logo

иҷтимоиёт

НОМУСИ ЯК ҶАВОНМАРД

Абдураззоқ Саидов аз зумраи  соҳибкоронест, ки  бо корҳои  неки анҷомдодааш  ӯро  на танҳо дар ҳудуди шаҳри Ҳисор, балки дар дигар шаҳру ноҳияҳои кишвар низ ҳамчун ҷавонмарде, ки дар беҳбуди зиндагии садҳо нафар саҳм дорад, ба хубӣ мешиносанд. Маҳз дилгармӣ ӯро ба амалҳои хайр водор месозад.

Ҳамасола ин соҳибкори миллатдӯст ба шахсони маъюб,  парваришгирандагони  хона - интернати бемориҳои рӯҳии шаҳри Ҳисор, мактаб - интернати маъюбон, кӯдакони фалаҷ дар деҳаи Алмосӣ, хона - интернати пиронсолони Батош, ки дар ҳақиқат ниёзманданд,  ёрӣ расонда, онҳоро бо сару либос ва маводи хӯрока таъмин мекунад. Инчунин, ҳар сол дар арафаи  соли нави хониш  барои таъмири бинову мактабҳои онҳо ва муассисаҳои  таҳсилоти миёнаи умумӣ  бо маблағ ва масолеҳи  сохтмонӣ кумак мерасонад. Дасти мадади кормандони ширкат ба беморхона ва бунгоҳҳои тиббии шаҳри Ҳисор  низ  мерасад.
Соли 2004 дар маркази шаҳри  Ҳисор  бо ташаббуси А. Саидов   Маркази савдои «Тоҷирон» дар масоҳати 5 гектар  сохта ба  истифода дода шуд, ки дар натиҷа зиёда аз 600 нафар бо ҷойи кор таъмин гаштанд.
Моҳи ноябри соли 2011 Сарвари давлат Эмомалӣ Раҳмон  бо соҳибкорон вохӯрӣ гузаронд. Ин мулоқот ва  ҳидоятҳои  пурарзиши Президенти кишвар дар ниҳоди соҳибкорон ҳисси ватандӯстӣ, ифтихори миллиро бедор карда, ба онҳо нерую  илҳоми тоза бахшид.
Бо ибтикори А. Саидов моҳи марти соли 2012  дар як ҷойе, ки ба партовгоҳ табдил ёфта буд, маҷмааи боҳашамати варзишию  саломатӣ  сохта ба истифода дода шуд. Маҷмаа  аз  як толори калони дорои 1250  ҷойи нишаст ва 2 толори бо таҷҳизоти махсуси варзишӣ муҷаҳҳаз иборат мебошад.  Дар ин толорҳо ҳамарӯза зиёда аз 600 нафар наврас бо гӯштӣ, вазнбардорӣ, гимнастикаи бадеӣ ва навъҳои дигари варзиш  машғуланд. Соли 2015  бо иқдоми  ҷамъият 3,5 км роҳи  калони деҳаҳои Гулханӣ, Кончӣ ва Қалъаи Ҳисори шаҳр пурра, бо сифати баланд асфалтпӯш гардид. Бояд гуфт, ки ин роҳҳо аз солҳои 1978 инҷониб ягон маротиба таъмири ҷориро надида буданд. Амали хайри дигаре, ки А. Саидов ба он даст зад, ин таъмин намудани аҳолии як маҳаллаи калони маркази шаҳр бо оби тозаи нӯшиданӣ мебошад.
Ба ифтихори ҷашни 3000 - солагии Ҳисор ширкати А. Саидов  якчанд иншооти замонавӣ сохта ба истифода дод. Соли 2013 баъд аз муфлис эълон шудани хоҷагии ба номи Абдурауф  Юсуфов ширкат ба соҳаи кишоварзӣ маблағгузорӣ намуда,  хоҷагиро  аз нав барқарор кард. Ин хоҷагӣ имрӯз яке аз хоҷагиҳои пешсафи ҷумҳурӣ ба шумор меравад.
Бо ташаббуси ин марди заҳматпеша  дар кӯчаи 50 - солагии Ҳисор, дар масоҳати 15 ҳазор метри мураббаъ  як маркази бузурги  савдои тиҷоратӣ – истеҳсолӣ бунёд  меёбад. Ба гуфтаи директори ширкат,  баъди ба истифода додани он зиёда аз 1000 нафар сокини маҳаллӣ бо ҷойи кор таъмин хоҳанд гашт. 
- Ман аз Сарвари давлат, Асосгузори сулҳу ваҳдати миллӣ – Пешвои миллат муҳтарам  Эмомалӣ Раҳмон ниҳоят сипосгузорам, ки ба фаъолияти соҳибкорон таваҷҷуҳу ғамхории  беандоза зоҳир менамоянд. Ҷавобан ба ин ҳар рӯз мо бояд дар пеши виҷдони худ ҳисобот диҳем, ки барои  халқу      Ватан чӣ кори хубе кардем. Ният дорем, дар пайи дастгирии аҳолии камбизоат бошем, зеро хидмат ба халқу Ватан, бавижа созандагӣ амали хайру мондагоранд,  - мегӯяд А. Саидов.

Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 7.04.216    №: 67    Мутолиа карданд: 347

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед