logo

иқтисод

БОҒДОРӢ ДАР КӮЛОБ. КАМБУДИҲО ҲАНӮЗ ЗИЁДАНД

Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон  17 феврал  дар атрофи Қасри миллат бо дасти худ чанд бех ниҳол шинонд ва расонаҳо инро оғози маъракаи ниҳолшинонӣ  арзёбӣ карданд.
Бунёди боғ, ниҳолшинонӣ, парвариши зироат, хулоса кишоварзӣ ва кори деҳқонӣ, ки на танҳо манфиат,  балки подоши  бузург ҳам дорад. Аз ҳосили дасти деҳқон на танҳо одамон, балки парандагону ҳайвонот ҳам манфиат мебаранд.

Имрӯз қадру қимати замин ва кишоварз бамаротиб боло рафтааст. Ин пеш аз ҳама бозгӯи  сиёсати дурусти аграрӣ, таваҷҷуҳи беандоза ва таъкидҳои ҳаррӯзаи Сарвари давлат ва  Ҳукумати кишвар  оид ба  беҳтар кардани соҳа ва пуштибонии ӯ аз марди деҳқон аст. Хусусан солҳои охир соҳаи кишоварзӣ, аз ҷумла боғдорӣ авҷи тоза пайдо кард.
Дар ноҳияҳои минтақаи Кӯлоби вилояти Хатлон дар ин самт корҳои зиёде идома дошта бошад ҳам, лекин он ҳанӯз нокифоя мебошад. Аз беназоратии мақомоти дахлдор  ҳанӯз ҳам маҳсулоти пастсифати   хӯрока аз хориҷи кишвар, ба мисли давлатҳои Чину Эрон ва Покистон ворид шуда истодаанд, махсусан, маҳсулоти воридотии кишоварзӣ, аз қабили картошка ва меваҳои гуногун. Онҳо пастсифату дурага ва маводи химиявии таркибашон зиёд буда,  ба саломатии шаҳрвандон зараровар мебошанд. Бино ба гуфтаи мутахассисону олимони соҳаи тибби кишвар, омилҳои зикршуда боиси хуруҷи бемориҳои  фарбеҳшавӣ, фишорбаландӣ, дил, қанд, сироятӣ ва ғайра мегарданд.
Агар мо имрӯз ба қадри он ғамхорию дилсӯзие, ки  Президенти ҷумҳурӣ  муҳтарам Эмомалӣ Раҳмон нисбат ба кишоварзон дорад, нарасем ва  дар пайи бартараф кардани камбудиву норасоиҳои соҳаи кишоварзӣ набошем, фардо дер хоҳад шуд.
Ҳоло дар боғи ботаникии шаҳри бостонии Кӯлоб  зиёда аз ҳазор бех ниҳоли дарахтони мевадиҳанда шинонда шуда, бунёди боғи интенсивӣ оғоз ёфтааст. Мутаассифона, рушди соҳаи кишоварзӣ,  бахусус боғдорӣ дар минтақаи Кӯлоб нисбат ба дигар минтақаҳои ҷумҳурӣ суст аст. Бо худтаърифкуниҳои зиёд, бо ҳисобот  ва  нишондиҳандаҳои  болои  коғаз  Ватан обод нахоҳад гашт. Деҳқон бояд дарк созад, ки замин дар дасти худи мост, ончи кишт мекунем, азони мост ва ҳосили онро касе аз мо нахоҳад ситонд. Деҳқон бояд роҳҳои пурсамар истифода бурдани замин ва рӯёндани ҳосили хубро ҷустуҷӯ намуда, дар фикри ободии бештари оила ва диёри худ бошад. Зироатеро парвариш кунад, ки нафъи бештар медиҳад. 
Ҳамчун мутахассис,  корманди таҷрибадори  соҳаи агросаноатӣ боғдориро дар минтақаи Кӯлоб  бахши сердаромад медонам. Таҷриба нишон дод, ки боғҳои бунёдкардаи  деҳқонон дар заминҳои хоҷагиҳои деҳқонӣ нисбат ба заминҳое, ки ба парвариши зироат машғуланд, даҳҳо маротиба фоидаи зиёдтар меорад.
Хоҷагиҳои деҳқонии минтақаи Кӯлоб  имрӯз дар боғҳое, ки бунёд кардаанд, аз се ҷиҳат фоидаи соф ба даст меоранд. Аввал, ҳосил аз дарахтони мевадиҳанда, дувум ҳосил аз кишти картошка ва дигар зироатҳо, ки дар байни қатори дарахтон кошта мешавад ва сеюм дарахтони бесамар (ар – ар, сафедор ва бед), ки дар атрофи замин парвариш ёфта, ҳамчун маводи сохтмон ва захираи ҳезум дар фасли сармо ба кор меоянд. Аз ин рӯ, ин, деҳқони асил бояд таҷрибаю малакаи худро ба дигарон омӯзонда, барои рушди соҳаи кишоварзӣ, аз ҷумла боғдорӣ саҳми худро гузорад.
Албатта, дар ин самт монеа ва мушкилот кам нест. Масалан, дар бархе аз ҷамоатҳои деҳот боғдорӣ фаъол набуда, мушкилӣ аз тарафи баъзе раисони хоҷагиҳои  коллективии ноҳияҳо, ки худро ҳокими мутлақи замин медонанд, эҷод  мешавад. На ҳама соҳибони замини  хоҷагиҳои инфиродӣ деҳқони асиланд. Онҳо ба даромади бештар аз замин эҳтиёҷ надоранд. Инчунин дар ягон ноҳия муассисаи муҷаҳҳазе, ки ба боғдорон дар вақти мубориза бо ҳашарот ва касалиҳо кумак расонад, вуҷуд надорад. Деҳқон ҳангоми ҷамъоварӣ ҳосили зиёди меваро бо сабаби вуҷуд надоштани корхонаи коркарди мева аз даст медиҳад.
 Хулоса, камбудию норасоӣ ва монеаю мушкилиҳо дар кори кишоварзони минтақа, хусусан дар самти боғдорӣ, хеле зиёданд. Деҳқонони асил умед бар он мебанданд, ки  Барномаи  рушди боғутокпарварӣ барои солҳои 2016 – 2020, ки аз ҷониби Ҳукумати кишвар ба тасвиб расидааст, барои  бунёди боғу токзори нав дар заминҳои обӣ ва талу теппаҳои ноҳияҳои минтақаи Кӯлоби вилояти Хатлон, такони ҷиддӣ хоҳад бахшид.
Шарифхон ТИЛЛОЕВ,
рӯзноманигор


Баёни ақида (0)    Санаи нашр: 2.04.2016    №: 64    Мутолиа карданд: 459

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт

Ҷаҳон дар як сатр

МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон


Дар сомонаҳои дигари Тоҷикистон хонед