logo

иҷтимоиёт

ЛАХШ. ТАБИБОН НАМЕРАСАНД

Пешвои миллат, Президенти кишвар Эмомалӣ Раҳмон  дар Паёми имсола  ба Маҷлиси Олӣ бо нигаронӣ аз нокифоя будани сатҳи хизматрасонии тиббӣ зикр намуданд:
«Солҳои охир дар муассисаҳои тиббӣ таҷҳизоти замонавӣ васеъ ворид гардида, ба ин восита сатҳи ташхису табобати беморон беҳтар шуда истодааст. Аммо ихтисосмандоне, ки таҷҳизоту технологияҳои муосири тиббиро пурраву самаранок истифода бурда тавонанд, дар кишварамон ҳанӯз хеле каманд».
 
Ҳолати мазкур дар ноҳияи Лахш, хусусан дар Ҷамоати деҳоти «Лахш» боиси нигаронии сокинон гаштааст. Ҳарчанд биноҳои нави дорои  бахшҳои гуногун бунёд шудаанд,  набудани таҷҳизоти муосири тиббӣ ва пизишкони ихтисосманд беморонро дучори мушкилоти зиёд намудааст.  Аксаран барои як ташхиси одӣ, муоинаи фаросавтӣ (УЗИ) ва  давои касалиҳои начандон вазнин роҳ сӯйи шаҳри Душанбе мегиранд. Ба замми маризӣ мушкилоти надоштани ҷойи зист дар шаҳр, дарёфти беморхонаи муносиб  ва ғайра онҳоро пеш меоянд. Ба ҳамин минвол, набудани таҷҳизоти нави табобат ва кормандони тахассусӣ дар шифохонаи  ҷамоати мазкур беморонро саргардон намудааст.
Мария Илёсова, сокини ноҳия, гуфт: «Ду сол пеш барои табобати пой ба беморхонаи маҳаллӣ муроҷиат кардам. Азбаски он ҷо ташхисгоҳи хуб нест, сабаби бемориамро духтурон дақиқ муайян карда натавонистанд. Ҳарчанд  доруи зиёд истеъмол кардам, шифо наёфтам.  Бо сабаби набудани мутахассисони баландихтисос ва технологияи нави соҳа дар беморхонаҳои маҳаллӣ тайи чанд сол мешавад,  ки  ташвишҳоям хотима намеёбанд. Баҳри  муолиҷаи пой дар шифохонаҳои  пойтахт саргардонам».
Ба гуфтаи Эмом Ғафуров, муовини якуми сардухтури беморхонаи марказии ноҳияи Лахш, сабаби мушкилии мазкур аз як ҷиҳат норасоии таҷҳизоти муосири тиббӣ, аз тарафи дигар  нарасидани табибони ихтисосманд мебошад. Бо вуҷуди шароити хуби кор бархе аз марказҳои хизматрасонии тиббии ноҳия  имрӯзҳо ба табибони баландихтисоси чашму гӯш, шикастабандӣ, узвҳои дарунӣ, асаб, дилу рагҳои хунгард,  бемориҳои занона, кӯдакон ва момодояҳо эҳтиёҷманданд. Аз сабаби набудани чунин табибон бемор сари вақт ва дуруст ташхис нашуда, мубталои касалии вазнинтар мегардад. Дар ин самт мақомоти иҷроияи маҳаллии ҳокимияти давлатӣ баҳри роҳандозии технологияи навин ва такмили ихтисоси кормандони соҳа чораҳои зарурӣ андешидааст. Дар асоси ин тадбирҳо рӯзҳои наздик таҷҳизоти ташхискунанда ва муоинаи фаросавтӣ дар беморхонаҳои деҳоти дурдаст фароҳам ва мушкилии маризон  бартараф хоҳад шуд. Агар беморӣ  ҳангоми бори аввал муроҷиат кардани мариз ба табобатгоҳ дуруст, дақиқ ва бо истифодаи технологияю усулҳои муосир муолиҷа шавад, боиси саргардонии бемор нахоҳад гашт. Яке аз омилҳои дигари  камбуди мутахассисон истифодаи ноодилонаи  Квотаи президентӣ дар  соҳаи таҳсилоти  тиббӣ маҳсуб меёбад. Аксаран онҳое, ки ба тариқи Квотаи президентӣ муассисаҳои олии тиббиро хатм мекунанд, баъди таҳсил ба зодгоҳи худ барнамегарданд. Ин ҳолат боиси норасоии духтурони тахассусӣ ва донандагони таҷҳизоти нави тиббӣ дар ноҳия гардидааст.
Воқеан, солҳои охир шифохонаҳои шаҳру навоҳӣ аз ҷиҳати таъминоти моддию техникӣ, ҳуҷраҳои хоби беморону дигар бахшҳои табобатӣ хеле беҳбудӣ ёфтаанд. Бунёди  биноҳои нави марказҳои хизматрасонии тиббӣ бо ташаббуси  Ҳукумати ҷумҳурӣ ва мақомоти иҷроияи ҳокимияти давлатии ноҳия аз таваҷҷуҳи зиёди роҳбарияти олии мамлакат ба соҳаи ҳаётан муҳим дарак медиҳад. Аз ҷумла, соли гузашта бо ташаббуси Ҳукумати ҷумҳурӣ ва мақомоти иҷроияи ҳокимияти  давлатии ноҳия  дар шафати беморхонаи Ҷамоати деҳоти Лахш бинои нави бахши ҷарроҳӣ қомат афрохтааст. Аммо набудани кормандони тахассусӣ ва таҷҳизоти зарурии табобат муҷиби саргардонӣ ва мушкилоти зиёди беморон гардидаанд. Бинобар ин, масъулон бояд дар андеша бошанд, ки шифохонаҳои маҳаллӣ ба ҳадди зарурӣ бо таҷҳизоти муосири соҳавӣ ва табибони тахассусӣ таъмин карда шаванд, зеро корафтодагон дучори мушкилот ва харҷи барзиёд нахоҳанд шуд.

Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 5.04.2016    №: 65    Мутолиа карданд: 476

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед