logo

иқтисод

ҲАМОИШИ СОҲИБКОРОНИ ТОҶИКУ ҲИНДУ

Дар ҳамоиши соҳибкорони тоҷику ҳинду, ки бо ташаббуси Палатаи савдо ва саноати кишвар ва Конфедератсияи саноати Ҷумҳурии Ҳиндустон, дар меҳмонхонаи «Шератон» - и пойтахт доир гашт, дар баробари тасвиби созишномаҳои  ҳамкориҳои тиҷоратӣ ва иқтисодӣ масъалаи омодасозии кадрҳои соҳа низ баррасӣ гардид.
Ҷонибҳо зикр намуданд, ки наздики бист сол боз  ҳамкориҳои иқтисодию тиҷоратии  ду кишвари ба ҳам дӯст  рушд меёбанд ва дар ин замина барномаҳои зиёд дар бахшҳои гуногун амалӣ шудаанд. Имрӯзҳо  зарурати тайёр намудани мутахассисони баландихтисосе, ки бахшҳои барои ду кишвар афзалиятнокро дар сатҳи олӣ донанд, ба миён омадааст. Агар  мутахассисони баландихтисос барои  ба роҳ мондани фаъолияти муштарак дар  самтҳои дорусозӣ, кишоварзӣ, сайёҳӣ, гидроэнергетика, коркарди маъданҳои кӯҳӣ, саноати сабук ва ғайра ҷалб шаванд, равобити иқтисодии ду мамлакат боз ҳам густариш хоҳад ёфт.
Ба гуфтаи Матхун Рагхвата, иҷрокунандаи вазифаи сафири Ҷумҳурии Ҳиндустон дар Тоҷикистон, ҳарчанд муносибатҳои иқтисодӣ рӯ ба пешравианд, лек бархе соҳибкорон доир ба  имконоти якдигар маълумоти кофӣ надоранд. Ҳоло роҳбарияти кишварҳо барои ташкили идораи махсуси танзим ва ҷалби шарикони ҳамкор кӯшиш доранд.  Набудани роҳи нақлиёт байни ду кишвар низ дар ин самт  садди пешравиҳо гардидааст. Бо афзудани шумораи  ширкатҳои муштараки истеҳсолӣ ва савдо байни ду давлат ин камбудӣ аз байн хоҳад рафт. 
Зикр гашт, ки заминаи ҳамкории соҳибкорони  Ҳиндустон бо ҳамтоёни тоҷикашон,  хусусан дар самтҳои тиҷорат ва илмӣ - техникӣ солҳои охир хеле мустаҳкам гардидааст.  Ширкатҳои  истеҳсолии мамлакати номбурда омодаанд дар минтақаҳои озоди иқтисодӣ фаъолияташонро ба роҳ монанд. Дар вохӯрии соҳибкорон  масъалаи кори муштараки онҳо  дар минтақаҳои мазкур баррасӣ шуд. Вале барои беҳтар роҳандозӣ намудани фаъолияти ширкатҳо ва доираи тоҷирон ҷалби мутахассисони соҳа нақши муҳим мебозад.
Саидраҳмон Назризода, муовини якуми вазири рушди иқтисод ва савдои ҷумҳурӣ, гуфт, ки то  ҳол миёни Тоҷикистону Ҳиндустон 36 созишномаи ҳамкорӣ ба имзо расида, дар мамлакат 21 корхонаи муштарак фаъолият дорад. Аммо ҳаҷми гардиши мол байни ду мамлакат соли гузашта  20 дарсад коҳиш ёфтааст. Барои роҳандозии беҳтари додугирифти тиҷоратӣ  ва ташкили корхонаҳои муштарак вохӯриҳои судманди соҳибкорон нақши калидӣ дошта метавонад. 
 
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 5.04.2016    №: 65    Мутолиа карданд: 509

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд

Дар Чин кӯдак аз ошёнаи 26 – ум афтода зинда монд

Аксаков бо сенаторони амрикоӣ зарурати муколамаи фаъолро баррасӣ намуд

Ҳамкории Москва ва Рейкявик дар Арктика тақвият меёбад

ФР ва Тоҷикистон конфронси ҳамкории байниминтақавӣ доир мекунанд

ИМА омодаи тамдид намудани созишномаи ССҲ бо Россия аст

Ҷаҳон дар як сатр


Дар сомонаҳои дигари Тоҷикистон хонед