logo

ҳуқуқ

ҶАЗО БАРОИ ПОРА ВА ҲУҶҶАТҲОИ ҚАЛБАКӢ

Мақомоти прокуратураи шаҳри Душанбе баҳри таъмини волоияти қонун, ҳимояи ҳуқуқу озодиҳои инсон ва шаҳрванд, манфиатҳои давлат ва ҷомеа, риояи дақиқ ва иҷрои якхелаи қонунҳо, ва дар маҷмӯъ мубориза бо ҷинояткорӣ фаъолияти доимӣ мебарад.

Дар соли сипаришуда ва семоҳаи аввали соли равон кормандони ин ниҳод риояи қонунгузории замин ва самаранок истифода бурдани онро зери назорати қатъӣ гирифта, дар самти худсарона ишғол намудани қитъаҳои замин аз ҷониби шаҳрвандон ва дигар шахсони мансабдор қонуншиканиҳои зиёдеро ошкор намуданд. Дар ин давра 187 нафар ба ҷавобгарии интизомӣ ва маъмурӣ кашида шуда, нисбат ба 146 нафар, барои худсарона ишғол намудани қитъаи замин, сохтмони худсарона ва ғайриқонунӣ додани замин (аз ин шаш ададаш ба ҷиноятҳои коррупсионӣ, иқтисодӣ-коррупсионӣ тааллуқ дорад) парвандаҳои ҷиноятӣ оғоз гардиданд. 10,94 гектар қитъаи замини худсарона ишғолгардида ба ҳолати аввала баргардонда шуд. Дар натиҷаи андешидани чораҳои эътиноии прокурорӣ 822 22 078 сомонӣ ба манфиати давлат ва корхонаю муассисаҳо барқарор гашт.
Мақомоти прокуратураи шаҳри Душанбе бо мақсади таъмини иҷрои Қонуни Ҷумҳурии Тоҷикистон «Дар бораи танзими асъор ва назорати асъор» якҷо бо шуъбаҳои Вазорати корҳои дохилии ноҳияҳои шаҳр ва намояндагони Бонки миллии Тоҷикистон дар бозорҳои пойтахт ва дигар ҷойҳои ҷамъиятӣ вохӯрию санҷишҳои муштарак гузаронд.
Санҷишҳои прокурорӣ оид ба риоя ва иҷрои талаботи қонунгузории ҷорӣ вобаста ба танзими асъор ва назорати асъор дар шаҳри Душанбе нишон дод, ки масъулони баъзе нуқтаҳои мубодилаи асъор ва шаҳрвандони алоҳида аз чаҳорчӯби қонун берун баромада, даст ба ҷиноят задаанд. Онҳо, ҳатто, талаботи дастурамали Бонки миллии Тоҷикистонро ба инобат нагирифта, барои ба таври сунъӣ паст шудани қурби асъори миллӣ шароит фароҳам овардаанд. Дар рафти санҷишҳо дигар ҳолатҳое низ ошкор шуданд, ки баъзе шаҳрвандон ба фаъолият оид ба анҷомдиҳии амалиёти бонкӣ ва амалиёт бо асъори хориҷӣ бе гирифтани иҷозатномаи махсус машғул мешаванд. Кормандони прокуратура ҳолатҳои дар бозору марказҳои савдо бо асъори хориҷӣ хариду фурӯш намудани молу маҳсулотро низ ошкор намуданд. Дар ин давра нисбат ба 28 нафар барои риоя накардани талаботи моддаҳои 264, 281 ва 286 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз гардиданд. Тибқи талаботи моддаҳои 510, 535 ва 541 Кодекси ҳуқуқвайронкунии маъмурии Ҷумҳурии Тоҷикистон нисбат ба 156 шаҳрванд парвандаҳои ҳуқуқвайронкунии маъмурӣ оғоз ва гунаҳкорон ҷазои сазовор гирифтанд.
Солҳои охир аз ҷониби шахсони мансабдор содир кардани ҷиноятҳои коррупсионӣ ва иқтисодии хусусияти коррупсионидошта зиёд шудааст. Мақомоти прокуратураи шаҳри Душанбе бо назардошти ин ҳолатҳо соли гузашта дар самти пешгирӣ ва ошкор кардани ҷиноятҳои хусусияти коррупсионидошта муваффақ гардиданд. Дар ин давра 77 ҷиноят ошкор ва ба қайд гирифта шуд, ки аз ин 16 ададаш ҷинояти коррупсионӣ ва боқимонда ҷиноятҳои иқтисодии хусусияти коррупсионидошта мебошанд.
Санҷишҳои прокурорӣ дар Раёсати истифодабарии роҳҳои автомобилгарди ноҳияи Фирдавсӣ, КВД «Обу корези Душанбе», Сарраёсати меъморӣ ва шаҳрсозии шаҳри Душанбе нишон доданд, ки кормандони ин идораю ташкилот дар давоми солҳои 2015 - 2016, бо роҳи тартиб додани ҳуҷҷатҳои қалбакӣ, 620 000 сомониро азхуд намудаанд. Нисбат ба шахсони гунаҳкор бо моддаҳои 245 қисми 2, 3, 4; 323, 320 қисми 1, 319 қисми 1 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз шуданд.
Таҳлил ва нишондиҳандаҳои оморӣ аз он шаҳодат медиҳанд, ки маҳз дар натиҷаи дуруст ба роҳ мондани ташкили кор, андешидани тадбирҳои судманд ба самаранокии санҷишҳои прокурорӣ, ошкор ва бартараф кардани қонуншиканиҳо мусоидат намудааст. Такя ба қонунгузории ҷорӣ ва таҷрибаву малакаи кормандони прокуратураи шаҳр гуфта метавонем, ки ягон қонуншикан бе ҷазо намемонад.
Маҳмадсафо ГАДОЗОДА,
ёрдамчии калони прокурори шаҳри Душанбе, мушовири
адлияи дараҷаи 2


Баёни ақида (0)    Санаи нашр: 5.04.2016    №: 65    Мутолиа карданд: 471

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед