logo

иқтисод

«ФАЙЗОБОД, ОБ, ОБ, ОБ…»

Дар Агентии беҳдошти замин ва обёрии назди Ҳукумати Ҷумҳурии Тоҷикистон мақолаи «Файзобод. Об, об, об…», ки дар рӯзномаи «Ҷумҳурият» аз 16 феврали соли 2016, № 32 (22 854) нашр гардидааст, баррасӣ гардид.
Тайи солҳои 2014 – 2015 бо мақсади беҳтар бо об таъмин намудани заминҳои кишоварзии ноҳияи Файзобод аз ҳисоби маблағҳои сохтмони асосии агентӣ барои таъмири пойгоҳҳои обкашӣ ва канали бо номи «50 – солагии Тоҷикистон» 580 ҳазор  сомонӣ ҷудо гардида, он тоза карда шуд.
Соли ҷорӣ дар асоси Қарори Ҳукумати Ҷумҳурии Тоҷикистон аз 30 апрели соли 2015, № 261 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2015 – 2016» аз ҷониби идораи давлатии беҳдошти замин ва обёрии ноҳияи Файзобод тибқи нақша корҳои тоза намудани шабакаҳои обёрӣ, заҳбуру заҳкашҳо, таъмири иншооти гидротехникӣ, дастгоҳҳои обкашӣ, чоҳҳои амудӣ, трансформаторҳо иҷро карда шуданд.
Имконияти обрасонӣ тариқи пойгоҳҳои обкашӣ мавҷуд бошад ҳам, дар моҳҳои июл – август бинобар паст шудани сатҳи оби дарёи Кофарниҳон дар сарбанди обгирии Даштибед, тақсимоти нодурусти об дар шабакаҳои обёрӣ дар қисмати охири канали ба номи «50 – солагии Тоҷикистон» имконияти обрасониро мушкил мегардонад.
Новобаста ба ин, муассисаи давлатии «Таъмир ва нигоҳдории пойгоҳҳои обкашӣ» вазифадор карда шуд, ки то мавсими обёрӣ дар пойгоҳҳои обкашӣ 4 адад пойгоҳҳои обкаширо ба кор омода намуда, тибқи дархост  хоҷагиҳои кишоварзиро бо оби обёрӣ таъмин намояд.
Ҳамзамон, раёсати беҳдошти замин ва обёрӣ дар минтақаи Душанбе вазифадор гардид, ки то паст шудани сатҳи оби дарёи Кофарниҳон вобаста ба танзими  маҷрои дарё ва корҳои соҳилбандӣ чораҷӯӣ намояд.

Холмурод РАҲМОН,
директори Агентии беҳдошти замин ва обёрии назди Ҳукумати Ҷумҳурии Тоҷикистон


Идораи давлатии беҳдошти замин ва обёрии ноҳияи Файзобод мақолаи хабарнигор Ташрифулло Саъдуллоев «Файзобод. Об,об,об…» - ро, ки 16 феврали соли 2016 дар рӯзномаи «Ҷумҳурият» №32 (22 854) нашр гардид, мавриди баррасӣ қарор дод.
Боиси хушнудист, ки солҳои охир таваҷҷуҳи рӯзнома ба инъикоси масъалаҳои иқтисодию иҷтимоии ноҳия афзудааст. Ин ба ислоҳи саривақтии камбудиҳои ҷойдошта ва пешрафти бахшҳои гуногун мусоидат менамояд. Дар мақолаи зикршуда низ аз мушкилоти обёрӣ тариқи канали «50 – солагии Тоҷикистон» дар мавсими обёрӣ сухан меравад. Вале беҳтар мебуд, ки хабарнигор пеш аз иншои матлаб бевосита аз канали номбурда дидан менамуд. Шабакаи обёрии мазкур 29 километр дарозӣ дорад, ки то соли 2014  13 километри он ва охири соли 2015 пурра барқарор карда шуд. Канал аз дарёи Кофарниҳон сарчашма гирифта, барои обёрии 1200 гектар замини кишт нигаронда шудааст. Аз он 210 гектар ба шаҳри Ваҳдат ва 990 гектар ба ноҳия Файзобод рост меояд. Бо дастгирии Агентии беҳдошти замин ва обёрии назди Ҳукумати ҷумҳурӣ ва мақомоти иҷроияи маҳаллии ҳокимияти давлатӣ соли гузашта баҳри таъмири шабакаи обёрӣ техникаю сӯзишворӣ сари вақт дастрас гардид. Дар пойгоҳҳои обкашии «50 – солагии Тоҷикистон -1»  як агрегат ва пойгоҳи «50 – солагии Тоҷикистон -2» ду агрегат таъмир гардида, омодаи коранд.  Рӯзҳои наздик дар пойгоҳи обкашии «50 – солагии Тоҷикистон – 1» низ агрегати дуюм насб мешавад ва шабакаи обёрӣ пурра бо об таъмин мегардад.
Айни замон, сари вақт пардохт накардани ҳаққи истифодаи об аз ҷониби истифодабарандагон мушкилоти ягонаи соҳа дар ноҳия мебошад. Барои пардохти музди меҳнат ва дар ин замина ҷоннок сохтани кори масъулон ҳалли масъала хеле зарур мебошад.

Нусратулло САИДМУРОДОВ,
сардори идораи давлатии беҳдошти замин ва обёрии ноҳияи Файзобод
 


Баёни ақида (0)    Санаи нашр: 16.04.2016    №: 74    Мутолиа карданд: 782

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед