logo

иҷтимоиёт

ҚОНУНИ ТАНЗИМ ВА БЕНИЗОМӢ ДАР ФАЪОЛИЯТИ САРОЯНДАҲО

Риоя намудани қонунҳои давлат рисолати ҷонии ҳар шаҳрванд ва сокини кишвар аст. Мақсад аз таҳияи Қонуни Ҷумҳурии Тоҷикистон «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» низ, ки соли 2007 рӯи кор омадааст, ҳимояи манфиатҳои иҷтимоии мардуми Тоҷикистон, мусоидат барои паст кардани сатҳи камбизоатӣ ва гирифтани пеши роҳи харҷи зиёдатиест, ки ба манфиатҳои иқтисодӣ ва фазои маънавии ҳаёти шаҳрвандон зарари ҷиддӣ ворид менамоянд. Ҳамчунин, қонун барои таъмини ҳуқуқу озодиҳои шаҳрвандон ва тартиботи ҷамъиятӣ равона карда шудааст.

Дар баробари дигар модда ва бандҳо, ки тӯю маърака ва ҷашнҳои миллиро ба тартиб медароранд, дар моддаи 14 - и ин қонун омадааст, ки хизматрасонии ҳунармандон дар тӯю маъракаҳо дар асоси шартномаи тарафайн бо риояи санадҳои меъёрии ҳуқуқии Ҷумҳурии Тоҷикистон ҷараён мегирад.
Мақсад аз бастани шартномаи мазкур талаб кардани ҳаққи хизмат ва пардохти андоз барои сарояндагон аст, зеро солҳои пеш ҳунармандон аз ҳаққи хизмат ба давлат андоз намесупориданд.
Бояд зикр кард, ки аз рӯзи дар амал ҷорӣ гардидани  қонун раванди ҷашну маросимҳои миллӣ ба танзим даромада, исрофкорӣ ҷиддан коҳиш ёфтааст. Ин иқдоми нек мардумро ҳушдор дод, ки харҷи зиёд ба иқтисодиёти оилаи онҳо зарбаи беамон хоҳад зад. Ҳарчанд масъулон, хусусан кормандони Кумитаи оид ба корҳои дин, танзими анъана ва ҷашну маросимҳои миллӣ пайваста перомуни риояи қонун, пешгирии исрофкорӣ, тӯйҳои бодабдаба ва тақлидкоронаи аҳолӣ назорат мебаранд, мутаассифона, то ҳол камбудиҳо ҷой доранд ва ашхоси алоҳида бо ҳар роҳу восита аз риояи талаботи қонун сарпечӣ мекунанд.
Нодида гирифтани талаботи қонуни танзим, хусусан истифодаи фонограмма ва набастани шартномаи тарафайн дар ҷашнҳо аз ҷониби овозхонҳои номдор ҳам мушоҳида мешавад. Вале на ҳамаи қонуншиканон ҷазои сазовор мегиранд.
Бино ба маълумоти Файзигул Юсуфова, сухангӯи Кумитаи оид ба корҳои дин, танзими анъана ва ҷашну маросимҳои миллӣ, соли гузашта ва аввали соли ҷорӣ як қатор сарояндагони маъруф барои риоя накардани қонуни танзим ҳар кадоме на камтар аз 4000 сомонӣ ҷарима супурдаанд.
Файзигул Юсуфова сабаби ба қонуншиканӣ роҳ додани сарояндагони маъруфи кишварро ҳисси бемасъулиятӣ ва сарфи назар кардани талаботи қонун арзёбӣ кард.
Надоштани иҷозатномаи хизмат-расонӣ барои баъзе сарояндагон роҳи гурез аз супоридани андоз унвон мешавад. Яъне бисёри онҳо намехоҳанд аз даромади худ, ки аз як тӯй 3 – 4 ҳазор сомониро ташкил медиҳад ба давлат андоз супоранд. Ин кирдор бояд чунин ҳунармандонро ғарқи андеша созад, зеро то ба кай бо роҳи пинҳонкорӣ зиндагии худро пеш мебаранд?
Раҷабалӣ Одилов, овозхоне, ки дар тӯйҳо баромад мекунанд, вобаста ба мавзӯи матраҳшуда аз гаронии нархи патент, чунин ибрози ақида кард: «Бояд нархи иҷозатнома барои ҳамаи овозхонҳо баробар набошад, зеро ҳунармандони маъруф бо маблағи калон ба тӯй дархост мегиранду нархи кирои хизмати мо камтар, аммо андоз баробар аст».
Ба қавли Р. Одилов бояд байни овозхонҳои машҳур ва миёна фарқи супоридани андоз ҷой дошта бошад.
Искандар Султонов, сухангӯи нозироти андози вилояти Хатлон, оид ба нархи патент барои овозхонӣ чунин гуфт: «Гирифтани патенти овозхонӣ вобаста ба минтақа сурат мегирад, масалан дар шаҳри Қӯрғонтеппа иҷозатномаи якмоҳа 728 ва дар баъзе ноҳияҳо то 645 сомониро ташкил медиҳад. Ҳамчунин, ӯ зикр кард, ки барои ҳамаи овозхонҳо андози якхела қабул шудааст.
 Ҳисси баланди масъулият обрӯю нуфузи ҳар ҳунармандро дар ҷамъият метавонад боло бурда бошад. Пас, чаро ситораҳои мо аз масъулияте, ки қонун муайян кардааст, саркашӣ мекунанд?
Лашкар ШАРИФ,
«Ҷумҳурият»


Баёни ақида (0)    Санаи нашр: 31.03.2016    №: 62    Мутолиа карданд: 626

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед