logo

иҷтимоиёт

БЕПАРВОӢ МОРО БА КУҶО МЕБАРАД?

Сарфи назар аз ба табъ расидани матлабҳои зиёди танқидӣ дар нашрияи расмии кишвар - «Ҷумҳурият»,  хизматрасонии нақлиётӣ ба мусофирони пойтахт нигаронкунанда аст. Яъне,  мутасаддиёни соҳа ё вазъро нодида мегиранд ё дар иҷрои вазифаҳои хидматӣ камтар масъулият ҳис мекунанд. Мо  то ислоҳ шудани вазъ пайгирӣ намудани қазияро рисолати журналистӣ мешуморем.

Бо тақозои зиндагӣ ҳар субҳ аз хурд то калон барои дар вақту соати зарурӣ ба макон расидан, албатта, аз хизматрасонии нақлиёти мусофиркаш истифода мебарем. Имрӯзҳо дар хатсайрҳои пойтахт мардум аз камчинӣ ё набудани нақлиёт шиква надоранд, зеро дар ҳар як хатсайр навъҳои  нақлиёти гуногун дар хизмати аҳолианд. Вале, ҳоло низ аз тарафи ронандагон ва пулчинҳои бархе аз нақлиёти мусофиркаш ҳолатҳои зиёди қоидавайронкунӣ ва риоя нагардидани тартибу интизом дида мешавад. Бештари онҳо, аз ҷумла микроавтобусҳои хатсайрҳои № 33, 2, 54, 52, вақти ҳаракат дар ҷойҳои серодам - назди бозорҳои «Корвон», «Саховат», «Султони Кабир», истгоҳи назди бинои Сирки давлатии Тоҷикистон  зиёд  таваққуф мекунанд. Пулчин аз нақлиёт фаромада, бо овози баланд нафарони роҳгузарро барои нишастан ба нақлиёт даъват мекунад. Рӯи мусофири канори роҳ ҷониби дигар бошад, пулчин даҳ маротиба – то безор шудани роҳгузар мепурсад: «мерӣ, мерӣ, мерӣ, эй ака, эй ака, эй ака, эй хола…».  То «не, намеравам» нагӯяд, илоҷ надорад. Магар ин намуди «хизматрасонии нодир» ба фарҳанги шаҳрнишинӣ, хоса барои пойтахти мардуми тамаддунофари тоҷик мувофиқ аст?  Охир, шахси корафтода  мехоҳад тезтар ба макон расад, бинобар ин бе даъват низ нақлиёти даркориашро меёбад. Дар назди истгоҳи «Садбарг» зане аз нақлиёти мусофиркаши сайрхати № 33 ғур – ғуркунон чунин мегуфт:
- Як сомонии фоидаи худатро фикр мекунию аз кор дермонии моро не? Ҳазор сомонӣ як айби дермонию гапшунавии маро ҷуброн намекунад...
Дар мошинҳои бепулчин ронанда фаромада  мусофиронро даъват намекунад. Яъне, бе ҷоғзанӣ ҳам мешудааст – ку?  Ҳоҷат ба гӯшхарошона даъват кардани мусофирон ҳам нест.
Рафтори бархе аз пулчинон  ҳатто ваҳмангез аст. Зеро дар вақти  ҳаракат кардани нақлиёт ҳам дари онро кушода, бо овози баланд шахсони дар канори роҳ истодаро даъват мекунанд.
Омили дигаре, ки бештар мавзӯи баҳси ронандаву мусофир мегардад, ин пардохти нархи роҳкиро мебошад. Мусофирон  роҳкироро аксаран сари вақт мепардозанд. Ин як одати маъмулӣ шудааст. Мувофиқи тартиби муқарраргардида нархи роҳкиро вобаста ба масофаи хатсайр, бо назардошти дифференсиатсияи (тафриқабандии) нархҳо, инчунин истифодаи навъи сӯзишворӣ муайян карда шудааст. Яъне, барои масофаи то 9 км  80 дирам, барои масофаи то 18 км  1 сомонию 60 дирам. Лекин қариб дар ягон хатсайр бақияи маблағи роҳкироро гардонда намедиҳанд. Аксари мусофирон низ ҳаққи худ - бақияро талаб намекунанд.
Боз як ҳолати нигаронкунанда, ки зиёд ба мушоҳида мерасад,  «пойга» - и ронандаҳо бо якдигар мебошад. Барои он ки аз ронандагони дигар пештар гузашта, мусофиронро зудтар гиранд, қоидаҳои ҳаракат дар роҳро дағалона вайрон намуда, ҳаёти мусофирони дохили нақлиётро зери хатар меандозанд. Ҳамчунин, аз сайрхатҳои муқаррарӣ баромада, бо мақсади миёнабур кардани роҳ ва наистодан дар чароғакҳо бо кӯчаю паскӯчаҳои дохили маҳаллаҳо рондани мошин (хусусан дар хатсайрҳои №2, 19, 46) одати муқаррарӣ шудааст. Сокинони маҳаллаи 1 – уми Совет аз ин худсарии ронандагон ва бепарвоии масъулон ҳанӯз ҳам нигаронанд.
Ин тарзи хизматгузорӣ ба ҷуз он ки ба торҳои асаби мусофирон нохун зада, онҳоро озурдахотиру мушавваш мекунад, ҳамчунин, обрӯи байналмилалии пойтахти азизи моро мекоҳонад. Набояд ба ин роҳ диҳем!
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 14.04.2016    №: 72    Мутолиа карданд: 420

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед