logo

иқтисод

1036 САР ҚУТОС КУҶО ШУД?

Қутос  ҳайвони пурқувват ва  ба шароити  сарди  кӯҳистон тобовар аст.  Қариб  тамоми фасли сол метавон онро дар ҳавои кушод нигоҳубин намуд. Бар зимни ин парвариши  қутос  хеле манфиатовару  камхарҷ буда,  чандон заҳматталаб нест. Вазни  қутос  то  400  килограммро ташкил дода,  баҳри афзоиши маҳсулоти гӯшту шир ниҳоят судманд мебошад.

Ҳукумати ҷумҳурӣ бо назардошти муҳимияти соҳа «Барномаи рушди соҳаи қутоспарварӣ дар Ҷумҳурии  Тоҷикистон барои солҳои 2008 - 2015» - ро роҳандозӣ намуд.  Дар  раванди иҷрои барнома ба хоҷагиҳои чорвопарварии  навоҳии мамлакат, аз ҷумла ба ноҳияи Лахш,  ҷиҳати афзоиши саршумори қутос чанд маротиба қарзҳои имтиёзнок ҷудо гардид.  Иқлими  минтақаи Лахш  баҳри нигоҳубин ва  парвариши кутос хеле мусоид буда,  аз даврони пеш   сокинон ба ин кор машғул буданд. Дар давраи амалишавии барнома барои овардани қутос аз ноҳияи Мурғоб ба хоҷагиҳои чорвопарварии ноҳия 220 ҳазор сомонӣ қарзи имтиёзнок дода шуд. Ҳамчунин, бо ташаббуси роҳбарияти Академияи илмҳои кишоварзии Тоҷикистон тайи солҳои охир бо иштироки олимону мутахассисон семинар – машваратҳо доир гаштанд. Мутахассисони соҳа ба хоҷагидорон оид ба роҳу усулҳои самараноки парвариш, зиёд намудани наслҳои хушзот, тарзи нигоҳубин ва захираи хӯроки чорво маслиҳатҳои судманд доданд. Бо дастгирии Роҳбари давлат ва заҳмати хоҷагидорон саршумори қутос солҳои 2008 – 2012 аз 330 то ба 1652 сар расид. Вале дар солҳои минбаъда саршумори қутос дар ноҳия  ба миқдори зиёд коҳиш ёфт.  Шурӯъ аз соли 2012 дар хоҷагиҳои дахлдор талафи қутос бештар сурат гирифтааст. Тибқи маълумоти бахши агентии омори ноҳия, айни ҳол дар 4 хоҷагӣ  ҳамагӣ 616 сар қутос боқӣ мондааст, ки назар ба соли 2012   1 ҳазору 36 сар кам мебошад. Аз он  138 сар   наслдиҳанда аст.
Дар  ихтиёри ягона хоҷагии давлатии  «Зотпарварии қутоспарварӣ»  айни ҳол 309 қутос мавҷуд буда, аз он ҳамагӣ  32 сар наслдеҳ мебошанд. Аммо Салоҳиддин  Маҳмадрасулов, сардори хоҷагӣ, изҳор дошт, ки,  метавонем дар оянда саршумори қутосро аз ҳисоби наслгирӣ зиёд намоем.
Дар қиёс ба хоҷагиҳои давлатӣ фаъолияти ду фермаи хурди чорводории «Миршодӣ» ва «Баракатулло»  беҳтар  буда, талафи чорво кам ба назар мерасад. Вале бо кори ду хоҷагӣ наметавон сатҳи парвариши қутосро дар ноҳия ҳадди ақал қаноатбахш ҳисобид. Далелҳо бозгӯйи онанд, ки масъулон дар пешбурди  соҳа камтар  аҳамият зоҳир намуда,  ба  ҷойи зиёд  намудани  саршумори  чорвои барои хоҷагии халқ  ниҳоят  фоидабахшонро ба маротиб коҳиш додаанд. Ҳолати  қутоспарварӣ дар ноҳияи Лахш аз масъулони мақомоти маҳаллӣ,  Вазорати кишоварзӣ ва дигар идораҳои дахлдор тақозо менамояд, ки баҳри афзоиши саршумори он  дар ин минтақаи кӯҳистон чораҳои таъхирнопазир андешанд. Зеро тайи чор сол 1036 сар кам шудани қутос дар хоҷагиҳо хеле нигаронкунанда мебошад.
 Додарҷони МИРЗОЗОДА,
рӯзноманигор


Баёни ақида (0)    Санаи нашр: 15.04.2015    №: 73    Мутолиа карданд: 613

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед