logo

иҷтимоиёт

ПОЙГОҲҲОИ ЗИЛЗИЛАСАНҶӢ ДАР МИНТАҚАИ РАШТ ЧӢ ҲОЛ ДОРАНД?

Аз даврони кӯдакиам ёд дорам, ки дар деҳаи мо ду пойгоҳи зилзиласанҷӣ фаъолият менамуд. Дар пойгоҳи зилзиласанҷии поёни деҳа як нафар русзабон бо ҳамроҳии аҳли оилааш кору фаъолият дошту дар пойгоҳи болои деҳа якчанд нафар русзабонон ба кор машғул буданд. Чор нафар ҳамдеҳагони мо ҳам бо онҳо кор мекарданд. Пойгоҳи поёни деҳа зиёда аз 0, 20 гектар замин дошту дорои хонаи истиқоматии сеҳуҷрагие низ буд. Пойгоҳи болои деҳа дорои 1 гектар замин буду дар он якчанд хона – вагон барои истиқомати кормандон гузошта буданд. Ҳар ду пойгоҳ шароити хуби корӣ доштанд. Солҳои ҷанги шаҳрвандӣ ин пойгоҳҳо аз фаъолият бозмонданд. Аз хона - вагонҳои пойгоҳи болои деҳа на ном монду на нишон. Таҷҳизоту амволи дар ихтиёрашон дошта куҷо шуд, касе намедонад. Танҳо як замини холӣ монду халос. Ҳатто сеткаҳои гирду атрофашро ҳам нобуд карданд. Пойгоҳи поёни деҳа низ ба харобӣ рӯ оварда, як муддат ҷойи муваққатии зисти гурӯҳҳои мухолифин ҳам шуд. Солҳои баъдӣ як нафар ҳамчун мутахассис дар ин пойгоҳ ба қайд гирифта шуда, барои нигоҳубин намудани ин заминҳо вобаста гашт. Ӯ ҳоло ҳар ду пойгоҳро нигоҳубин мекунад.
Саъю талоши масъулини соҳа барои аз даст надодани заминҳои пойгоҳҳо ва ба ҳолати нестӣ нарасидани онҳо моро водор намуд, ки ин мавзӯъро пайгирӣ намоем. Тибқи иттилои масъулин дар минтақаи Рашт 19 пойгоҳи зилзиласанҷӣ мавҷуд мебошад, ки дар онҳо 16 нафар корманд ба қайд гирифта шудааст. Аз ин пойгоҳҳои зилзиласанҷӣ ҳамагӣ ду пойгоҳ - пойгоҳи марказӣ дар кӯчаи ба номи Эмом Муҳиддини шаҳраки Ғарм ва пойгоҳи дараи Камароби Ҷамоати деҳоти ба номи Боқӣ Раҳимзодаи ноҳияи Рашт фаъолият менамоянд. Пойгоҳи зилзиласанҷии марказии водӣ аз 1 бал ва пойгоҳи Камароб аз 0,6 бал боло ҷунбиши зилзиларо нишон медиҳанд. Дигар пойгоҳҳо таҷҳизоти зилзиласанҷӣ надошта, биноҳояшон дар ҳолати садамавӣ қарор доранд. Кормандон дар ин пойгоҳҳо ҳамчун посбон фаъолият менамоянд.
Раҳматшо Фозилов, сардори пойгоҳҳои зилзиласанҷии минтақаи Рашт, зимни суҳбат ба мо иттилоъ дод, ки бо саъю талоши кормандони пойгоҳҳо аз соли 2013 то имрӯз ҷиҳати барқарорсозӣ ва ба расмият даровардани қитъаҳои замини пойгоҳҳо муваффақ шудем, ки 2 пойгоҳро бо сертификати ҳуқуқи истифодаи замин таъмин намоем. Ҳамчунин, қарорҳои раисони ноҳияҳои минтақаро барои ба расмиятдарории заминҳои дигар пойгоҳҳо ба имзо расонидем.
Институти геология, сохтмони ба заминҷунбӣ тобовар ва сейсмологияи Академияи илмҳои Ҷумҳурии Тоҷикистон барои барқарор ва маҳкам намудани атрофи қитъаи замини пойгоҳи Ялдамич - 2 сетка ва симхор дастрас намуд. Биноҳои пойгоҳҳои Камаров, Ялдамич -1, Чусал ва пойгоҳи марказии кӯчаи Эмом Муҳиддин дар ҳолати садамавӣ қарор дошта, ба таъмири пурра ниёз доранд.
Кормандони пойгоҳҳои зилзиласанҷӣ дар минтақаи Рашт умед доранд, ки дар оянда барои барқарорсозӣ ва тариқи устувор роҳандозӣ намудани фаъолияти пойгоҳҳо роҳбарияти Институти геология, сохтмони ба заминҷунбӣ тобовар ва сесмологияи Академияи илмҳо тадбирҳои амалӣ меандешад.

Худодод ЗАЙНИДДИН,
"Ҷумҳурият"


Баёни ақида (0)    Санаи нашр: 12.04.2016    №: 70    Мутолиа карданд: 426

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед