logo

иқтисод

ТОҶИКИСТОН ВА ИНТЕГРАТСИЯИ ГЛОБАЛИИ ИҚТИСОДӢ

Ба озмуни "Ҷумҳурият"

Истиқлолияти давлатии Ҷумҳурии Тоҷикистон роҳи ояндаи моро муайян кард.  Худшиносии мил-лӣ, дарки ватандорӣ, ҳаллу фасли мустақилонаи масъалаҳои иҷтимоию  иқтисодӣ, бунёди ҷомеаи демократию ҳуқуқбунёд аз муҳимтарин рукнҳову суннатҳои   истиқлолиятанд.  Дохилшавии ҷумҳурӣ ба низоми хоҷагии ҷаҳонӣ барои инкишофи минбаъдаи қувваҳои истеҳсолкунанда, ташаккул ёфтани сохтори хоҷагии халқ ва иқтидори содиротии кишвар замина гузошт. Ҷиҳати ноил гардидан ба Ҳадафҳои рушди ҳазорсола дар ҷумҳурӣ Стратегияи миллии рушд барои давраи то соли 2015 ва Стратегияи паст кардани сатҳи камбизоатӣ қабул гардиданд. Мақсад аз амалигардонии онҳо то дуюним баробар афзоиш додани маҷмӯи маҳсулоти дохилӣ ба ҳар сари аҳолӣ ва ду баробар паст кардани сатҳи камбизоатӣ мебошад, ки ин ҳадафҳо то ба имрӯз давра ба давра иҷро гардида истодаанд. Далели равшани он аз 80 дарсад то 30 дарсад коҳиш ёфтани сатҳи камбизоатист. Дар ин раванд суръатбахшии ислоҳоти иқтисодӣ, ки ба рушди тамоми соҳаҳои истеҳсоливу иҷтимоии кишвар нигаронида шудааст, яке аз вазифаҳои муҳимтарини давлат ба ҳисоб меравад.
Барои  ноил гардидан ба ҳадафҳои гузошташуда дар доираи татбиқи  Стратегияи миллии рушд  чунин афзалиятҳо муайян шудаанд:
1. Ислоҳоти идоракунии давлатӣ, ки ба ташаккул додани низоми рушди миллӣ дар кишвар нигаронида шудааст ва хусусиятҳои хоси он шаффофият, тобеияти ҳисоботдиҳӣ ва мубориза алайҳи фасод (коррупсия) мебошанд.
2. Рушди бахши хусусӣ ва ҷалби сармоя, ки ба тавсеаи озодиҳои иқтисодӣ, таҳкими ҳуқуқи моликият, қонуният, рушди ҳамкориҳои давлат ва бахши хусусӣ асос ёфтааст.
3. Рушди неруи инсонӣ. Он ба афзоиши ҳаҷм ва сифати хизматрасонии иҷтимоӣ ба аҳолии камбизоат, ноил шудан ба Ҳадафҳои рушди ҳазорсола, фаъолнокии иштироки аҳолӣ дар раванди инкишоф ва таҳкими шарикии иҷтимоӣ нигаронида шудааст.
Ҳамгироии (интегратсияи) иқтисодиёти Ҷумҳурии Тоҷикистон ва ҷаҳон бо зарурати ҳалли масъалаҳои иҷтимоию иқтисодӣ ва баровардани иқтисод аз ҳолати тӯлонии буҳронӣ асоснок карда мешавад. Дар тӯли солҳои сипаришудаи соҳибистиқлолӣ  иқтисодиёти Тоҷикистон давраи барқарорнамоиро аз  сар гузаронда,  алҳол дар марҳилаи сифатӣ рушд карда истодааст. Ҳамгироии он ба хоҷагии ҷаҳонӣ метавонад  барои суръати баланди рушди устувори иқтисодиёт ва ҳалли масъалаҳои иҷтимоию иқтисодӣ шароит  муҳайё намояд.   
Боиси сарафрозист, ки Президенти кишвар ва Ҳукумати Ҷумҳурии  Тоҷикистон ҳама гуна иқдомҳои имконпазирро барои ҳалли масъалаҳои  иҷтимоию иқтисодӣ ва рушду нумуи иқтисодиёти кишвар дастгирӣ менамоянд. Барои ҳалли масъалаҳои иқтисодӣ ва устувор гардондани мавқеи мамлакат дар арсаи ҷаҳонӣ Ҷумҳурии Тоҷикистон робитаҳои иқтисодии худро дар доираи гурӯҳҳои ҳамгиро (интегратсионӣ) ва созмонҳои байналмилалӣ, ба монанди Созмони ҳамкории иқтисодӣ, Созмони ҳамкории Шанхай (СҲШ), Иттиҳоди Давлатҳои Мустақил (ИДМ), Созмони умумиҷаҳонии савдо (СУС) устувор мегардонад, барои ҳимояи манфиатҳои мамлакат, ҳалли масъалаҳои минтақавӣ ва глобалӣ, ҷорӣ намудани низом ва механизмҳои устувори ҳамкориҳо талош меварзад. Истифодаи механизмҳои мавҷудаи ҳамкорӣ, инчунин низоми созмонҳои умумиҷаҳонӣ барои манфиатҳои Тоҷикистон мувофиқи мақсад аст.
Манфиатҳои иқтисодии Тоҷикистон дар иттиҳоди интегратсионӣ бо кишварҳои ИДМ ва СҲШ дар он таҷассум меёбанд, ки ҷумҳурӣ стратегияи иқтисодии худро ба ҳалли чунин масъалаҳо равона мекунад:
- эҳё ва таъмини инкишофи устувори иқтисодӣ;
- тезондани суръати тараққиёти саноатӣ, амалинамоии бозсозии сохторӣ;
- таъмини ҳаракати озоди мол, хизматрасонӣ ва сармоя дар ҳудуди ИДМ;
- таъмини гардиши озоди қувваи коргарӣ дар ҳудуди байнидавлатӣ;
- тавонбахшии иқтидори содиротӣ;
- табдилдиҳии Тоҷикистон аз минтақаи сарбаста ба минтақаи транзитӣ.

Асомуддин АЗИЗОВ,
Наҷибулло Маҳмудов,
устодони  Донишгоҳи
давлатии Данғара    


Баёни ақида (0)    Санаи нашр: 8.04.2016    №: 68    Мутолиа карданд: 654

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед