logo

иҷтимоиёт

ЧАРО ТРОЛЛЕЙБУСҲО КАМ ШУДААНД?

Ҳаракати онҳо дар хатсайрҳои алоҳида ҳатто қатъ гардидааст

Дар пойтахти мамлакат троллейбус дар баробари автобус ба сокинони шаҳр хизмати шоиста мерасонд. 14 хатсайр дар хизмати мардум буду шаҳрдорӣ мақсад дошт, ки  хатҳои нав кушояд. Ҳатто нақша буд, ки аз пойтахт ба ҷониби шаҳрҳои Турсунзодаю Кофарниҳон хатҳои  троллейбус кашанд. Дар ноҳияи Ёвон аз корхонаи кимиёвӣ то марказ дар масофаи 12 километр сутунҳои бетонӣ шинонда, ҳаракати  троллейбусҳоро ба роҳ монданӣ буданд. Аз шаҳри Кӯлоб то ноҳияи Восеъ низ дар масофаи 18 километр сутунҳои бетонӣ шинонда чунин корро анҷом додан мехостанд. Вале…
Имрӯз шоҳиди онем, ки хатсайрҳои троллейбусӣ дар шаҳри Душанбе хеле кам шуда, баъзе аз онҳо умуман вуҷуд надоранд. Сабаб дар чист? Чӣ мушкилот ё монеаест, ки троллейбус дар ҷодаҳо камшумор шудааст?
Барои ба ин саволҳо ҷавоб гирифтан ба Хайрулло Камолов, сарвари Корхонаи коммуналии воҳиди давлатии «Троллейбус», муроҷиат кардем. Ӯ чунин гуфт:
- Айни замон корхона дар тавозуни худ 151 воситаи нақлиёти барқӣ дошта, ҳамарӯза 60 – 65 троллейбус дар хатсайрҳо мусофир мекашонанд. 97 троллейбус дар таъмир аст.
Сабаби фаъолият накардани баъзе хатсайрҳо ҳам дар таъмир будани троллейбусҳо мебошад. Масалан, хатсайрҳои № 3,  5,  14. Хатсайри № 7 чандин сол аст, ки фаъолият надорад. Дар хатсайри № 8 моҳҳои июл – август ҳаракати троллейбусҳо ба роҳ монда мешавад. Имрӯз дар назди маркази савдои «Садбарг»,  бозорҳои «Саховат» - у «Султони Кабир» ва маркази ташхиси техникӣ аз сабаби дар бари роҳҳою истгоҳҳо мошини зиёд таваққуф кардан ҳаракати троллейбусҳо хеле душвор  шудааст. Барои ин монеаҳоро бартараф кардан ба мо мусоидати раёсати Бозрасии давлатии автомобилӣ ва раёсати Хадамоти давлатии назорат ва танзим дар соҳаи нақлиёт зарур мебошад. Ҳоло дар маркази шаҳр таксиҳои  роҳкироашон 3 сомонӣ имкон намедиҳанд, ки троллейбусҳо дуруст фаъолият кунанд. Моҳҳои апрел – май бояд 15 троллейбуси нав бигирем. Мақсад дорем, ки 8 – тоашро  ба хатсайри № 4 ва 7 – тои дигарашро ба парки № 1 – и  корхона диҳем.
Ҳоло дар як кунҷи майдони корхонаи мо қариб як моҳ шуд, ки кормандони Бозрасии давлатии автомобилӣ мошинҳои дар назди истгоҳҳою бозору марказҳои савдо ғайриқонунӣ истодаро муваққатан оварда мондаанд. То 5 апрел онҳо бояд ҷой пайдо карда, мошинҳоро ба он  интиқол диҳанд.
Вобаста ба ҷойи таъмир кардани троллейбусҳо ва ободонии корхона бояд гуфт, ки анҷоми ин корҳо дар доираи лоиҳаи «Рушди нақлиёти истифодаи умуми шаҳри Душанбе» сурат мегирад. Мо бо  Бонки аврупоии таҷдид ва рушд қарордод ба имзо расондаем. Яке аз шохаҳои ин лоиҳа таъмиру барқарорсозии биною иншооти корхона, аз  ҷумла боксҳо, болопӯшҳои  зеристгоҳҳои тақвиятии дар тавозуни корхона буда, хатҳои ҳаракати  троллейбусҳоро дар бар мегирад. Илова бар ин, дар доираи лоиҳа тамоми таҷҳизоти куҳнаю фарсудаи  зеристгоҳҳои тақвиятӣ пурра бо таҷҳизоти замонавӣ иваз карда мешаванд. Мақсад аз роҳандозии ин лоиҳа ҳам рушди соҳаи нақлиёти барқӣ мебошад. То охири сол бояд таҷҳизоти зеристгоҳҳои барқӣ ва ноқилҳои барқии зеризаминӣ ба пуррагӣ нав шаванд. Иваз кардани симҳои хати ноқилҳои барқӣ дар хиёбони Рӯдакӣ ва дигар чизҳои ба он пайвастшаванда низ дар назар мебошад. Барои анҷоми  ин корҳо 8,2 миллион доллар пешбинӣ шудааст. Аз ин 3,6 миллион доллараш қарзи бебозгашт ва қариб 1 миллион доллари  боқиаш ёрии техникист. Корҳои таъмирию  ободонӣ моҳи август оғоз шуда, то охири сол анҷом меёбанд.

У. МУРОД, «Ҷумҳурият» 

АЗ ИДОРА.
Маҳмадсаид Убайдуллоев, раиси шаҳри Душанбе, 28 март дар ҷаласаи мақомоти иҷроияи маҳаллии ҳокимияти давлатӣ дар шаҳри Душанбе фаъолияти муовини соҳавии раиси шаҳр, муассисаи давлатии коммуналии «Душанбенақлиётхадамотрасон», раёсати Хадамоти давлатии назорат ва танзим дар соҳаи нақлиёт, Бозрасии давлатии автомобилии шаҳри Душанберо ғайриқаноатбахш шуморида, барои ислоҳи мушкилот 1 моҳ муҳлат додааст. Бартараф сохтани ин мушкилот низ ба ҳаракати муназзами троллейбусҳо мусоидат менамояд.
 


Баёни ақида (0)    Санаи нашр: 8.04.2016    №: 68    Мутолиа карданд: 480

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед