logo

фарҳанг

СУННАТИ МОНДАГОРУ ВАҲДАТГАРО

Наврӯз ҳамоҳангиҳои табиие дар миёни мардум ба вуҷуд оварда, ки  аз оғози пайдоиш то имрӯз одамон моҳияти онро дарк кардаанд  ва суннатҳои некашро пайравӣ намудаанд, ки  якеи он ваҳдати иқдом, амал ва андеша будааст.

Шояд муосирони мо бо ин ҳама созмонҳову дастгоҳҳое, ки дар сатҳи милливу ҷаҳонӣ барои наздиктар кардани дилҳо ва андешаҳои ақвому милал бо якдигар чораандешӣ доранд, беҳтар аз ҳар вақти дигаре зарурати  ҳифзи  ин расми куҳан  ва ҷаҳонӣ шудани онро эҳсос карда бошанд ва худро масъул  бубинанд, ки суннатҳои хуби наврӯзиро азиз шуморанд ва аз баракоти якрангиҳову созандагиҳои он фоида гиранд.
Воқеан ҳам, Наврӯз ҷашне табиист, ки  ҳеҷ гуна назари хосеро ба гурӯҳе ё миллату ҷомеае бор намекунад ва ҳеҷ ҳадафи мазҳабӣ, сиёсӣ ё иқтисодиву низомиеро дунбол намекунад. На кайфияте барои табақаи хос меофаринад ва на ба нажодеву расмеву ойине таҳдид меоварад. Барои Наврӯз сарватманду дорову нодор яке, пеш аз ҳама Инсон ҳастанд. Рӯҳи табақотӣ ва  тамоюли тафриқаангезӣ надорад. Ба ҷойгоҳи иҷтимоӣ, ҷоҳу ҷалол ва рангу пӯсти инсонҳо коре надорад. Ҳамаро як хел пазироӣ мекунад  ва башоратҳояш низ ҳақиқиву воқеӣ буда, мутааллиқ ба ҳамаи ақвому миллатҳост. Навидаш ҳамагонӣ ва ҳамасоз аст. Аз имрӯзу фардо сухан мегӯяд ва дар ҳамин равиш гузаштаҳоро ба ояндаҳо пайванд месозад. Ҳамчунон ки башарият асилтарин тасвири худро дар ойинҳои он бубинад ва бо расму ҳувияти ягонаи инсонӣ  ошно шавад.
Санадҳо гувоҳӣ медиҳанд, ки дар асрҳои  пеш аз таърих низ ин ҷашн ҷойгоҳи баланде дошта ва дар байни қавмҳои  ориёӣ ва ғайри  ориёӣ мавқеияти рафеъ ва ягона доштааст. Ин амр  дар таъкид ва таъйиди  эътибори  ҷаҳонии  Наврӯз аст, ки бо саъю талоши  Пешвои миллати мо Эмомалӣ Раҳмон   мартабаи ҷаҳонӣ гирифт.
Далели аслии умри тӯлонӣ ва мондагории Наврӯз, пеш аз ҳама, табиӣ будани он аст. Табиӣ будан омили аслии гароиши инсонҳо, сарфи назар аз мақому манзалати иҷтимоӣ, сиёсӣ ва табақотиашон, ба ин ҷашни дерсолу ҳамешаҷавон аст. Маҳз ҳамин далели табиӣ будан боис шуда, ки ҳеҷ гурӯҳи муайяне натавонистааст худро созанда ва пардозандаи Наврӯз эълом дорад. Ба ҳамин далел аст, ки дар дарозои таърих қавму миллатҳои зиёде ба он гароида, чун мероси фарҳангии худ азизаш доштаанд. Таваҷҷуҳи амиқи мардумони нимкураи шимолии замин, аз Чину Ҷопон сар карда, то баъзе кишварҳои Ғарб ба Наврӯз низ дар табиӣ будан ва тамоюли хоси милливу мазҳабӣ ва сиёсиву иҷтимоӣ надоштани он аст. Аз ин ҷиҳат, Наврӯз намудори як фарҳанги олии созанда ва мусоидатгар ба ҳамдигарфаҳмиву ваҳдати инсонҳост, новобаста  аз  қавму миллат аз мазҳабу тамоюлҳои иҷтимоиву сиёсиашон.
Солҳое, ки Наврӯзро манъ карданд, мардуми мо натавонистанд, балки далерӣ карданду нахостанд суннатҳои дигари наврӯзӣ - пок кардани муҳит, хонаву дар, пӯшидани рахти нав, рӯйи хон гузоштани гулу шириниву шарбат ва ғайраро фаромӯш кунанд. Ин русум, ки мероси рӯзгорони қадим аст, низ паём ва ормони пайвандгариву созандагӣ дорад ва инсонро ба доду диҳиш, сулҳу сафо, хушиву тандурустӣ, бахшояндагиву некухисолӣ  фаро мехонад.
Метавон хулоса кард, ки он чи ки суфраи ҳафтсину ҳафтшинро  фаро мегирад, рамзи расидан ба зиндагии шоиста, фаровон, бедарду ранҷ ва осудагиву бе нигаронӣ аст, ки ормони ҳамешагии инсонҳо аст.
Аз қаъри асрҳо то ба имрӯз зинда доштани расму оини созандаи Наврӯз  ва бо вуҷуди монеаҳои иҷборӣ  ҳифзи он барои имрӯзиёну фардоиён, гувоҳи талошу кӯшиши миллати мо дар ҳифзи  бунмояҳои фарҳанг асил аст.
 


Баёни ақида (0)    Санаи нашр: 1.04.216    №: 63    Мутолиа карданд: 570

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед