logo

фарҳанг

МАРДЕ, КИ БОРИ ЯК МАТБААРО МЕКАШАД

Бисёр дидаву  шунидаем, ки нафарони зиёде аз ҳисоби даромади хеш даст ба корҳои хайр мезананд. Аммо кам дидаем шахсеро, ки  тамоми ҳастӣ ва вуҷуди худро ба кори дӯстдошта  бахшидаву умре дар иҷрои рисолаташ  бошад.

Оқилҷон  Зиёдалиён аз ҷумлаи чунин нафарон ҳаст, ки умри пурбаракати хешро дар роҳи хизмат ба мардуми ниёзманд сарф намудааст. 
Дар арафаи ҷашни Наврӯзи оламафрӯз ба аёдаташ рафтем. Утоқи кориаш  на он қадар калон, вале равшану озода буд. Рӯйи миз  китобҳои муқовасурхи  ҳаҷми ниҳоят калон бо тартиб чида шудаанд. Наздиктар рафтам. “ Аҷабо, ин китобҳоро чӣ гуна  чоп мекарда бошанд?” – чашм аз китобҳои бо ҳуруфи брайлии барои нобиноён чопшуда наканда андешидам. Хусусан, компютерҳои утоқ хеле аҷиб буданд. Онҳо аз компютерҳои муқаррарӣ фарқи калон  доштанд. Маҳз дар ҳамин лаҳзаҳо пай бурдам, ки ин кори бисёр мушкил ва меҳнатталабро  Оқилҷон Зиёдалиён бар уҳда доштааст. Оқилҷон  муҳаррири  матбааи навтаъсиси назди филиали Иттиҳодияи  миллии нобиноёни Ҷумҳурии   Тоҷикистон мебошад.
Ӯ марде, ки солиёни дароз ба чопи китоб машғул аст ва дар рушди маънавии толибилмони нобино саҳми беандоза мегузорад. Ин матбаа соли 2010 таъсис ёфта, ягона мутахассиси он Оқилҷон Зиёдалиён мебошад. Яъне, ӯ худ ба танҳоӣ бори як нашрияро мекашад.
“Китобчопкунӣ бо ҳуруфи брайлӣ ниҳоят заҳматталаб ва гаронарзиш аст. Ҳар кас наметавонад бори вазнини онро бар дӯш бигирад, аммо ман то зинда ҳастам, аз  дастам кори меомадагиро барои бомаърифат намудани нобиноён мекунам, зеро онҳо низ бисёр донистан мехоҳанд ва мекӯшанд, то аз маънавиёт дур набошанд” - мегӯяд вай. Воқеан ҳам, ӯ як инсони заҳматкаш аст.  Чанд моҳ боз аз ҳисоби харобии буҷаи иттиҳодия маош нагирифта бошад ҳам, ба  кор дилмондагиро эҳсос наменамояд. Маоши худро низ дар кор истифода мебарад.
Баҳор ҳам омад. Баҳори пурфайз  ва деринтизор, ки пайки хушиву хурсандии зиёд меоварад. Ҳар кас  ҳар хел орзу мекунад ва ба ҳар тарз ҷашн мегирад. Аммо Оқилҷон  дар орзуи он аст, ки дар ин иди пурбаракат дастгири чунин нафарон зиёда гардад. “Ман шукургузорам аз он ки  нонамро ёфта метавонам, бо вуҷуди ин ки чашмонам заиф  аст ва қудрату  тавоноии зиёд надорам. Шукургузорам, ки дар як фазои осуда, ки ҷаҳониён орзуяш мекунанд, зиндагӣ дорам”, - мегӯяд Оқилҷон Зиёдалиён.
Лола РИЗОЕВА,
Нигина УСМОНОВА,
“Ҷумҳурият”
 


Баёни ақида (0)    Санаи нашр: 15.04.2015    №: 73    Мутолиа карданд: 448

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед