logo

ҳуқуқ

АГАР ФАРЗАНДРО АЗ ХУРДСОЛӢ ТАРБИЯ НАКУНЕМ…

Моҳи марти соли ҷорӣ ба Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» иловаҳо ворид гардиданд. Мувофиқи он, падару модарон аз операторон ва провайдерони хизмати алоқаи барқӣ маълумотномаи аз тарафи фарзанд истифода шудани хизматрасонии интернетиро ба таври ройгон мегиранд. Инчунин, ба сархати сездаҳуми моддаи 8 уҳдадории дигаре илова шуд, ки минбаъд волидон аз ҷониби фарзанд мақсаднок ва мувофиқ ба таълиму тарбияи ӯ истифода шудани интернетро назорат менамоянд.

Дар баробари он ки дар таълиму тарбияи насли наврас мактаб ва оила нақши муҳимро мебозанд, ҷомеа ва шабакаҳои интернетиву иттилоотӣ низ дар ин самт бетаъсир нестанд. Таҳлилҳо нишон медиҳанд, ки аксари наврасон ба қобилияту тавоноии худ баҳогузорӣ карда натавониста, ин ё он нафарро идеал интихоб мекунанд ва баъд аз пайравиву тақлид раҳо шуда наметавонанд. Бахусус, дар интернет ва шабакаҳои иҷтимоӣ ҳамеша маълумоту аксу наворҳои дурӯғин, фаҳш ва ифротӣ давр мезананд. Фавҷи иттилооти бешумор ба рӯҳияи ноболиғон таъсири манфӣ расонда, зери таъсири ғояву идеологияҳои бегона мондани онҳоро осон менамояд.
Бино ба гуфтаи Зебуннисо Холдорбекова, муовини сардори Хадамоти пешгирии ҳуқуқвайронкунӣ байни ноболиғон ва ҷавонони Вазорати корҳои дохилӣ иловаҳои ба қонун воридшуда барои вазъи ҳассоси ҷомеаи мо муҳим арзёбӣ мешавад.
- Рушди босуръати технологияи иттилоотӣ, ташаккули ақида, ҷаҳонбинӣ ва меъёри рафтори одамон аз воситаҳои ахбори омма вобастагии зич доранд. Хабару маълумоти матбуот, радио, телевизион, бавижа шабакаҳои интернетӣ метавонанд дар муддати кӯтоҳ ба нуқтаҳои дурдасттарин рафта расанд, ба ҳама гуна муҳити ҷомеа роҳ ёбанд ва чархи тафаккури аҳолиро ба ин ё он самт ҳаракат диҳанд, - изҳор дошт Зебуннисо Холдорбекова.
Соли сипаришуда чандин ҷавонону наврасон ва ҳатто калонсолон маҳз тавассути шабакаҳои интернетӣ ба сафи ҷангиёни «Давлати исломӣ» шомил гардиданд. Аз ҷумла, ҷавонони гумроҳе, ки дар шаҳри Норак ва ноҳияи Шаҳритуз парчами «Давлати исломӣ»-ро барафрохтанд, тавассути телефони мобилӣ ба ин кор ҷалб шуда буданд.
Мувофиқи иловаҳои ба Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» воридгардида, волидоне, ки аз корҳои ношоиста, машғулияти шабонарӯзӣ дар шабакаҳои интернетӣ, дигаргуншавии рафтору кирдори фарзандашон огоҳӣ меёбанд, ба операторон ва провайдерони хизмати алоқаи мобилӣ муроҷиат намуда, маълумоти заруриро дар бораи фарзандони худ дастрас мекунанд. Масалан, хонандаи мактаб агар берун аз дарс қарор доштаву аз ҳисоби соатҳои дарсӣ бо интернет сарукор гирад, падару модар огоҳ шуда, чораҳои зарурӣ меандешанд.   
Сокини шаҳри Душанбе Манижаи Давлатёр, ки худ омӯзгор аст, дар суҳбат бо мо изҳор дошт, ки имрӯз кӯдаки боғчарав низ дар даст телефони мобилӣ дорад. Волидон аз дӯстдории зиёд ба фарзандашон воситаҳои қиматбаҳои техникӣ мехаранд. Ғофил аз он ки телефону планшетҳо ба рӯҳу равони кӯдак чӣ қадар таъсири манфӣ мерасонанд. Майнаи ӯро аз маълумоти пучу бемаъно пур мекунанд ва шавқи хондану навиштан аз лавҳи хотираш сутурда мешавад.
Равоншинос Ҷонибек Акобирзода, устоди Донишгоҳи миллии Тоҷикистон тазаккур дод, ки наврасону ҷавонони имрӯза аз ҳар ҷиҳат аз ҷавонону наврасони даврони шӯравӣ фарқ мекунанд. Вобаста ба вазъи ҳассоси ҷаҳон ва ҳаводиси мухталифи иҷтимоиву сиёсӣ, иттилооти бешумор насли ҷавони мо ба машварату маслиҳати психологӣ ниёз дорад. Дарсҳои  равоншиносиро метавон дар давоми соатҳои тарбиявӣ гузаронд. Агар рӯҳияву қобилияти фарзандро дар хурдсолӣ ба самти муайян равона насозем, ба тарбияи этикиву эстетики ӯ накӯшем, баъд дер мешавад. Чизи муҳиме, ки бояд хонандагони мо омӯзанд, худтарбиякунист, яъне аз болои худ кор бурдан, ба хатову дурустии рафтору гуфтору кирдори худ баҳо дода тавонистан аст.

Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 6.04.2016    №: 66    Мутолиа карданд: 551

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед