logo

сиёсат

БОЗИҲОИ ПАСИПАРДАГӢ БОИСИ ПАҲН ГАШТАНИ АҚИДАҲОИ БЕГОНА ВА НООРОМИИ АВЗОИ ҶОМЕА МЕГАРДАНД

Шоҳиди он ҳастем, ки ҳар рӯз расонаҳои хабарии кишварҳои ҷаҳон перомуни ҳаводиси куштор, ғорат ва инфиҷори мардуми бегуноҳи давлатҳои мусулмоннишини Шарқи Наздик, бахусус Ироқ ва Сурия матолиби зиёде омода ва нашр менамоянд. Шумораи онҳое, ки дар натиҷаи ин моҷароҳо аз манзилу макони худ маҳрум шуда, ба ёриҳои башардӯстона ниёз доранд, беш аз 10 миллион нафар гуфта мешавад.

Ин даҳшату ваҳшоният, куштори оммавии сокинони бегуноҳ асосан дар заминаи кашмакашҳои сиёсӣ, ихтилофҳои динию мазҳабӣ ва иттилоотӣ ба амал меоянд. Ҷангу ҷидол дар Сурия ва дигар кишварҳои мусулмоннишин низ дар пояи мазҳабӣ сар мезананд. Дар ин замина, соли 2006 созмон ёфтани ташкилоти террористии «Давлати исломӣ» мушкилоти сангинеро барои ҷомеаи башарӣ эҷод намуд. Дар натиҷаи якҷо шудани ёздаҳ ташкилоти ифротгаро, ки мақсади асосиашон ба даст овардани ҳокимият бо роҳи хунрезиву террор буд, вазъи Ховари Миёнаро муташанниҷ кард.
Мусаллам аст, ки яке аз зуҳуроти нигаронкунанда, аз ҷумла барои кишвари мо низ, шомилшавии ҷавонон ба ҳизбу ҳаракатҳои ифротӣ мебошад, ки мутаассифона дар ҳоли рушд аст. Бинобар ин, саволе ба миён меояд, ки дар чунин шароит, ҷиҳати пешгирии пайвастани наврасону ҷавонон ба гурӯҳҳои террористиву экстремистӣ чӣ чора бояд андешид? Кадом омилҳо сабаби реша давондани ҷараён ва мазҳабҳои бегона дар ҷомеа гаштаанд? Фикр мекунем, давлатҳои абарқудрат ва қувваҳои берунӣ бо мақсади баланд бардоштани нуфузи геополитикии худ дар минтақа, аз ҷумла дар Тоҷикистон низ метавонанд дасиса эҷод намоянд. Онҳо ҳизбу ҳаракатҳои гуногуни ифротгароро дастгирӣ ва аз сарчашмаҳои ба истилоҳ «ёрии башардӯстона» маблағгузорӣ намуда, робитаҳоро ҷиҳати амалӣ сохтани ниятҳои ғаразнокашон тавсеа дода истодаанд. Ду даҳсола пеш ба сари миллат фурӯ овардани бадбахтӣ, яъне рехтани хуни ноҳақ низ маҳз натиҷаи дахолати онҳо буд. Ин омил метавонад ба раванди афзоиши таъсири ақидаҳои бегона ва ифротгароӣ мусоидат кунад.
Ҳаводиси хунини Ховари Миёна, бавижа нооримиҳо дар кишвари ҳамсояи Афғонистон ҷомеаи моро бетараф гузошта наметавонад. Зеро як гурӯҳ шаҳрвандони Ҷумҳурии Тоҷикистон ҳам дар даргириҳои мусаллаҳонаи давлатҳои Сурия ва Ироқ иштирок доранд. Аксари онҳо гумроҳшудаю фиребхӯрдаи хоҷагони хориҷӣ ва таблиғгарони онҳо мебошанд, ки бо роҳу усулҳои гуногун ба гурӯҳҳои террористӣ пайвастаанд. Барои ба Ватан баргардондани онҳо тавассути созмонҳои дахлдори байналмилалӣ ва имкониятҳои мавҷуда чораҷӯӣ бояд намуд.
Созмонҳои динии экстремистӣ ва террористии «Салафия», «Ҳизб - ут - таҳрир», «Ҷамоати таблиғ», «Ихвон-ул-муслимин», «Ал-Қоида», «Ҳаракати исломии Ӯзбекистон», ки дар заминаи ақидаҳои ифротгароӣ ташкил ёфтаанд ва нияти ғаразнокашон «барпо намудани ҷамъияти ягонаи исломӣ дар шакли хилофат мебошад», метавонанд ба авзои сиёсии минтақа таъсири манфӣ расонанд. Омилҳои зиёди дигаре низ ҳастанд, ки ба раванди ташаккули ақидаҳои зиёновару ифротгароӣ мусоидат карда метавонанд. Аз нигоҳи таҳлилӣ, нуктаҳои зайл метавонанд барои пешгирии оқибатҳои номатлуб самаранок бошанд:
- андешидани чораҳои самарабахш ҷиҳати пешгирии паҳншавӣ, ташаккулу вусъат ёфтани ғояҳои бегонаю ифротгароӣ, ки бо ҳар роҳ кӯшиш менамоянд ҷавононро гумроҳ созанд;
- ниҳодҳои давлатиро зарур аст, ки бо истифода аз воситаю методҳои оперативӣ-ҷустуҷӯӣ нисбат ба ҳаракат ва аҳзобу ҷараёнҳои ифротгароӣ, омилҳои пайдоиши онҳо дар ҷомеа ва роҳҳои мубориза бо ин зуҳуроти номатлубро дар шароити муосир таҷдиди назар намоянд;
- пешгирии роҳу усулҳои интиқоли маблағҳо тавассути низомҳои бонкӣ, воридшавии адабиёти хурофотию ифротгароӣ дар гузаргоҳҳои наздисарҳадӣ;
- пешгирии таҳсили ғайрирасмии наврасону ҷавонон дар муассисаҳои таълимии динии давлатҳои хориҷӣ;
- пешгирӣ намудани робитаҳои хусусияти экстремистидоштаи шаҳрвандон дар сомонаҳои интернетӣ;
- роҳандозии дурусти корҳои фаҳмондадиҳӣ оид ба сиёсати пешгирифтаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, таблиғи ғояҳои ватандӯстӣ, ифтихор аз ватану ватандорӣ, ҳифзи арзишҳои миллӣ дар муассисаҳои таълимию илмӣ.

Мирзо АБДУЛЛОЕВ,
муовини сардори Донишкадаи такмили
ихтисоси Хадамоти гумрук,
номзади илмҳои фалсафа,
Қудратулло МИРАКОВ,
мудири кафедраи фаъолияти гумрукии
Донишкадаи молия ва иқтисоди Тоҷикистон, номзади илмҳои техникӣ
 


Баёни ақида (0)    Санаи нашр: 14.04.2016    №: 72    Мутолиа карданд: 438

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед