logo

иҷтимоиёт

АЗ БЕМАСЪУЛИЯТӢ ТО ҚОНУНШИКАНӢ

БОЗ ДАР БОРАИ ПОЙМОЛ ГАРДИДАНИ ҲУҚУҚИ ХАРИДОРОН ДАР БОЗОРҲО
Мутобиқи моддаи 11 – и Қонуни Ҷумҳурии Тоҷикистон «Дар бораи савдо ва хизматрасонии маишӣ» фурӯшанда дар ҷойи савдо ва хидмат ба мардум бояд дорои чунин мавод бошад: овеза бо нишондоди номи ташкилот, иттилоот дар бораи макони ҷойгиршавии он, китоби сабти арзу шикоятҳо ва пешниҳодот, ҳуҷҷатҳое, ки манбаи воридшавии молҳоро нишон дода, сифат ва бехатарии онҳоро тасдиқ менамоянд, ҳамчунин дафтарчаи тиббӣ ва корти фурӯшанда.

Талаботи зарурӣ ва аввалиндараҷа дар нуқтаҳои хизматрасонӣ либоси ягонаи корӣ доштани фурӯшандаҳо мебошад, ки тибқи моддаи 17 – и қонуни мазкур муқаррар шудааст. Мутаассифона, аксаран савдогарон ин тартиботро риоя намекунанд, либоси ягона ва аз ҳама муҳим корти фурӯшандагӣ надоранд, дар ҳоле ки фурӯшанда бояд молро дар бозор танҳо дар сурати мавҷуд будани корт ба фурӯш барорад. Корти фурӯшанда ҳангоми бастани шартнома дар бораи ҷудо кардани ҷойи савдо ба расмият дароварда, ба ҳар як фурӯшанда дода мешавад ва дар болои либос - сари сина насб мегардад, нисбат ба ҳамаи ҷойҳои савдои дар он зикрёфта дар доираи як бозор эътибор дорад.
Камбудии дигар аз ҷониби савдогарон надодани чеки мол бо овардани суроғаи худ ва сабти маблағ, ки ба мол, истеҳсол, нигоҳдорӣ ва хариду фурӯши он мансуб аст, мебошад. Чеки хазинадорӣ низ бо зикри маблағ санаи фурӯш ва номи ташкилоте, ки молро барои фурӯш истеҳсол кардааст, дода намешавад. Чек исботкунанда ва муҳофизатгар аз нофаҳмиҳо байни фурӯшанда ва харидор мебошад. Нофаҳмӣ одатан миёни ҳар ду ҷониб  барои баргардондани маҳсулоти харидшуда ба миён меояд. Аз байн як рӯз гузарад ҳам, фурӯшанда молашро бозпас намегирад. Ҳол он ки дар моддаи 25 – и Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» омадааст, ки « … талаби харидор дар бобати иваз кардан ё баргардондани мол бояд қонеъ гардонда шавад, ба шарте ки мол мавриди истифода қарор нагирифта, хосиятҳои истеъмолиаш осеб надида, далеле дар даст бошад, ки он маҳз аз фурӯшанда харид шудааст». Ин ҷо далели дар дастбуда танҳо чеки додаи фурӯшанда мебошад, аммо ӯ дидаву дониста ба поймол шудани ҳуқуқи истеъмолгар роҳ медиҳад. Умуман, баҳсҳо дар хусуси поймол кардани ҳуқуқи истеъмолкунандагон зиёданд. Бархе андеша доранд, ки сабаби қонунвайронкуниҳо ҳуқуқҳои худро надонистани истеъмолкунандагон мебошад, масалан, ҳангоми хариду фурӯш талаб накардани чеки хазинавӣ ва ё чеки мол аз ҷониби истеъмолгар.
Бояд гуфт, ки пеш аз ҳама, фурӯшанда уҳдадор аст, ҳангоми пешниҳод кардани мол доир ба маҳсулоташ маълумот диҳад, баъд аз фурӯш ҳуҷҷати тасдиқкунандаи сифат ва бехатарии молашро пешниҳод созад.
Мушоҳидаҳо ва арзу шикояти зиёди харидорон аз тартибот дар бозорҳо ва нуқтаҳои савдо, бозгӯи онанд, ки ҳанӯз ҳам маданияти хизматрасонӣ ба талаботи қонунгузории кишвар ва стандартҳои ҷаҳонӣ  ҷавобгӯ нест. Пешниҳод накардани дафтарчаи арзу шикоятҳо ва дафтарчаи тиббӣ, риоя нашудани одоби хизматрасонӣ ва саду як камбудии дигар ҳалли худро мехоҳанд. Пас чӣ бояд кард? Саволест матраҳ.

О. ГУЛБЕРДИЕВА,
«Ҷумҳурият»


Баёни ақида (0)    Санаи нашр: 12.04.2016    №: 70    Мутолиа карданд: 417

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед