logo

фарҳанг

ТАҚЛИД МОРО ТО КУҶО МЕБАРАД?

Мусиқӣ ва шеър чун ширу шакар ҳамеша ҳампайванд буда, ба қалбҳо шодиву сурур ва рӯҳро неруву қувваи бузург мебахшанд. Дар замони пеш оҳангсозону овозхонон беҳтарин шеърҳоро интихоб намуда, оҳанг мебастанд, то ки шеъри пурмазмун муассиртар ба дили шунаванда ҷой гирад. Зеро худи он бузургмардони истеъдод фармудаанд “аз ширу шакар асал бояд рехт”. Ба мо маълум аст, ки ҳар як оҳангсоз ва овозхони давр, ки миёни омма ҳамчун санъаткор шинохта мешавад, бояд дар шинохти мазмуни шеър ва оҳанг масъулияти бузургро ҳис кунад, зеро ба воситаи суруду мусиқӣ низ метавон инсонро тарбия кард.

Аммо чаро имрӯз мазмуну оҳанг чун ширу шакар бо ҳам намепечаду инсонро мутаассир намекунад? Чаро имрӯз овозхон ва оҳангсозони соҳибистеъдод рӯйи саҳнаи ҳунар хеле каманд?
Қурбоналӣ Абдулло, оҳангсоз ва сарояндаи шинохтаи кишвар, ки тӯли солҳо дар ин риштаи ҳунар фаъолияти касбӣ дорад, чунин мегӯяд: «Албатта, ин як доғи рӯз ба ҳисоб меравад, зеро мардум чандон ба шеъру оҳанги касбӣ эътибор намедиҳад. Имрӯз дида мешавад, ки дар ҳар як нуқтаи фурӯши фитаҳои мусиқӣ, садои овозхонҳои ҳаваскор баланд аст. Ҳатто тариқи радио низ бисёр вақт шунавонида мешавад. Боз мардум ба чунин овозхонҳо зиёд таваҷҷуҳ доранд. Ҳамчунин санъаткорони ҷавони мо бисёртар ба мусиқии Ғарб тақлид мекунанд. Ин, албатта, ба санъати мо хатар низ дорад, зеро фарҳанг ва мусиқии мардуми ҳар як кишвар, ин шаҳодатномаи ҳамон миллат дар миқёси ҷаҳон ба шумор меравад».
Оё ин тақлидҳо замоне асли мусиқӣ ва шеърии моро аз байн намебарад? Гулназар Келдӣ, Шоири халқии Тоҷикистон, бар он аст, ки тақлиди зиёд ба мусиқии Ғарб, имрӯз асли шеъру оҳанги хуби худамонро қариб аз байн бурдааст. «Воқеан ҳам завқи мардум коста шудааст. Мушоҳида мешавад, ки ба санъати сабук бисёртар рӯй меоранд. Матни суруду мусиқии имрӯза бе рӯҳ шудааст. Замони шӯравӣ тамоми бастакорон ва овозхонон асарҳои худро аз шӯрои бадеӣ гузаронида, баъд ба рӯйи саҳна мебаромаданд. Ҳоло чӣ? Ҳар касе, ки пул дорад, истеъдоди овозхонӣ ва ё бастакорӣ надошта бошад ҳам, метавонад дар як муддати кӯтоҳ “ситора”- и санъат шавад. Имрӯз сарояндагони ҷавони мо, ки аксари онҳо истеъдоди сайқалёфта надоранд, аз пеши худ оҳанг месозанд ё шеър менависанду суруд мехонанд. Ба мисле, ки “шеъри худам, оҳанги худам, худам месароям”. Шоир аз он нигаронӣ мекунад, ки овозхонҳо бо шоирону оҳангсозони касбӣ чандон ҳамкорӣ намекунанд, аз ин хотир суруди омоданамудаи онҳо хуб намебарояд. Ӯ меафзояд: «Бояд овозхонҳои ҷавон бо шоирони касбӣ ҳамкорӣ кунанд. Дар ин раванд, Вазорати фарҳанг низ бояд фаъол бошад, мунтазам озмунҳое ташкил кунад, ки дар он истеъдодҳои воқеан арзишманд ба майдони санъат роҳ ёбанд. Дар пайи омода кардани як суруд чандин вақт бояд заҳмат кашид, то ки матн ва оҳанги хубе ба миён ояд. Чуноне ки дар даврони шӯравӣ Одина Ҳошим, Зафар Нозим, Дӯстмурод Алиев, Кароматуллои Қурбон, Муқаддас Набиева, Нигина Рауфова ва даҳҳо санъаткорони дигар бо эҷодиёти худ ҷовидонӣ гаштаанд».
Аксари муҳаққиқони соҳа бар онанд, ки “шеъру оҳанг бояд мутаассир ва зебо бошанд, ки аз шунидани он рӯҳи кас ҳаловат барад”. Дар воқеъ, чӣ бояд кард, ки мардум зимни гӯш кардани сурудҳо дар баробари дилчасп будани оҳанги он ба мазмуну моҳияти онҳо низ сарфаҳм раванд.

Фирӯзҷон КОМИЛОВ,
донишҷӯи курси 4 - и
факултети журналистикаи ДМТ


Баёни ақида (0)    Санаи нашр: 19.04.2016    №: 75    Мутолиа карданд: 524

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед