logo

сиёсат

Абдураҳмон Қодирӣ: «МО БО ШУМО ИФТИХОР ДОРЕМ»

Бо тантана ва дар рӯҳияи баланду ифтихори ватандорӣ гуселондани наваскарон ба сафи Қувваҳои Мусаллаҳи Ҷумҳурии Тоҷикистон дар вилояти Суғд ба ҳукми анъана даромадааст. Соли дувум аст, ки ба ин муносибат дар саҳни Амфитеатр, воқеъ дар мавзеи Арбоби ноҳияи Бобоҷон Ғафуров, бо иштироки масъулони комиссариатҳои ҳарбӣ, волидон, донишҷӯёну хонандагони мактабҳои таҳсилоти миёнаи умумии шаҳру навоҳии вилоят ҳамоиш баргузор мегардад.
Бо садои сурудҳои ватанхоҳона ва кафкӯбиҳои пурмавҷи мардум 1500 нафар даъватшавандаи 18 шаҳру ноҳияи вилоят дар саҳни Амфитеатр қадам заданд. Шиорҳои «Ватан бо ҳомиёни худ ифтихор дорад!», «Ватан ганҷинае дар синаи мост!», «Даъват ба хизмати ҳарбӣ ифтихор аст!», «Пос дорам қатраи оби Ватан, Гарди хоку резаи нони Ватан!», «Дар сафи Қувваҳои Мусаллаҳ шуҷоату мардонагӣ меомӯзем!», «Артиши миллӣ - мактаби мардонагист!», ки аз забони наваскарон садо медод, ба дили ҳар як иштироккунанда ҳисси ифтихор ва меҳанпарастиро меангехт.
Абдураҳмон Қодирӣ, раиси вилояти Суғд, ҷавонони ба хизмати ҳарбӣ даъватшударо  самимона табрик намуда, аз ҷумла чунин гуфт:
- Хизмат дар сафи Қувваҳои Мусаллаҳи Тоҷикистон воқеан ҳам мояи ифтихору шараф аст, зеро неъмати бузургтарин - осудагиву сулҳу субот, бақои давлату давлатдорӣ, рушди иқтисоди он, аз нерумандии Артиши миллӣ вобастагии зич дорад. Мо аз он ифтихор дорем, ки ҷавонписарони вилоят бо дарки масъулияти баланди имрӯз ба таври ихтиёрӣ ба қисмҳои ҳарбии минтақаҳои гуногуни кишвар раҳсипор мешаванд ва посбони марзу буми Ватан мешаванд. Ҳамдиёрон, мо ба шумо бовар дорем, падару модаронатон низ бовар доранд, ки хизмати ҳарбиро бо сари баланд ва иродаи қавӣ паси сар мекунед.
Бино ба андешаи комиссари ҳарбии вилоят, полковник Назар Назарзода  баргузории чунин ҳамоишҳои фарҳангӣ барои боз ҳам беҳтар ба роҳ мондани тарбияи ватандӯстии  ҷавонон такони ҷиддие мебахшад.
Ҳоҷимуҳаммади Зиёмуҳаммад, даъватшаванда аз ноҳияи Кӯҳистони Мастчоҳ, андешаҳояшро чунин иброз дошт: «Мисли падару бародаронам хизмати ҳарбиро ба ҷо оварда, назди ин обу хок ва ҳамдиёрони шарифам сари баланд доштан, азму нияти чандинсолаи ман буд. Зеро падарам ҳамеша таъкид мекунанд, ки майдони артиш арсаи ҳақиқии обутобёбӣ ва мардонагист».
Сокини ноҳияи Ашт Фирдавс Ғайбуллоев бо вуҷуди хатмкунандаи Донишгоҳи давлатии ҳуқуқ, бизнес ва сиёсати Тоҷикистон буданаш, тасмим гирифтааст, ки қабл аз оғози фаъолияти корӣ дар сафи Қувваҳои Мусаллаҳи Тоҷикистон хизмати ҳарбиро ба ҷо орад.
- Ҳангоми иштирок дар ин ҳамоиши ватандӯстона, бо чандин ҷавонмарди шуҷоъ, ки аз минтақаҳои гуногуни вилоят буданд, ошноӣ пайдо намудам. Нигоҳҳои пурумеди падару модарони диёрамро дида, бори дигар ба дурусту саривақтӣ будани азму иродаам итминони комил ҳосил кардам, - иброз дошт Фирдавс Ғайбуллоев.

Ҷовиди АШТӢ, «Ҷумҳурият»


Баёни ақида (0)    Санаи нашр: 9.04.2016    №: 69    Мутолиа карданд: 642

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед