logo

фарҳанг

АЗ «ҲАФТСИН» ТО «ОЛАМИ РӮШНОӢ»

Ҳеҷ ҷашне чун Наврӯз собиқаи зиёд надорад. Вожаи зебои «Наврӯз» бе тағйир ба дигар забонҳо низ гузаштааст. Он  дар Тоҷикистон ва дигар кишварҳои гуногуни олам таҷлил мегардад ва ҳам бо вижагиҳои худ фарқ мекунад, ки чунин аст.

АФҒОНИСТОН
Дар Балхи Афғонистон, ки аз шаҳрҳои бостонӣ аст, наврӯзро чил рӯз ҷашн мегиранд. Мардум ба зиёрати маконҳои муқаддас мераванд.
Дар ин вақт теппаҳо чун саросар лолапӯш мешаванд, Наврӯз бо номи «Иди гули сурх» низ шуҳрат ёфтааст.
Аз расму ойинҳои ин ҷашн аст, ки ба навхонадорон ҳадяи наврӯзӣ бидиҳанд. Ороиши дастархони «ҳафтсин» ҳатмӣ мебошад.
Расм аст, ки дар оғози Наврӯз парчами наврӯзиро боло бинамоянд ва дар анҷоми он поён бифароранду то ба Наврӯзи дигар хуб нигоҳдорӣ бикунанд.

ПОКИСТОН
 «Олами рӯшноӣ» номи рӯзи аввали Наврӯз дар ин кишвар аст. Баргузории шабҳои шеър ва рақси самоъ ҷашни наврӯзиро шукӯҳи тоза мебахшад. Дар ин кишвар он бо ду ном: «Ҷашни гули сурх» ва «Иди Наврӯз», ки дувумӣ бо ин ном дар тақвим навишта мешавад, шуҳрат дорад.
Ба зиёрати оромгоҳи пайвандону дӯстон мераванд. Ва ҳам расм аст, ки ба аёдати наздикон бираванд.
Кӯдаконро бо додани ҳадяҳои наврӯзӣ шод месозанд.

ЭРОН
Наврӯз чун оғози рӯзи наву Соли нав бо шукӯҳ ва муҳаббату самимияти хоса дар ин кишвар таҷлил мегардад.
Аз муҳимтарин суннатҳо ва ойинҳои наврӯзӣ ба бар кардани либосҳои наву тоза мебошад. Маросими «Ҷашни некукорӣ» - ро доир мекунанд.
Наврӯз дар Эрон 13 рӯз идома меёбад. Дар ин айём расм аст, ки идонаи кормандонро бо пули коғазии нав бидиҳанд.

ОЗАРБОЙҶОН
Наврӯз, ки аз ҷашнҳои суннатӣ, миллӣ ва мардумӣ дар ин кишвар маҳсуб меёбад, ҳамасола се рӯз: аз 20 - ум то 23 - юми март таҷлил мешавад.
«Ҷашни Наврӯз» номи китобест, ки он аз шуҳрати хоса дар миёни мардум бархӯрдор аст ва бас азиз ба шумор меравад. Оростани дастархони наврӯзӣ ҳатмист. Мардум дар ин рӯзҳо дуову муноҷот менамоянд. Сурудҳо мехонанд, ки ба рафтани зимистон ва омадани Наврӯзу баҳор алоқаманданд. Яке аз ин таронаҳо бо номи «Бирав, бирав» шуҳрати хоса дорад. Дар он одамӣ ба моҳи осмон хитоб мекунад, ки биравад, агар гӯш надиҳаду наравад, ҷазо мегирад. Пас аз он бо муроҷиат ба офтоб хитоб мекунанд, ки бибарояд, рух бинамояд. Чизи дигари ҷолиб ин аст, ки тирезаҳои хона кисаҳо ё худ ҳамёнҳои холӣ ва бар дарҳо кулоҳ мегузоранд. Ин амал ба хотири дарёфти ҳадяи идӣ мебошад.

ҚИРҒИЗИСТОН
Наврӯз бо тобиш ва ҷилваҳои тозаи худ фарқ мекунад.
Таҷлили Наврӯз дар Қирғизистон як рӯз сурат  мегирад, яъне аз субҳ то ғуруби офтоб.
Кӯчаҳо ва хонаҳоро ороиши идона медиҳанд. Навъҳои гуногуни хӯрокиҳои наврӯзӣ омода мекунанд. Дар деҳаҳо ин ғизоҳои ҷашнӣ барои мардум, иштирокдорони ҷашн ройгон мебошад.
Расм аст, ки ба ин ҷашни фархунда мардум бо либосҳои миллӣ ширкат варзанд. Инчунин, бояд бо силоҳҳои қадимӣ ҳозир бишаванду дар кӯчаҳо гардиш бикунанд.

ҚАЗОҚИСТОН
Дар ин кишвар Наврӯз 22 - юми март дар сатҳи баланд ҷашн гирифта мешавад. Барои таҷлили Наврӯз мардум ба идгоҳ бо либосҳои махсуси идонаи миллӣ ташриф меоранд. Дар Қазоқистон аз расму ойини ин ҷашни бошукӯҳ аст, ки суманакро дар ҳафт зарфи сафед ба мардум пешниҳод намоянд.
Расми дигари ҷолиб ин аст, ки дар девори хонаҳо шабеҳи офтоб доира бикашанд. Дар ин рӯз мусобиқаҳои аспдавониро доир мекунанд.
Аз суханон ва боварҳои мардуми қазоқ аст: «Наврӯз - рӯзест, ки онро тамоми сол интизорӣ мекашидем», «Наврӯз - рӯзест, ки замин пур аз хайру эҳсон мегардад», «Наврӯз - рӯзест, ки дар он ҳазрати Хизр дар даштҳо роҳ меравад». Шаби Наврӯз дар ин ҷо унвони «Хизр» - ро дорад.

ТУРКМАНИСТОН
Наврӯз дар ин кишвар пеш аз Истиқлолияти давлатӣ низ бо шукӯҳ таҷлил мегардид. Дар Наврӯз мардум расман ба таътил мебароянд.
Эҳтирому эътиқоди кишоварзони назди дарёи Ому ба ин ҷашн ва рӯзи фархунда махсус аст. Дар ин рӯз дар баъзе аз навоҳӣ ба зиёрати маконҳои муқаддас мераванд.
Наврӯз дар ин кишвар 20 март таҷлил мегардад. Бо амри Президенти мамлакат ин рӯз - Рӯзи зан эълон шудааст.
«Фол бо пиёла» аз маросимҳои  наврӯзӣ мебошад, ки онро дар маҳфилҳои духтарон доир мекунанд.
Ҳозиркунандаи чоп А.РАҲИМ, «Ҷумҳурият» 


Баёни ақида (0)    Санаи нашр: 19.03.2016    №: 55    Мутолиа карданд: 607

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед