logo

иҷтимоиёт

ОРОМӢ ХУД НЕЪМАТ АСТ

Дар як ҳадиси Паёмбар (с) омадааст: «Хушбахт (саодатманд) он касест, ки аз саргузашти дигарон панд гирад». Ба ин маънӣ асосгузори адабиёти классикии тоҷику форс Абуабдуллоҳи Рӯдакӣ навиштааст:
Бирав зи таҷрибаи рӯзгор баҳра бигир,
Ки баҳри дафъи ҳаводис туро ба кор ояд.
Воқеаҳои Афғонистон, Ироқ ва Сурия нишон доданд, ки зери шиори ҷиҳоди дурӯғин мардумро гумроҳ сохтану худро ҳақ нишон додани  пешвоёни ҳизбу ҳаракатҳои ифротӣ ба чӣ оқибатҳои даҳшатбор оварда расонданд. То шиорпардозиҳову эълони ҷиҳод кардани Гулбиддини Ҳикматёр, Мулло Умар, Абубакри Бағдодӣ ва дигар роҳбарони ба ном ҷиҳодӣ сокинони ин кишварҳо зиндагии орому осоишта доштанд. Масҷидҳо обод буданду мардум намозу рӯза ва адои маросими ҳаҷро  бо хотири ҷамъ ба ҷо меоварданд.
Мутаассифона, имрӯз вазъ дар ин мамлакатҳо ноором аст. Қариб ҳар рӯз дар ягон маҳаллаву бозор амали террористӣ рух дода, боиси марги мардуми бегуноҳ мешавад. Кор ба ҷое расида, ки ифротгароён ҳатто аз таркондани ҷойҳои муқаддасу таърихӣ, мисли масҷиду осорхонаҳо худдорӣ намекунанд.
Ин ҳодисаҳо бояд барои пешвоёни собиқи ҲНИТ дарс мешуд, вале афсӯс, ки онҳо манфиатҳои шахсиашонро аз манфиати давлату миллат боло гузошта, кӯшиши барҳам задани суботи ҷомеаро намуданд. Хушбахтона, дасисабозиҳои онҳо сари вақт фош гардида, аз эҳтимоли ҳар гуна муноқиша ҷилавгирӣ шуд.
Сарвари собиқ ҲНИТ Муҳиддин Кабирӣ дар мусоҳибае бо хабарнигори шабакаи телевизионии байналмилалии «Ал - ҷазира» гуфта буд: ҲНИТ идомаи ҳамон ҳизбест, ки соли 1973 дар айёми шӯравӣ таъсис ёфта, дар афкору андешаҳои худ ба ҷамоати «Ихвон-ул-муслимин» қаробат дорад. Пӯшида нест, ки созмони террористӣ дар Мисру Ироқ, Яману Сурия, Алҷазоиру Либия зери шиори «ҷиҳод дар роҳи ҳақ» ба сари мардуми одӣ чӣ мушкиливу бадбахтиҳо овард. Мусулмонкушӣ, барҳам задани ҳаёти осоиштаи мардум ба ҳеҷ ваҷҳ ҷиҳод шуда наметавонад.
Солҳои навадуми асри гузашта иддае аз сокинони мамлакат, ки дар натиҷаи муқовиматҳои сиёсӣ ба Афғонистон фирор карданд, бо чашми сар диданд, ки дар ин кишвари ҳамсоя силоҳбадастон зери ниқоби Ислом ба чӣ корҳои нангине даст мезананд. Толибон, ки дар Афғонистон талоши ҳокимияти сиёсиро ба даст гирифтан доранд, ба мардуми ҷабрдидаи ин кишвари ҷангзада танҳо бадбахтӣ, бехонумонӣ, тарс, ваҳшат ва куштор оварданд.
Яке аз рӯҳониёни маъруфи кишвар домулло Ҳикматуллои Тоҷикободӣ ҳамеша дар мавъизаҳои худ «итоат ба подшоҳ»-ро воҷиб дониста, таъкид мекунад, ки ин нукта дар мазҳаби Имоми Аъзам ҷойгоҳи хос дорад. Ӯ барои тақвияти суханонаш аз Имом Абуҳанифа чунин мисол меорад: Пешвои мазҳаби мо Имоми Аъзам шогирди худ Абуюсуфро насиҳаткунон мегӯяд, ки «подшоҳро эҳтиром намо ва манзалаташро гиромӣ дор!». Домулло Ҳикматуллои Тоҷикободӣ аз сокинони мамлакат хостааст, ки дар ҳаққи Сарвари давлат дуои хайр намуда, аз Худованд бихоҳанд, ки сулҳу ваҳдат ва суботу амниятро дар кишварамон пойдор гардонад.
Агар Муҳиддин Кабирӣ ва ҳаммаслаконаш низ аз ин олими маъруф дарси ибрат мегирифтанд, ба роҳи хато намерафтанд. Зеро оромии мардум як неъмати бузург буда, онро ба ҳеҷ ваҷҳ набояд қурбони мансабталошиву шуҳратхоҳӣ кард.

Н. ЮСУФӢ


Баёни ақида (0)    Санаи нашр: 12.04.2016    №: 70    Мутолиа карданд: 391

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед