logo

сиёсат

ТОҶИКИСТОН ВА МАСОИЛИ ОБ

ДАР РАДИФИ ПЕШОҲАНГӢ ҚОНУНГУЗОРИИ СОҲА НИЗ БОЯД ТАКМИЛ ЁБАД
Дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ дар баробари дигар масоили муҳими сиёсӣ, иқтисодиву иҷтимоӣ ба масъалаи таъмини аҳолӣ бо оби тозаи ошомиданӣ низ таваҷҷуҳи хос зоҳир гардид.

Сарвари давлат зимни ироаи Паёми худ аз роҳбарони вазорату идораҳои дахлдор ва мақомоти иҷроияи ҳокимияти давлатии вилоятҳо ва шаҳру ноҳияҳо хост, ки дар баробари вусъат бахшидани корҳои таъмиру таҷдиди роҳҳои дохилишаҳриву байниноҳиявӣ, ҷамоатҳову деҳаҳо ва дигар маҳалҳои аҳолинишин, инчунин ба масъалаи бо оби тоза таъмин намудани аҳолӣ эътибори доимӣ диҳанд. Дар ин робита, зикр шуд, ки «Ҳоло бо мақсади беҳтар кардани таъминоти аҳолии чандин шаҳру ноҳияи мамлакат бо оби тозаи нӯшиданӣ 7 лоиҳаи давлатии сармоягузорӣ ба маблағи умумии қариб 1 миллиард сомонӣ амалӣ шуда истодааст».
Айни замон, бо мақсади таъмини муътадили аҳолӣ бо оби тоза ва иштироки аҳолӣ дар муносибатҳои обистифодабарӣ, ҳамчунин истифодаи самараноки ин сарвати бебаҳо зарурати такмили қонунгузории соҳа ба миён омадааст. Зеро, новобаста аз он ки дар танзими муносибатҳои обистифодабарӣ ва таъмини аҳолӣ бо оби  тоза  қонунҳо ва дигар санадҳои меъёрии ҳуқуқии зерқонунӣ мавҷуд мебошанд, мавриди бозбинӣ қарор додани онҳо тақозои замон аст. Аз ин рӯ, ворид намудани бархе меъёрҳои хусусӣ-ҳуқуқиро дар сатҳи санадҳои соҳавӣ зарур мешуморем. Аз ҷумла, салоҳи кор хоҳад буд, агар дар сатҳи Кодекси оби Ҷумҳурии Тоҷикистон меъёри мушаххаси хусусӣ-ҳуқуқӣ ворид шавад. Зеро меъёрҳои санади мазкур куллан хислати оммавӣ-ҳуқуқиро дар худ инъикос намуда, ворид намудани меъёр дар намуди танзими шартномавии обистифодабарӣ дар боби алоҳидаи Кодекси оби Ҷумҳурии Тоҷикистон амри саривақтӣ мебошад. Таҷриба нишон медиҳад, ки беҳтар намудани вазъи соҳа  аз тавсеаи ҳамкории шартномавӣ байни таъминкунандагон ва истеъмолкунандагони оби нӯшиданӣ вобаста мебошад.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2010 дар Конфронси байналмилалии намояндагони воломақоми мамлакатҳои ҷаҳон бахшида ба таҳлили миёнамуҳлати ҷараёни иҷрои тадбирҳои Даҳсолаи байналмилалии амалиёти «Об - барои ҳаёт» барои солҳои 2005-2015, бори дигар таваҷҷуҳи ҷомеаи ҷаҳониро ба ин масъала ҷалб намуда, изҳор дошт, ки дар шароити имрӯза қариб як миллиард сокини сайёра аз нарасидани оби тоза танқисӣ мекашад ва 2,6 миллиард дар шароити ғайрисанитарӣ зиндагӣ мекунад. Дар ин ҳамоиш Президенти Ҷумҳурии Тоҷикистон зикр намуд, ки дар беш аз 80 мамлакат барои таъмини аҳолӣ об намерасад, ҳар ҳафта дар миқёси ҷаҳон дар натиҷаи бемориҳои вобаста ба сифати бади об ва шароити ғайрисанитарӣ 42 ҳазор нафар вафот мекунад.
Тоҷикистон дер боз дар ҳалли мушкилоти вобаста ба об дар ҷаҳон пешоҳанг ва нақши калидӣ дорад. Зеро Қатъномаи Маҷмааи умумии Созмони Милали Муттаҳид доир ба Даҳсолаи байналмилалии амалиёти "Об - барои ҳаёт", пеш аз ҳама, аз ҷониби Тоҷикистон пешниҳод ва бо аксари овозҳо қабул гардидааст. Аз ин рӯ, кишвари мо ҳамчун ташаббускори қабул шудани Қатънома дар масоили марбут ба об сиёсати пайгиронаро амалӣ намуда, ҳамзамон, бо назардошти аҳамияти ҷалби ҳама ҷонибҳои манфиатдор ба ин раванд  таваҷҷуҳи зиёд зоҳир намудааст.
Аз муҳтавои Паёми Президенти мамлакат ба Маҷлиси Олӣ дар ин самт бармеояд, ки ҳадаф аз талошҳои пайвастаи Тоҷикистон дар ин самт талқини истифодаи оқилонаи захираҳои обӣ, дастрасӣ ба оби тоза, андешидани чораҳои зарурӣ ва ба роҳ мондани ҳамкории созанда дар ҳалли масъалаҳои марбут ба об мебошад, ки ин амр дар рушди устувори кишварҳои минтақа ва ояндаи неки мардумон мусоидат хоҳад кард.

Нурулло ҚУРБОНАЛИЗОДА,
Ҳусниддин  САИДОВ,
устодони кафедраи ҳуқуқи граждании факултети ҳуқуқшиносии Донишгоҳи
миллии Тоҷикистон


Баёни ақида (0)    Санаи нашр: 16.04.2016    №: 74    Мутолиа карданд: 465

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед