logo

иқтисод

ИПОТЕКА

ҚАРЗЕ, КИ МУШКИЛОТРО ОСОН МЕКУНАД
Имрӯз буҳрони иқтисодӣ дар баробари дигар соҳаҳо ба бахши иҷтимоиёти мамлакат низ таъсири манфии худро расондааст. Хоҳишмандони шароити зисти худро беҳтар мекарда зиёданд, аммо маблағи кофӣ, ки надоранд, орзуҳояшон ҷомаи амал намепӯшад.
Нархи хонаҳо гарон асту дастнорас. Аз ин рӯ, бо мақсади қонеъ кардани талаботи худ онҳо барои гирифтани қарзи ипотекӣ ба бонкҳо ва ташкилотҳои қарздиҳӣ муроҷиат менамоянд.
Барои огоҳии бештар пайдо кардан аз ҷараёни доду гирифти қарзи ипотекӣ бо Фурқат Ҳасанов, сарвари бахши Ҷамъияти саҳомии кушодаи «Бонки Эсхата» дар шаҳри Душанбе, муроҷиат намудем.

- Муҳтарам Фурқат Ҳасанов, бигӯед, ки Қонуни Ҷумҳурии Тоҷикистон «Дар бораи ипотека» чӣ муқаррарот дорад ва  қарзи дарозмуддат дар кадом асос  ба шаҳрвандон дода мешавад?
- Бонки мо яке аз иштирокчиёни  фаъоли бозори молиявии ҷумҳурӣ буда, ҳамаи намуди амалиётҳои бонкиро амалӣ мегардонад. Бонк дорои 23 бахш, 260 маркази хизматрасонии бонкӣ ва 428 нуқтаи интиқоли пул мебошад.
Ипотека ин гарави молу мулки ғайриманқулест, ки бо тартиби муқаррарнамудаи қонун аз қайди давлатӣ гузаштааст. Гарав бошад, уҳдадориест, ки вобаста ба он кредитор оид ба уҳдадории бо гарав таъмингардида (гаравгир) ҳуқуқ дорад дар ҳолати иҷро накардани ин уҳдадорӣ аз ҷониби қарздор аз арзиши молу мулки ба гарав гузошташуда нисбат ба дигар кредиторони шахсе, ки ин молу мулк аз они ӯст (гаравдеҳ), талаботашро афзалиятнок қонеъ гардонад.

- Киҳо аз шумо қарз гирифта метавонанд ва муҳлати баргардондани он чанд сол аст?
- «Бонки Эсхата» пас аз таҳлили талаботи бозор қарзи ипотекиро пешкаши мизоҷон кардааст. Нахуст қарзҳо танҳо барои шаҳрвандони Душанбе ва Хуҷанд пешкаш мешудаанд. Айни ҳол сокинони дигар минтақаҳои кишвар, ки бонк дар он ҷо фаъолият мебарад, қарзи ипотекиро гирифта метавонанд.  Қарзи мазкурро ҳам шахсони воқеӣ ва ҳам  шахсони ҳуқуқӣ метавонанд бигиранд. Мизоҷ бояд шаҳрванди Тоҷикистон буда, даромади устувор дошта бошад. қарзи ипотекӣ дарозмуҳлат аст ва то 10 сол пешниҳод мегардад.

- Додани қарз чӣ гуна сурат мегирад? Барои қарзгирӣ пешниҳод кардани кадом намуди ҳуҷҷатҳо зарур аст?
- Ҳуҷҷатҳо ва натиҷаҳои таҳлили пардохтпазирии мизоҷ ба кумитаи қарздиҳии бонк пешниҳод мегардад. Ҳангоми гирифтани ҷавоби мусбат ба мизоҷ қарз то 5 рӯзи корӣ, вобаста ба ҳаҷми маблағ пешниҳод мегардад. Маблағи қарз ба тариқи ғайринақдӣ ба суратҳисоби фурӯшандаи хонаи истиқоматӣ гузаронда мешавад.
- Маблағи қарз аз 25 000 то 250 000 сомонӣ ва бештар ба доллар дода мешавад. Фоизи қарзи солона бо доллар 18 дарсад ва бо сомонӣ 28 дарсадро ташкил медиҳад. Барои гирифтани қарзи ипотекӣ бояд аризадиҳанда воситаҳои пулии шахсиро дар ҳаҷми на кам аз 30 дарсад аз арзиши хона дошта бошад, боқимонда 70 дарсад ба тариқи қарз пешниҳод мегардад. Ҳангоми гирифтани  қарзи ипотекӣ аз мизоҷ ба ғайр аз фоизи қарзи тасдиқшуда ягон хел фоизи иловагӣ ситонда намешавад.  Маблағи асосии пардохт ва фоизи қарз дар ҷадвали пардохти қарз оварда мешавад. Гарави қарзгиранда хонаи харида ва ё дигар хонаи истиқоматӣ шуда метавонад. То охири соли 2015 ба мизоҷон 8,6 миллион сомонӣ қарз додаем.

- Дар сурати рух додани ягон ҳодиса ба шахси қарздор маблағи  бонкро бояд кӣ баргардонад?
- Мутобиқи талаботи қонунгузории граждании ҷумҳурӣ ҳангоми вафоти шаҳрванд дар баробари молу амвол инчунин уҳдадориҳои шахси вафоткарда ба ворисони ҳуқуқии ҳамон шахс мегузарад. Зеро моддаи 1187 Кодекси граждании ҷумҳурӣ пешбинӣ намудааст, ки «Кредиторони меросгузор ҳуқуқ доранд талаботи худро, ки аз уҳдадориҳои меросгузор бармеояд ба иҷрочии васиятнома, идоракунандаи мерос ё ворисон пешниҳод намоянд. Ворисон ҳамчун қарздорони муштарак дар доираи арзиши амволи ба ҳар яки онҳо гузошта ҷавоб медиҳанд».
Бонк дар ин ҳолат омилҳои иҷтимоӣ ва иқтисодии ворисон, аз ҷумла пардохтпазирии онҳоро ба инобат гирифта, пардохти маблағи кредитро талаб менамояд.

У. МУРОД, «Ҷумҳурият»


Баёни ақида (0)    Санаи нашр: 9.04.2016    №: 69    Мутолиа карданд: 547

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед