logo

маориф

ВМКБ: ДОВТАЛАБОН ФАЪОЛ НЕСТАНД, ЧАРО?

Аз соли 2014 инҷониб дар мактабҳои олӣ ва коллеҷҳои Тоҷикистон низоми нави қабули довталабон ҷорӣ гардид, ки он аз тариқи Маркази миллии тестӣ сурат мегирад. Ин тадбир шаффофияти қабули довталабонро ба мактабҳои олӣ ва миёнаи махсус таъмин кард.
Ҷиҳати амалӣ намудани ин низом соли аввал дар маркази вилоят як нуқтаи бақайдгирии Маркази миллии тестӣ ва солҳои минбаъда бо талаби сокинон дар навоҳии дурдасти он нуқтаҳои сайёри бақайдгирӣ таъсис дода шуданд, ки ин мушкилоти довталабонро хеле осон гардонд. Соли равон, ба ин мақсад, дар Донишгоҳи давлатии Хоруғ 4 нуқтаи бақайдгирӣ ташкил шуда, ҳамарӯза фаъолият дорад. Ҳамчунин, дар марказҳои ноҳияҳои Дарвоз, Ванҷ, Ишкошим, Мурғоб ва Рӯшон нуқтаҳои бақайдгирии сайёр амал мекунанд. Барои таъмини фаъолияти пурсамари нуқтаҳои бақайдгирӣ онҳо аз тарафи Маркази миллии тестии назди Президенти Ҷумҳурии Тоҷикистон сари вақт бо таҷҳизоти техникӣ ва маводҳои иттилоотӣ таъмин мешаванд. Айни ҳол дар ҳамаи нуқтаҳои бақайдгирии вилоят давраи бақайдгирии довталабон идома дорад. То ба имрӯз 60 дарсади нақшаи сабти довталабон дар нуқтаҳои бақайдгирӣ ба иҷро расидааст.
Вале тавре таҳлилҳо нишон медиҳанд, маъракаи бақайдгирӣ дар ҳамаи ноҳияҳо мувофиқи матлаб нест. Вазъият, махсусан, дар ноҳияи Рӯшон нигаронкунанда аст. Дар ин ноҳия то ба ҳол аз миёни 459 нафар хатмкунанда танҳо 62 нафарашон ба нуқтаи бақайдгирии Маркази миллии тестӣ муроҷиат кардаанд. Дар ноҳияҳои Мурғоб, Дарвоз, Ванҷ ва шаҳри Хоруғ низ раванди бақайдгирӣ қонеъкунанда нест. Дар шаҳри Хоруғ аз 472 нафар хатмкунанда то 8 апрел дар нуқтаи бақайдгирӣ ҳамагӣ 234 нафар сабти ном шудаанд. Дар ноҳияи Мурғоб аз 191 хатмкунанда дар нуқтаи сайёри бақайдгирӣ ҳамагӣ 51 нафар номнавис шудаанд. Дар ин бора Мадина Шоназарова, сардори бахши минтақавии Маркази миллии тестии назди Президенти Ҷумҳурии Тоҷикистон дар шаҳри Хоруғ, дар машварати назди раиси вилоят хабар дод.
Шодихон Ҷамшед, раиси вилоят, зимни баррасии ин масъала аз фаъолияти Раёсати маорифи вилоят, шуъбаҳои маорифи шаҳри Хоруғ ва ноҳияҳо дар ин самт, ҷараёни сусти бақайдгирӣ дар шаҳри Хоруғ ва ноҳияҳои Рӯшон, Дарвоз, Ванҷ ва Мурғоб изҳори норозигӣ кард. Зикр гардид, ки маъракаи бақайдгирӣ ба тарғиботи бештар ниёз дорад. Боиси нигаронист, ки дар маҷмӯъ аз 3424 нафар хатмкунандаи муассисаҳои таҳсилоти миёнаи умумии вилоят то ба ҳол ҳамагӣ 1952 нафар сабти ном шудаанд.
Шодихон Ҷамшед аз роҳбарияти шаҳри Хоруғ ва ноҳияҳои Рӯшон, Дарвоз, Ванҷ ва Мурғоб, Раёсати маорифи вилоят, шуъбаҳои маорифи шаҳру ноҳияҳо талаб кард, ки дар рӯзҳои боқимондаи марҳилаи бақайдгирӣ сабти ном шудани аксари хатмкунандагонро таъмин намоянд.
 Раҳмони ГУЛЗОР,
“Ҷумҳурият”


Баёни ақида (0)    Санаи нашр: 13.04.2016    №: 71    Мутолиа карданд: 620

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед