logo

ҳуқуқ

ҶОНИБДОРИИ СУДЯҲО АЗ ТАҒЙИРУ ИЛОВАҲО

Мақомоти қонунгузори кишвар лоиҳаи тағйиру иловаҳо ба Конститутсияи (Сарқонуни) Ҷумҳурии Тоҷикистонро ба баррасии шаҳрвандон пешкаш намуд. Зарурати пеш гирифтани чунин иқдом  мусоидат намудан ба рушди равандҳои демократикунонии ҷомеа, ҳуқуқу озодиҳои инсон ва кафолати риояю ҳифзи онҳо, таҳкиму такмили асосҳои конститутсионии ҳокимияти давлатӣ, рукнҳои асосии он, низоми мақомоти давлатӣ, ҷорӣ намудани қоидаҳои нави имлои забони тоҷикӣ ва мутобиқ гардондани меъёрҳои Қонуни асосӣ ба истилоҳу меъёрҳои санадҳои ҳуқуқи байналмилалӣ мебошад.       
Лоиҳаи пешниҳодгардидаро ба ду қисмат метавон ҷудо кард. Қисмати аввал ба тағйироти имлоии забон, услуб, тарзи   маъноии калимаҳо бахшида шудааст. Масалан, калимаи «ҷиноӣ» ба калимаи «ҷиноятӣ», «шахсоне» ба «шаҳрвандоне», «додан» ба «супоридан», «вазифаи ҳар кас мебошад» ба «ҳатмист», «ҳаққи зиндагӣ» ба «ҳуқуқ ба ҳайёт», «ташкил» ба «таъсис» иваз шуда, барои мукаммал, фаҳмову равон шудани забону муҳтавои Конститутсия мусоидат мекунад. Қисмати дигари тағйиру иловаҳо хусусияти сиёсӣ ва ҳуқуқӣ дошта, баҳри амнияту суботи мамлакат ва ҳифзи манфиатҳои миллӣ нигаронда шудаанд. Аз ҷумла, дар моддаи 8 иловаи нав ба тариқи зайл омадааст, ки барои амнияту суботи мамлакат хеле муҳим аст. «Дар Тоҷикистон фаъолияти ҳизбҳои сиёсии дигар давлатҳо, таъсиси ҳизбҳои хусусияти миллӣ ва динидошта, инчунин маблағгузории ҳизбҳои сиёсӣ аз ҷониби давлатҳо ва созмонҳои хориҷӣ, шахсони ҳуқуқӣ ва шаҳрвандони хориҷӣ манъ аст». Ин илова бо мақсади пешгирии фаъолияти ҳизбу ҳаракатҳоест, ки ҷанбаи динӣ ва миллӣ доранд ва метавонанд ба низоъҳо  ва муноқишаҳои миллӣ оварда расонанд.
Дар моддаи 85 сухан дар хусуси талабот нисбат ба шахсе меравад, ки ба вазифаи судягӣ интихоб ё таъйин мешавад. Дар қисми чоруми ҳамин модда пешбинӣ гардидааст: «Шахсе, ки бори аввал ба вазифаи судягӣ таъйин шудааст, дар вазъияти тантанавӣ савганд ёд мекунад». Ё дар моддаи 89 қисми сеюм омадааст: «Шахсе, ки бори аввал ба вазифаи судяи Суди конститутсионӣ интихоб шудааст, дар иҷлосияи Маҷлиси миллӣ савганд ёд мекунад».
Дар моддаи 73, қисми сеюм дар таҳрири нав пешниҳод шудааст. Тибқи он «Аъзои Ҳукумат баъди аз ҷониби Президенти Ҷумҳурии Тоҷикистон таъйин шудан ва тасдиқ гардидани фармон дар ҷаласаи якҷояи Маҷлиси миллӣ ва Маҷлиси намояндагон ба Президенти Ҷумҳурии Тоҷикистон савганд ёд мекунанд». Дар қисми чоруми модда пешниҳод шудааст, ки аъзои Ҳукумат бояд танҳо шаҳрвандии Ҷумҳурии Тоҷикистонро дошта бошад. Ҳамаи ин тағйиру иловаҳо бозгӯи онанд, ки масъулияти аъзои Ҳукумат ва судяҳо баланд бардошта шуда, дар фаъолияти онҳо ба саҳлангориву хатоӣ роҳ дода нашавад ва пеш аз ҳама, манфиатҳои миллӣ ҳимоя гарданд.
Ёд кардани савганд ин зиёд намудани дарки масъулият, эҳсоси худшиносӣ ва касбияти баланд дар иҷрои вазифаи хидматӣ мебошад. Вақте инсон савганд ёд мекунад, бояд ба он содиқ монад. Шикастани қасам хиёнат ба вазифа, мардум ва  дар маҷмӯъ Ватан аст.

Нусратулло САДИРЗОДА,
 раиси Суди шаҳри Душанбе


Баёни ақида (0)    Санаи нашр: 6.04.2016    №: 66    Мутолиа карданд: 521

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед