш назаррас бошад. Маҳз дар ҳамин мавзӯъ хабарнигори рӯзнома бо Раҳмон Юсуф Аҳмадзод, Прокурори  генералии Ҷумҳурии Тоҷикистон, генерал -  лейтенанти адлия, мусоҳиб шуд, ки пешкаши хонандагони гиромӣ мегардонем.

- Аввалан мехостем анде-шаҳоятонро оид ба хатари афзояндаи терроризму экстремизми фаромиллӣ ва шомилшавии шаҳрвандонамон ба ҷараёнҳои ифротӣ ва роҳҳои пешгирии ин зуҳуроти номатлуб баён созед. 
-10 марти соли 2016 бо мақсади амалӣ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз  Паёми навбатиашон ба Маҷлиси Олии Ҷумҳурии Тоҷикистон аз 20 январи соли 2016 бармеоянд, ҷаласаи васеи Шӯрои ҳамоҳангсозии фаъолияти мақомоти ҳифзи ҳуқуқ баргузор гардида, дар он вазъи муқовимат ба шомилшавии шаҳрвандони Тоҷикистон ба созмонҳои террористию экстремистии фаромиллӣ мавриди баррасӣ қарор гирифт.
Бояд ёдовар шуд, ки моҳи апрели соли гузашта масъалаи мазкур дар ҷаласаи васеи Шӯрои ҳамоҳангсозии фаъолияти мақомоти ҳифзи ҳуқуқи ҷумҳурӣ аввалин маротиба муҳокима гардида, қарорҳои дахлдор қабул шуда буданд.  Аз ҷумла, дар асоси қарори шӯро Прокурори  генералӣ оид ба ташкилотҳои террористӣ эътироф намудани созмонҳои бо ном «Давлати исломӣ» ва «Ҷабҳат-ун-Нусра» ба Суди Олии Ҷумҳурии Тоҷикистон бо ариза муроҷиат намуд, ки он қонеъ гардида, фаъолияти созмонҳои номбурда дар Тоҷикистон манъ гардид. Ҳамчунин, барои пешгирӣ, ошкор ва таҳқиқу тафтиши самараноки ҳодисаҳои иштироки шаҳрвандони ҷумҳурӣ дар муҳорибаҳои ҷангӣ дар ҳудуди дигар кишварҳо Ситоди ягонаи ҷумҳуриявӣ таъсис дода шуд.Таҷрибаи қариб яксолаи фаъолияти ситод исбот намуд, ки қарори шӯро дар ин хусус дуруст ва саривақтӣ буда, таъсисёбии он ба куллан беҳтаршавии вазъи ҳамкориҳо ва ҳамоҳангии фаъолияти мақомоти ҳифзи ҳуқуқ дар ин самт мусоидат карда истодааст. Дар давоми фаъолияти худ ситод парвандаҳои зиёди ҷиноятиро оғоз карда, тафтиши онҳоро аз ҷониби мақомоти дахлдор таъмин намуд.
Гузашта аз ин, баъд аз таъсис додани ситод, дар натиҷаи ҷоннок гардидани ҳамоҳангии фаъолияти мақомоти таъқиби ҷиноятӣ, прокурорҳои шаҳру ноҳияҳо ва муфаттишони мақомоти амнияти миллӣ ва корҳои дохилӣ шумораи зиёди шахсони ба созмонҳои террористӣ шомилгардидаро ошкор ва нисбат ба онҳо парвандаҳои ҷиноятӣ оғоз намуда, мавриди тафтиш қарор доданд. Дар маҷмӯъ, аз чор се ҳиссаи ҳамаи парвандаҳои ҷиноятии дар ин самт оғозгардида ба давраи фаъолияти ситод рост меояд. Парвандаҳо нисбат ба 130 шахси ҷиноятсодиркарда, аз ҷумла нисбат ба 16 нафар ташвиқотчӣ, ки ба ҷалби шаҳрвандон ба созмонҳои террористӣ машғул буданд, ба судҳо ирсол гардида, қисми зиёди онҳо маҳкум шуданд. Нисбат ба айбдоршавандагони боқимонада тавассути Бюрои миллии марказии Интерпол кофтукови байналмилалӣ ба роҳ монда шуд.
Дар натиҷаи роҳандозии корҳои тарғиботию ташвиқотӣ 100 нафар  иштирокчии ин муқовиматҳо ва 47 нафар узви оилаҳои онҳо, ҷамъ 147 нафар, қисман бевосита аз минтақаҳои ҷангӣ ва қисман аз роҳи сафар ба кишварҳои хориҷӣ  ба Ватан баргардонда шуданд. Инчунин, сафари  34 шаҳрванди ҷумҳурӣ, ки мақсади иштирок дар муқовиматҳои ҷангиро доштаанд, дар ҳудуди Тоҷикистон пешгирӣ гардид.

- Ҷалби ҷавонон ба таълимоти ғайрирасмии динӣ дар хориҷи кишвар ва ба Ватан баргардондани онҳоро чӣ тавр арзёбӣ мекунед?
- Таҷриба нишон дод, ки ҷалби бархе аз ҷавонони Тоҷикистон ба таълимоти ғайрирасмии динӣ дар хориҷи кишвар чун қоида яке аз марҳалаҳои ибтидоии шомил намудани онҳо ба ташкилотҳои экстремистию террористӣ мебошад. Ҷавонон сараввал барои гирифтани таълимоти динӣ ба кишварҳои  хориҷӣ, бахусус давлатҳои Ховари Миёна сафар намуда, баъдан аз ҷониби эмиссарҳои ташкилотҳои террористӣ ба таълим дар марказҳои таълимии ҳарбӣ ҷалб гардида, ба амалиётҳои ҷангӣ дар сафҳои ташкилотҳои террористии «Давлати исломӣ», «Ҷабҳат-ун-Нусра» ва ғайра сафарбар мешаванд.
Вазорати корҳои хориҷӣ бо истифода аз имкониятҳои консулигариҳои худ дар хориҷи кишвар ба баргардондани шаҳрвандони мо мунтазам мусоидат намуда, дар як вақт ҷиҳати мушаххас намудани рӯйхати шаҳрвандони Ҷумҳурии Тоҷикистон, ки ба таври ғайрирасмӣ дар давлатҳои хориҷӣ ба таълимоти динӣ фаро гирифта шудаанд, корҳои зиёдеро анҷом додааст. Маҳз баҳри пешгирии чунин ҳолатҳо аз соли 2010 то инҷониб бо кӯшишҳои Ҳукумати Ҷумҳурии Тоҷикистон аз муассисаҳои таълимии динии ғайрирасмии давлатҳои хориҷӣ зиёда аз се ҳазор шаҳрванди Тоҷикистон баргардонда, ба кору таҳсил фаро гирифта шуданд. 
 
- Чуноне ки маълум аст, гурӯҳҳои ифротию террористӣ ҷавонони содаю  гумроҳ ва бехабар аз арзишҳои дини мубини Ислом, бахусус бархе аз муҳоҷирони меҳнатиро ба сафҳои худ даъват менамоянд. Бигӯед, ки дар ин самт аз тарафи мақомоти ҳифзи ҳуқуқ чӣ тадбирҳо андешида шудааст?
  -Таҳлилҳо нишон медиҳанд, ки аксари шаҳрвандон, ки дар ҷангҳои кишварҳои хориҷӣ иштирок доранд, аз рӯи синну сол ҷавон  буда, оид ба арзишҳои умумибашарии дини мубини Ислом маълумоти кофӣ  надоранд ва   маҳз  ҳамин ҳолат боиси фирефта шудан ва ба доми созмонҳои террористӣ  афтодани  онҳо  шудааст. Имрӯз гурӯҳҳои ифротию террористӣ барои даъват ва ҷалби шаҳрвандон ба сафҳои худ роҳу усулҳои нав ба навро истифода мебаранд. Аз ҷумла, шабакаи радиоии интернетии «ZELLO» аз ҷониби созмони террористии «Давлати исломӣ» ва дигар гурӯҳҳои ифротӣ фаъолона истифода бурда мешавад. Барои мисол, шаҳрвандони Тоҷикистон Қудратулло Мусулмонов ва Диловар Файзалиев  ҳамчун  муҳоҷири меҳнатӣ дар Федератсияи Русия  қарор дошта, моҳҳои июн - декабри соли 2015 тавассути баромадҳо дар шабакаи «ZELLO» ба даъват намудани  шунавандаҳо ба «ҷиҳод» дар сафи «Давлати исломӣ» машғул шудаанд. Онҳо дар натиҷаи гузарондани чорабиниҳои оперативӣ-ҷустуҷӯӣ дастгир гардиданд.
Маълумоти мавҷуда аз он шаҳодат медиҳанд, ки 85 дарсади тоҷикистониёни дар муҳорибаҳои мусаллаҳонаи кишварҳои хориҷӣ иштироккунанда собиқ муҳоҷирони меҳнатие мебошанд, ки аз ҳудуди Федератсияи Русия ба ин давлатҳо рафтаанд. Ин ҳолат ба таври ҷиддӣ ба роҳ мондани корҳои фаҳмондадиҳӣ ва пешгирикунандаро дар байни муҳоҷирони меҳнатӣ бо ҷалби ҷамъиятҳои тоҷикон дар ин кишвар тақозо менамояд.  Аз ҷумла, муайян карда шуд, ки шаҳрванд Абдурасул Аҳмадов бо ҳамдеҳагонаш   А. Сатторов ва  Д. Тоҳиров моҳи майи соли гузашта дар шаҳри Маскав  бо даъвати Илёс Малабоев, ки ҳамчун аъзои ташкилоти террористии «Давлати исломӣ» дар кофтукови расмӣ қарор дорад, ба сафи ин созмон  шомил гардиданд.  И. Малабоев ба онҳо таъкид кардааст, ки барои ҷиҳод иштирокашон дар задухӯрдҳои мусаллаҳонаи Сурия ҳатмӣ набуда, метавонанд дар ҷойи истиқоматӣ ҳамдеҳагонашонро ба ҷиҳод даъват намоянд. Сипас, онҳо моҳи сентябри соли 2015 ба ҷойи истиқоматашон баргашта, дар масҷиди панҷвақтаи ба номи «Абузари Ғифорӣ» - и Ҷамоати деҳоти Ҳаёти нави ноҳияи Ҷаббор Расулов якҷо бо А. Сатторов, имом-хатиби масҷиди номбурда, ба ташвиқу тарғиби ғояҳои ҷиҳодӣ ва даъвати ҳамдеҳагонашон барои иштирок дар ҷангҳои Сурия  машғул шудаанд. Онҳо дастгир ва нисбаташон парвандаҳои ҷиноятӣ оғоз шуданд.
Аз ин лиҳоз, мо тасмим гирифтем, ки фаъолиятро дар ин самт боз ҳам ҷоннок ва бо дигар мақомоти ҳифзи ҳуқуқ ҳамоҳанг сохта, баҳри пешгирӣ ва паст кардани шиддати шомилшавии шаҳрвандони ҷумҳурӣ ба ҳизбу созмонҳои байналмилалии террористӣ ва экстремистӣ чораҳои иловагӣ андешем. Зеро гаравидан ба ҷараёнҳои ифротӣ нишони нодониву гумроҳист. Дар ин раванд тавсеаи фаъолияти мақомоти ҳифзи ҳуқуқ дар пешгирии шомилшавии шаҳрвандон ба равияи динии «Салафия», ки бо ҳалномаи Суди Олии Ҷумҳурии Тоҷикистон, аз 8 декабри соли 2014,  ҳамчун ташкилоти экстремистӣ эътироф гардида, фаъолияти он дар қаламрави Ҷумҳурии Тоҷикистон манъ шудааст, дар назар аст. Зеро фаъолияти ифротии пайравони ин ҷараёни экстремистӣ боиси ҷудоиандозӣ ва ба миён овардани низоъҳои диниву мазҳабӣ дар мамлакат гардида истодаанд.
Бояд хотирнишон намуд, ки даъват ба «ҷиҳод» яке аз мақсадҳои меҳварии «Салафия» буда, бештари шаҳрвандони Ҷумҳурии Тоҷикистон, ки ба гурӯҳи «Давлати исломӣ» шомил шуда, дар Сурия ва Ироқ бар зидди қувваҳои ҳукуматӣ меҷанганд, аввал ба ҷараёни динии «Салафия» гаравидаанд. Бо дарназардошти ин ҳолат, дар ҷаласаи 10 март баргузоршудаи Шӯрои ҳамоҳангсозии фаъолияти мақомоти ҳифзи ҳуқуқи ҷумҳурӣ аз прокуророн ва намояндагони мақомоти ҳифзи ҳуқуқ талаб карда шуд, ки фаъолиятро дар самти мубориза бо амалҳои ҷинояткоронаи пайравони ин равияи экстремистӣ низ ба таври зарурӣ ба роҳ монанд.

Мунаввари САФАР,
 “Ҷумҳурият”


Баёни ақида (0)    Санаи нашр: 17.03.2016    №: 53    Мутолиа карданд: 1563

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед