logo

иқтисод

ЧАРО ДАР ДЕҲОТ БИНОҲОИ БАЛАНДОШЁНА НАСОЗЕМ?

Ҳар сол бо қарорҳои Ҳукумати Ҷумҳурии Тоҷикистон дар миқёси кишвар ҳазорҳо гектар замин барои манзили истиқоматӣ ҷудо мегардад. Албатта, дар сурати  афзоиш ёфтани аҳолӣ, ин амал зарурист ва иқдоми Ҳукумати кишвар ва ғамхории беназири Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон ва кӯшиш дар ҳалли проблемаи манзил ва дастгирии аҳолӣ мебошад. Ҳарчанд ҷудо намудани  қитъаҳо барои манзили истиқоматӣ аз заминҳои обӣ манъ аст, аммо дар баъзе шаҳру ноҳияҳо бо баҳонаҳои асосноку беасос қитъаҳои ҳосилдеҳро ба эҳтиёҷмандон тақсим  мекунанд. Агар вазъи имрӯзаро бо даҳсолаҳои оянда муқоиса намоем, боз ҳам мураккаб гардидани масъалаи тақсими замин барои манзил равшантар мегардад.
Хуб аст, ки дар шаҳрҳои Душанбе, Хуҷанд, Қӯрғонтеппа, Кӯлоб, Хоруғ, Ваҳдату  Турсунзода Ҳисор ва ноҳияи Данғара шумори биноҳои баландошёна меафзояд. Бахусус,  дар Данғара 10 бинои 9-ошёна бунёд ёфта истодааст, ки баъди ба истифода супурдан дар онҳо 360 оила маскун мегардад. Ин иқдоми мақомоти иҷроияи маҳаллии ҳокимияти давлатии ноҳия на танҳо қобили қабул, балки дастгириву пайравӣ низ ҳаст.
Аз ин рӯ, суоле пеш меояд, ки чаро дар ҳама ҷо биноҳои баландошёна намесозем? Ба ин чӣ халал мерасонад? Дар ҷумҳурӣ деҳаҳои аҳолиаш 8 - 15 ҳазорнафара зиёданд. Ба ҷойи соле ба 50 - 60 оила қитъаи наздиҳавлигӣ додан, магар як-ду бинои  5 - 6 - ошёна сохтан ба мақсад мувофиқу роҳи ҳалли масъала нест?
Фикри хешро бо он тақвият бахшиданием, ки алҳол на ҳамаи мавзеъҳои барои ҷойи хона ҷудошуда барои аҳолӣ бо оби тозаи нӯшиданию корезӣ ва барқ таъминанд, аз  муассисаҳои таълимию тандурустӣ, фарҳангию варзишӣ ва маишӣ бархӯрдоранд. Ҳатто барои аҳолии маҳаллаҳои навбунёд роҳ сохта нашуда, чорво чарогоҳ надорад. 
Барои рӯшанӣ андохтан ба ин масъала ба Саидзода Нуралӣ Ғиёс, муовини аввали раиси Кумитаи меъморӣ ва сохтмони назди Ҳукумати ҷумҳурӣ, муроҷиат намудем.
- Алҳол ҷиҳати дар деҳот бунёд намудани биноҳои баландошёнаи истиқоматӣ аз лиҳози иқтисодӣ имкониятҳо чандон мувофиқ нестанд, - мегӯяд Саидзода Нуралӣ Ғиёс. - Зеро барои бунёди як ё ду иншоот маблағи зиёд сарф мешавад. Аммо ман сад дар сад ҷонибдори масъалагузории рӯзнома мебошам. Бояд деҳоти мо ҳам мисли шаҳракҳои кишварҳои пешрафта бо тамоми шароити маишию фарҳангӣ таъмин бошанд. Замин ба аҳолӣ танҳо барои зироаткорӣ дода шавад. Агар имкон даст диҳаду мо гирду атрофи шаҳрҳои калон ва маҳалҳои аҳолинишинро навсозӣ намоем, дар ҳар деҳа ва атрофи шаҳрҳо даҳҳо гектар замини пурсахо холӣ мешавад, ки дар онҳо боғу гулгаштҳо, варзишгоҳҳо, муассисаҳои таълимию тандурустӣ ва фарҳангию маишӣ бунёд кардан мумкин аст.
Алҳол дар Кумитаи меъморӣ ва сохтмони назди Ҳукумати кишвар оид ба ин масъала тадбирҳо андешида, нақшаҳои ҷолиб тарҳрезӣ карданианд. Бояд зикр кард, ки тақозои замон масъулони бахши меъморӣ ва сохтмони шаҳру ноҳияҳоро муваззаф месозад, ки онҳо низ оид ба ин проблема чораҷӯйи намоянд, зеро бунёди биноҳои баландошёна дар шаҳраку деҳот як намуди кушоиши кор ва ҳалли масъала мебошад, - гуфт дар хотимаи суҳбат Саидзода Нуралӣ Ғиёс.
Аз идора.  Проблемаи манзил  дар ҷумҳурӣ аз масъалаҳои доғ аст. Аз ин рӯ, мебояд мақомоти иҷроияи маҳаллии ҳокимияти давлатии шаҳру ноҳияҳо ҳангоми тақсими замини наздиҳавлигӣ, сари ин масъала низ андеша намоянд.  
Мирзои ФИРӮЗ,
 “Ҷумҳурият”


Баёни ақида (0)    Санаи нашр: 1.04.216    №: 63    Мутолиа карданд: 497

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед