logo

иҷтимоиёт

ҚУБОДИЁН. ҲАҚИҚАТИ ТАЪРИХӢ БАРҚАРОР ШУД

Ниҳоят ормони чандинсолаи дар назари аввал хурд, аммо дар асл бузурги мардуми ноҳияи Қубодиён маҳз ба туфайли дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷомаи амал пӯшид. Яъне, маркази маъмурии ноҳия расман мақоми шаҳраки Қубодиёнро гирифт. Ҳамзамон, ба хотири дар оянда ба яке аз марказҳои паҳновари дорои кулли шароитҳои зиндагии шоистаи Хатлонзамин табдил ёфтани ин шаҳраки навтаъсис, ҳудуди он аз ҳисоби ду деҳоти дигари ноҳия васеъ шуд. Аз ин рӯ, барои чунин дастгирӣ, ки дар арафаи Наврӯзи фархундапай - айёми таблиғи некроию озодасозии макони зист рост омад ва бар шодии мо шодӣ зам кард, ба Пешвои муаззами миллат самимона изҳори сипос менамоем.

Сухан сари ин нукта меравад, ки чун Қубодиён то замони Инқилоби Октябр дар масири Шоҳроҳи Абрешим қарор дошт, садсолаҳо инҷониб яке аз шаҳрҳои мутараққии Осиёи Марказӣ маҳсуб меёфт. Миригарии Қубодиён асосан ҳудуди навоҳии ҳозираи Қубодиён, Шаҳритуз ва Носири Хусравро дар бар мегирифт. Мардумонаш дар умури кишоварзию ҳунармандӣ, тиҷорат ва тадрису муаррифии илму фанни динию дунявӣ чирадаст буданду шуҳратёр. Гузарҳои Ёбуз, Чармгар, Хишткӯпрук, Гузари Боло, Саройқишлоқ, Қозихона, Қиёт, Кадухона дошт. Сафирону меҳмонон пас аз пазироӣ дар элчихонаи гузари Ёбуз дар зери сояи чанорҳои азим ва насими серуни ҳавзи мармарин кӯфти роҳ мебароварданд. Дар мадрасаи гузари Кадухона толибони илм дар қатори улуми илоҳиёт, сабақи ҳандасаву шеършиносӣ мегирифтанд. Қалъаи Мир, ки дар меҳвари ин ҳама тараққиёт қарор дошт, ҳамчун маркази маъмурии миригарӣ то аҳди шӯравӣ обод буду побарҷо. Дар дохили он қасру кӯшк, меҳмонхона, масҷид, зиндону саисхона ва ҳоказо ҷой шуда буд. Аммо ин ҳама ёдгориҳои нотакрори Қубодиёни бостонӣ, ки ҳоло метавонист мисли як шаҳр - осорхонаи ба қавле зинда муаррифигари тамаддуни аҷдоди соҳибноми мо бошад, ҳамчун “нишони давраи ақибмондагии феодалӣ” аз ҷониби чанд бемурувват зеру забар шуд.
Хушбахтона, Истиқлолияти давлатии Тоҷикистон ва сиёсати хирадмандонаи фарзанди фарзонаи миллат Эмомалӣ Раҳмон имрӯз ин нобасомониҳои таърихро сомон бахшид. Бар замми навгоние, ки дар аввали матлаб зикр кардем, шакли дурусти номи ноҳия барқарор ва 1000 - солагии шоири шаҳир Носири Хусрави Қубодиёнӣ таҷлил гардид.
Мо - сокинони ноҳияи Қубодиён бовар дорем, ки маркази ноҳия ба ҳайси шаҳрак дар ояндаи наздик таҳти роҳбарии оқилонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон боз ҳам ободу зебо мегардад. Ин ҷиҳати масъала ғайрати мо - меҳнаткашонро беш аз пеш ба ҷӯш овардааст. Мо барои боз ҳам шукуфотар намудани Ватан ва баҳри татбиқи сиёсати дурандешонаи Пешвои муҳтарами худ ҳамеша омодаем.

Сокинони ноҳияи
Қубодиён


Баёни ақида (0)    Санаи нашр: 6.04.2016    №: 66    Мутолиа карданд: 323

26.09.2018


ЗАБОН ВА ҲУВИЯТИ МИЛЛӢ

Идомаи машқҳои зиддитеррористии «Иссиқкӯл - 2018» дар Қирғизистон

Ёрӣ ба 17 кишвари Иттиҳоди Аврупо ҷиҳати бартарафсозии оқибати хушксолӣ

Иттиҳоди Аврупо Осиёи Марказиро маблағгузорӣ мекунад

Қазоқистону Ӯзбекистон моҳвораи муштарак сохтанианд

ҶАҲОН ДАР ЯК САТР

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд


Дар сомонаҳои дигари Тоҷикистон хонед