logo

иқтисод

ПИСТА АКНУН ДАР 8 СОЛ ҲОСИЛ МЕДИҲАД

Писта маҳсулоти ниҳоят нодиру серхаридор  буда, ҳар сол ба хоҷагиҳои ҷангали ҷумҳурӣ даромади чашмрас меорад. Нархи фурӯши он дар бозорҳои истеъмолии кишвар хеле гарон мебошад. Дар баробари серғизо будан, хусусиятҳои зиёди шифобахшӣ ҳам дорад. Писта аз дона месабзад. Ба монанди дигар дарахтони сояафкану мевадиҳанда онро аз қаламча намесабзонанд. Ниҳоли аз донаи писта сабзида баъди 10 – 15 сол ба ҳосил даромада мева медиҳад.
Олимони соҳа  барои тезтар ба ҳосил даромадани он гузаронидани найчапайвандро тавсия намудаанд. Ҳоло ниҳоли аз дона сабзидаи писта баъди 3 - 4 - солагӣ пайванд карда мешавад. Дарахти пайвандии писта баъди 6 ё 8 сол ба ҳосил медарояд, яъне муҳлати ба ҳосил даромадани дарахти  писта аз 15 ба 8 сол кӯтоҳ мешавад. Директори муассисаи давлатии хоҷагии ҷангали ноҳияи Данғара Абдусалом Абдулҳақов иттилоъ дод, ки таллу теппа ва доманакӯҳҳои ноҳияи Данғара барои парвариши писта хеле мутобиқанд. Меваи писта ду навъ мешавад: пистаи хандон, яъне кушода ва нокушода. Пистаи тухмиро як моҳ қабл аз шинондан ба қуми намнок омехта карда, дар муҳити хона (ҳарорати гармиаш 20 – 25 дараҷа) нигоҳ медоранд. Намнокии қум бояд мунтазам нигоҳ дошта шавад. Дар ин муддат  аллакай тухмӣ неш мезанад. Баъди майдончаи тухмиро тайёр намудан ва пистаро моҳҳои марту апрел дар фосилаи 8 ба 8 ё 10 ба 10 метр шинондан лозим аст. Пас аз шинонидан нигоҳубини хубро талаб мекунад. Дар байни қаторҳои он нахӯд, лӯбиё, лаблабу, пиёз, сабзӣ ва харбузаву картошка кишт кардан имкон дорад. Равғаннокии мағзи писта ба 60 – 65 фоиз мерасад. Ҳоло майдони пистазори хоҷагии ҷангали ноҳияи Данғара 13 ҳазору 600 гектарро ташкил  медиҳад, ки аз ин ҳисоб 6 ҳазору 140 гектараш ҳосилдиҳанда мебошад. Нишондиҳандаҳои соли сипаришудаи муассиса қаноатбахш арзёбӣ мешаванд. Дар 65 гектар замину талу теппаҳо ниҳолҳои нав, аз ҷумла дар 55 гектар ниҳоли писта ва 10 гектар бодоми талх, ҷамъ 19 ҳазору 50 бех ниҳоли нав шинонида шудааст. Имсол аҳли  кормандони хоҷагии ҷангали ноҳия мақсад доранд, ки дар минтақаҳои Қарасангов, Исмоили Сомонӣ, Навобод ва Себистон дар майдони 60 гектар зиёда аз 20 ҳазор ниҳоли писта шинонанд. Алҳол шинондани ниҳолҳо идома дорад. Соли гузашта дар натиҷаи самаранок истифода бурдани захираҳои дохилӣ ин муассисаи давлатӣ дурнамои ҷамъоварии меваи пистаро барзиёд иҷро кард. Аз майдони 6 ҳазору 140 гектар ба ҷои 7 тоннаву 300 кило, 8 тоннаву 600 кило пистаи хушсифат ҷамъоварӣ шуд. Ҳоло шаҳрвандоне, ки майдони пистазори хоҷагиро мувофиқи имконияташон дар асоси шартнома ба иҷора мегиранд, уҳдадоранд, ки бар иловаи нигоҳубину парвариши замини пистазор  50 фоизи маҳсулотро ба хоҷагӣ супоранд. Ин иқдом самараи хуб медиҳад.
Холназар КАССИРОВ, «Ҷумҳурият»


Баёни ақида (0)    Санаи нашр: 13.04.2016    №: 71    Мутолиа карданд: 618

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед