logo

иқтисод

БОХТАР: БА ПАХТАКОРӢ АВЛАВИЯТ ДОДА МЕШАВАД

Кишоварзӣ аз соҳаҳои муҳим ва манбаи асосии истеҳсоли маҳсулоти озуқа ва ашёи хоми саноатӣ ба шумор рафта, барои пешрафти иқтисодиёти кишвар, густариши бозори рақобатпазир  ва ба хориҷи мамлакат интиқол додани маҳсулоти хушсифат замина мегузорад. Таъмини истиқлолияти озуқавории кишвар ва беҳдошти вазъи иқтисодии мардуми мамлакат аз рушди мунтазами соҳаи кишоварзӣ вобастагии калон дорад.

Масъулони  соҳаи кишоварзии ноҳияи Бохтар низ баҳри расидан ба истиқлолияти пурраи озуқаворӣ, афзудани ҳаҷми истеҳсоли маҳсулоти рақобатпазир ва таъсиси ҷойҳои нави корӣ, дар самти хоҷагидорӣ саҳми назаррас доранд.
Ба иттилои Исмон Валиев, сардори Раёсати кишоварзӣ, то аввали моҳи апрели соли ҷорӣ дар 6921 гектар кишти баҳорӣ гузаронда шудааст, ки аз он ғалладона 1779,  картошка 213, пиёз 204,  сабзавот  802 гектарро ташкил медиҳад.
Деҳқонони ноҳия соли гузашта танҳо аз ҳисоби гармхонаҳо дар бахши ҷамъиятӣ ва хоҷагиҳои деҳқонӣ 48,3 тонна бодиринг ва 29,2 тонна помидор истеҳсол карда, дар таъмини бозори мамлакат бо сабзавоти хушсифат саҳми арзанда гузоштанд.
Боғдорон барномаи рушди соҳаи боғу токпарварӣ барои солҳои 2010 - 2014  - ро пурра иҷро карда, ба ҷойи 167 дар 1033 гектар боғ бунёд карданд. Истеҳсоли мева дар соли сипаришуда 1764 тоннаро ташкил дода, нисбат ба соли 2014  88  тонна зиёд аст. 
Пахтакорӣ дар ноҳияи Бохтар ҳамчун соҳаи асосии хоҷагидорӣ ва манбаи даромади заҳматкашон шинохта шудааст ва масъулон баҳри сол то сол беҳтару бештар гардондани сифати нах ва майдони кишт тадбирҳои назаррас меандешанд. Бино ба маълумоти Раёсати кишоварзӣ дар хоҷагиҳои ноҳияи Бохтар то 8 –уми апрел дар 6067 гектар кишти пахта гузаронда шудааст, ки 50,1 дарсади нақшаи пешбинишударо фаро мегирад. Бояд гуфт, ки дурнамои кишти пахта барои имсол 12100 гектарро ташкил медиҳад.
Чанд сол аст, ки малах ба соҳаи кишоварзии мамлакат хисороти зиёд меорад. Камбориш ва нисбатан гарм омадани зимистону аввали баҳори имсола ба тухмгузории ин ҳашароти зараррасон боис гардид. Аз рӯйи иттилои Исмон Валиев, имсол авҷгирии малах аз сарҳади шаҳри Сарбанду ноҳияи Вахш сар шуда, як қисми заминҳои чарогоҳи Ҷамоати Бӯстонқаълаи ноҳияи Бохтарро фаро гирифтааст. Барои мубориза бар зидди ҳашарот аз ҷониби Корхонаи воҳиди давлатии «Мубориза бар зидди малах» дар вилояти Хатлон ситоди махсуси корӣ таъсис дода шудааст.
Ба қавли манбаъ то имрӯз ҳудуди  3 200 гектар замини чарогоҳи ноҳия аз ин ҳашарот безарар гардонда шуд.

Лашкар ШАРИФ,
«Ҷумҳурият»


Баёни ақида (0)    Санаи нашр: 13.04.2016    №: 71    Мутолиа карданд: 547

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед