logo

сиёсат

СИЁСАТИ ХОРИҶИИ ТОҶИКИСТОН - СИЁСАТИ «ДАРҲОИ КУШОДА»

Ба озмуни "Ҷумҳурият"

Пешвои миллат, Президенти мамлакат муҳтарам Эмомалӣ Раҳмон дар паёмҳои ҳарсолаи худ ба Маҷлиси Олии Ҷумҳурии Тоҷикистон гаштаю баргашта сиёсати сулҳҷӯёна ва озоди хориҷии Ҷумҳурии Тоҷикистонро таъкид менамоянд. Аз ҷумла дар Паёми имсолаи хеш Роҳбари давлат иброз доштанд: «Мо имрӯз бори дигар эълон медорем, ки сиёсати хориҷии Тоҷикистон сиёсати «дарҳои кушода», сулҳхоҳона ва беғараз буда, дар роҳи татбиқи он давлати мо омода аст, ки бо ҳамаи кишварҳои дунё робитаҳои дӯстонаро бар пояи эҳтироми ҳамдигар, баробарӣ ва ҳамкориҳои судманд густариш диҳад.  Дар ин росто, мо тавсеаи муносибатҳои созанда ва гуногунҷанбаи худро бо шарикони анъанавиамон, аз ҷумла Федератсияи Русия, идома дода, дар раванди мубориза бо таҳдиду хатарҳои муосир ҳамкориҳои муассири ду кишварро тақвият ва таҳким хоҳем бахшид».
Тоҷикистон бо сиёсати хориҷии мусолиматомези худ ҷонибдори он аст, ки низоми кунунии ташаккулёбандаи ҷаҳонӣ аз ҷангу низоъҳо, хушунату зӯроварӣ, таассубу бадбинии миллӣ ва диниву фарҳангӣ комилан озод бошад ва бар пояи шарикиву ҳамкории баробару судманди ҳамаи кишварҳои ҷаҳон асос ёбад. Ҳамаи хатарҳо ба сулҳу субот ва амнияти ҷаҳониву минтақавӣ бояд бо роҳи созишу муколамаи созанда ва бар асоси муқаррароти ҳуқуқи байналмилалӣ, пеш аз ҳама, Ойинномаи Созмони Милали Муттаҳид - созмони глобалии танзимкунандаи муносибатҳои байналмилалӣ бартараф карда шаванд. Таъкид месозем,  ки Ҷумҳурии Тоҷикистон аз тарафи 150 давлати дунё шинохта шуда, узви даҳҳо созмону ташкилотҳои бонуфузи байналмилалию минтақавӣ мебошад.
Дар ҳақиқат, имрӯз дар дунё давлате  нест, ки талаботи худро ба таври мутлақ аз ҳисоби захираҳои дохилӣ, бидуни робита ва истифодаи захираҳои иқтисодии умумибашарӣ қонеъ гардонда тавонад. Дар алоҳидагӣ бе истифодаи самараноки иқтидори истеҳсолӣ, техникию технологӣ, иттилоотӣ, ақлонӣ ва захираҳои иқтисодӣ ҳалли амалии масъалаҳои умдаи рӯз, яъне муосиргардонии (модернизатсияи) саноат, паст кардани сатҳи камбизоатӣ ва таварруму бекорӣ ғайриимкон мебошад. Ҷумҳурии Тоҷикистон ҳамчун узви таркибии хоҷагии ҷаҳонӣ дар тақсимоти баӣналмилалии меҳнат ва раванди ҳамгироӣ ширкати  фаъолона дорад.
Инкишофи имрӯзаи иқтисодиёти миллии моро дар манзари  таҳлили се ҳадафи асосии стратегии давлат маънидод кардан мумкин аст: таъмини истиқлолияти энергетикӣ, раҳоӣ аз бунбасти коммуникатсионӣ ва таъмини амнияти озуқаворӣ. Бо мақсади рушди соҳаи энергетика таҷдиду бунёди неругоҳҳои барқи обии Норак, Роғун, «Сангтӯда-1», «Сангтӯда-2», Қайроққум, Сарбанд, Маркази барқу гармидиҳии Душанбе, хати интиқоли барқи «CASA - 1000» имкон фароҳам меоваранд, ки ба истиқлолияти комили энергетикӣ хеле наздик шавем. Бо мақсади аз бунбасти коммуникатсионӣ баровардани кишвар, алҳол дар саросари кишвар 2000  км роҳи мошингард, 14 км нақб, 140 пул бунёд ва  барқарор  шудаанд. Роҳҳои Душанбе - Кӯлоб - Хоруғ  - Кулма - Қароқурум, Душанбе - Нуробод - Ҷиргатол - Саритош, Душанбе-Бӯстон-Чанақ, бунёди роҳи оҳани нави Туркманистон-Афғонистон-Тоҷикистон робитаҳои гуногунҷанба, қабл аз ҳама иқтисодии  моро бо давлатҳои ҳамсоя қавӣ мегардонанд.
Дар ин замина ҷиҳати афзун намудани гардиши савдои хориҷии кишвар 4 нуқтаи савдои наздисарҳадӣ, аз ҷумла дар ВМКБ бозори наздисарҳадии «Тем»-и шаҳри Хоруғ, «Ишкошим» - и ноҳияи Ишкошим ва «Рӯзвай» - и ноҳияи Дарвоз, дар вилояти Суғд бозори наздисарҳадии «Дӯстӣ»-и шаҳри Исфара фаъолият доранд.  Таъсиси минтақаҳои озоди иқтисодӣ дар ҳудуди шаҳру ноҳияҳои Данғара, Панҷ, Хуҷанд ва Ишкошим мувофиқи матлаб буда, дар онҳо рушди соҳаҳои саноат, коркарди маҳсулоти нассоҷӣ, истеҳсоли масолеҳи сохтмон, маводи рӯзгор, техника, қисмҳои эҳтиётӣ ва густариши фаъолияти тиҷоратӣ пешбинӣ шудааст.
Хусусияти асосии ташкили минтақаҳои озоди иқтисодӣ аз он иборат аст, ки имтиёзҳои тиҷорати хориҷӣ, яъне низоми махсуси тарифӣ ва боҷи гумрукӣ дар амалиёти тиҷоратӣ озодиҳои иқтисодии бештарро соҳиб мегарданд. Андозҳои имтиёзнок шаклҳои гуногуни соҳибкориро ба вуҷуд оварда, боиси зиёд гаштани ҳавасмандии сармоягузорони ватанию хориҷӣ мешаванд. Инчунин, дар минтақаҳои озоди иқтисодӣ инфрасохтори мукаммали муосир ба вуҷуд меояд, ки арзиши истеҳсол ва боркашониҳоро паст карда, барои содироти маҳсулоти  ватанӣ шароити мусоид ба вуҷуд меорад.

Асомиддин АЗИЗОВ,
Наҷибулло МАҲМУДОВ,
устодони Донишгоҳи давлатии Данғара


Баёни ақида (0)    Санаи нашр: 12.04.2016    №: 70    Мутолиа карданд: 525

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед